02/07/2026
KARAGDAGANG 13 SOLAR STREETLIGHTS PARA SA MGA LOOBAN NG BARANGAY TIBIG
Matagumpay na naipagkabit ang karagdagang labintatlong (13) solar streetlights sa iba't ibang looban ng Barangay Tibig upang higit pang mapabuti ang kaligtasan at seguridad ng ating mga mamamayan.
Taos-puso ang aming pasasalamat sa nagkaloob ng donasyong 13 solar streetlights, na naging daan upang maisakatuparan ang proyektong ito para sa kapakinabangan ng buong komunidad.
Ang nasabing gawain ay pinangunahan ng Sangguniang Barangay ng Tibig Bulakan Bulacan sa pangangasiwa ng komite ng imprastraktura, katuwang ang mga kawani na tumulong sa matagumpay na pag-install ng mga ilaw.
Patuloy tayong magtulungan tungo sa isang mas maliwanag, mas ligtas, at mas maunlad na Barangay Tibig.
