Bulalacao Municipal Police Station

09/04/2026

🚫📢 PAALALA SA LAHAT NG MOTORISTA AT NEGOSYANTE!
Alinsunod sa Municipal Ordinance No. 19-08-238 ng Bayan ng Bulalacao, mahigpit na ipinagbabawal ang pagdaan ng mga malalaking sasakyan at kagamitan sa loob ng mismong town proper upang mapanatili ang kaayusan, kaligtasan, at maayos na daloy ng trapiko.

🚛 MGA SASAKYANG HINDI PINAPAYAGAN:
❌ Mga sasakyang may kargang hayop (livestock)
❌ Closed vans
❌ Mga sasakyang walang mahalagang dahilan sa pagpasok sa bayan
❌ Farm equipment (baler, combine, cultivator, tractor, thresher, at iba pa)
❌ Heavy equipment (backhoe, bulldozer, cement mixer, crane, excavator, at iba pa)
❌ Trailers (ATV, cargo, chemical, car/motorcycle carrier, at iba pa)
❌ Trucks (delivery, dump, tanker, flatbed, tow truck, at iba pa)

📍 PAALALA:
Ang lahat ng nabanggit na sasakyan ay dapat dumaan sa BYPASS ROAD sa lahat ng oras, maliban kung:
✔️ May emergency o kalamidad
✔️ May legal na proyekto na may kaukulang permit
✔️ May delivery ng produkto sa loob ng bayan
✔️ May ibang valid na dahilan alinsunod sa ordinansa

⚠️ MGA PARUSA SA PAGLABAG:
🔸 Multang ₱2,500.00 o community service na hindi bababa sa 40 oras, o pareho
🔸 Posibleng kumpiskahin ang driver’s license o plaka habang iniimbestigahan

💰 PARAAN NG PAGBABAYAD:
Ang multa ay babayaran sa Municipal Treasury Office (MTO) na mag-iisyu ng opisyal na resibo.

09/04/2026

09/04/2026

MUNICIPAL ORDINANCE NO. 12-03-125
“Isang Kautusang Pambayan na Nagpapatupad ng Curfew Hours sa mga Kabataan ng Bulalacao, Oriental Mindoro.”

09/04/2026

Pabatid sa Publiko 📢 📢📢

👉 Alinsunod sa ORDINANSANG BAYAN BLG. 23-07-356, ipinatutupad sa Bayan ng Bulalacao ang mga alituntunin ukol sa Produksiyon, Pagbili, at Pagbiyahe ng Uling (Charcoal) upang mapanatili ang kaayusan, tamang kalakalan, at higit sa lahat—ang pangangalaga sa ating kagubatan. 🌳🔥
✅ Ang Ipil-ipil at/o mga pinahintulutang punong kahoy (Salvaged Trees) lamang ang maaaring gamitin sa paggawa ng uling sa loob ng munisipalidad, maliban sa mga likas na tumutubong punong kahoy na ipinagbabawal ng Kabanata IV, Seksyon 77 ng Presidential Decree Blg. 705.”
🔹 Para sa mga Kooperatiba
✅ Kinakailangang accredited bago makapagnegosyo.
✅ Dapat bumili lamang mula sa mga producer na may kaukulang Charcoal Production Permit.
✅ Obligadong magbigay ng resibo at sumunod sa tamang presyo at limitasyon ng pagbebenta.
🔹 Para sa mga Gumagawa ng Uling (Producers)
✅ Kailangang kumuha ng Charcoal Production Permit mula sa CENRO.
✅ Dapat ipagbili lamang ang produkto sa accredited na kooperatiba sa halagang hindi bababa sa ₱150/sako.
❌ Ipinagbabawal ang direktang pagbenta o pagbiyahe palabas ng bayan ng Bulalacao.
🔹 Para sa mga Mamimili
✅ Maaari lamang bumili mula sa accredited na kooperatiba.
✅ Pinapayagan hanggang tatlong (3) sako kada transaksyon para sa gamit-pambahay.
✅ Kailangang humingi ng resibo sa bawat pagbili.
⚠️ Mga Parusa sa Paglabag:
Unang Paglabag – ₱1,500.00
Ikalawang Paglabag – ₱2,000.00
Ikatlong Paglabag – ₱2,500.00
🌱 Ang bawat producer at kooperatiba ay inaatasang muling magtanim at mag-ayos ng mga punong kahoy na kanilang ginamit sa paggawa ng uling—bilang hakbang sa pagpapanatili ng ating kagubatan.
👉 Kapag sapat na ang suplay ng uling para sa pangangailangan ng mga kabahayan at natamo na ang itinakdang bilang ng sako na maaaring ibiyahe, may kapangyarihan ang Punong Bayan na ipatigil ang paggawa ng uling sa Bayan ng Bulalacao.
📌 Ang Ordinansang ito ay nilagdaan at pormal na inaprubahan noong ika-3 ng Hulyo 2023 sa Bayan ng Bulalacao, Oriental Mindoro.
💡 Paalala: Ang ordinansang ito ay para sa kapakanan ng bawat mamamayan at pangangalaga ng ating likas-yaman. Sama-sama nating suportahan para sa isang mas maayos, ligtas, at luntiang Bulalacao.💛

08/04/2026

08/04/2026

Coordination Meeting

Abril 8, 2026//Dumalo si PMAJ JUNREL D AMOTAN, COP, sa isinagawang Coordination Meeting ng Bulalacao Day 2026 na ginanap sa Sangguniang Bayan Session Hall, Bulalacao Municipal Building, Brgy. Poblacion, Bulalacao, Oriental Mindoro.

Layunin ng pagpupulong na ito na pag-usapan ang mga plano, updates, at mga kinakailangang paghahanda upang matiyak ang maayos, ligtas, at matagumpay na pagdiriwang ng Bulalacao Day 2026.

Sa sama-samang pagkilos at kooperasyon ng bawat isa, inaasahan ang isang masigla at ligtas na pagdiriwang para sa buong komunidad.

#########

07/04/2026