DepEd Tayo Buenavista II - Quezon Province

24/09/2025

𝗪𝗔𝗟𝗔𝗡𝗚 𝗣𝗔𝗦𝗢𝗞

SUSPENDIDO na ang klase sa LAHAT NG ANTAS NG PAMPUBLIKO AT PRIBADONG PAARALAN sa buong lalawigan ng Quezon, bukas ng Setyember 25 at 26 dahil sa Bagyong .

Samantala, ang opisina sa mga tanggapan ng Pamahalaan at pribadong sektor ay SUSPENDIDO SA SETYEMBRE 26, 2025.

16/09/2025

𝗪𝗔𝗟𝗔𝗡𝗚 𝗣𝗔𝗦𝗢𝗞:
Bunsod ng patuloy na pag-ulan, walang pasok ngayong araw, Setyembre 17, 2025, sa lahat ng antas sa bayan ng Buenavista, parehong pampubliko at pribadong paaralan, ayon kay Mayor Reynaldo E. Rosilla Jr.

16/09/2025

𝗟𝗘𝗡𝗧𝗘 𝗡𝗚 𝗧𝗔𝗚𝗨𝗠𝗔𝗣𝗔𝗬.
Sa pangunguna ni Mayor Reynaldo E. Rosilla Jr., kinilala ng LGU Buenavista si Venjie Eugila G. Cadano ng Buenavista II, ikaanim na puwesto sa Photojournalism Contest ng DSPC sa Lucban, Quezon. Kasama niya sa pagkilala ang coach na si Eugene A. Cantara at District Campus Journalism Chief Adviser Michael Kevin A. Alvarez sa flag raising ceremony kahapon, Setyembre 15.

📸 𝘗𝘐𝘖 𝘉𝘶𝘦𝘯𝘢𝘷𝘪𝘴𝘵𝘢

16/09/2025

𝗗𝗶𝘀𝘁𝗿𝗶𝘁𝗼 𝗻𝗴 𝗕𝘂𝗲𝗻𝗮𝘃𝗶𝘀𝘁𝗮 𝗜𝗜, 𝗻𝗮𝗴𝘀𝗮𝗴𝗮𝘄𝗮 𝗻𝗴 𝗖𝗮𝗽𝗮𝗰𝗶𝘁𝘆 𝗕𝘂𝗶𝗹𝗱𝗶𝗻𝗴 𝗽𝗮𝗿𝗮 𝘀𝗮 𝗔𝗥𝗔𝗟 𝗣𝗿𝗼𝗴𝗿𝗮𝗺

Upang higit na mapalakas ang pagtugon sa pangangailangan ng mga mag-aaral na may kahinaan sa pagbasa, isinagawa ng Buenavista II ang District Capacity Building of Teacher-Tutors on the Academic Recovery and Accessible Learning (ARAL) Program sa Hagonghong Elementary School noong Setyembre 13-14.

Ang nasabing gawain ay dinaluhan ng mga g**o at volunteers mula sa iba’t ibang paaralang elementarya at sekondarya ng distrito.

Nakiisa rin si Isidro Delos Reyes, Public Schools District Supervisor (PSDS), upang pagtibayin ang suporta ng pamunuan sa programa.

Ayon sa PSDS, mahalaga ang pagtutulungan ng g**o, magulang, at komunidad upang maiangat ang kasanayan sa pagbasa at matiyak ang pagkatuto ng lahat ng mag-aaral.

Pinangunahan ang pagsasanay nina Haide Hutamares, Principal I para sa Key Stage 1 (KS1); Allen Lee Sual, Principal I, para sa KS2; Liza M. Zamora, Head Teacher III, para sa KS2 Plus; at Joselito D. Nazareth, Head Teacher III, para sa KS3.

Sa pagsasanay, tinalakay ang layunin ng ARAL Program bilang pangunahing interbensyon sa pagbasa para sa mga mag-aaral na nasa mababang antas ng literasiya.

Binanggit ang Comprehensive Rapid Literacy Assessment (CRLA) at Philippine Informal Reading Inventory (Phil-IRI) Assessment Tool na ginagamit upang tukuyin ang antas ng kakayahan ng mga mag-aaral.

Binigyang-diin ang paggamit ng mga materyales tulad ng decodable books, flashcards, letter at alphabet cards, word-picture cards, at activity sheets.

Itinuro rin ang wastong daloy ng mga sesyon mula motivation hanggang enrichment activity gamit ang iba’t ibang modality gaya ng face-to-face, online, blended learning, at pull-out sessions.

Naging mahalagang katuwang sa pagpapatupad ng programa ang mga administrative officers (AOs) ng distrito bilang Technical Working Group (TWG), na nagsig**o ng maayos na daloy ng mga gawain at aktibidad.

✍️ 𝘔𝘪𝘤𝘩𝘢𝘦𝘭 𝘒𝘦𝘷𝘪𝘯 𝘈. 𝘈𝘭𝘷𝘢𝘳𝘦𝘻
𝘋𝘐𝘊

14/09/2025

𝗖𝗮𝗱𝗮𝗻𝗼 𝗻𝗴 𝗛𝗮𝗴𝗼𝗻𝗴𝗵𝗼𝗻𝗴 𝗘𝗦, 𝗻𝗮𝗴𝗵𝗮𝘁𝗶𝗱 𝗻𝗴 𝘂𝗻𝗮𝗻𝗴 𝗽𝗮𝗻𝗮𝗹𝗼 𝗻𝗴 '𝗔𝗻𝗴 𝗚𝗶𝗻𝘁𝗼𝗻𝗴 𝗕𝘂𝘁𝗶𝗹' 𝘀𝗮 𝗗𝗦𝗣𝗖

Naitala ng "Ang Gintong Butil" ang kauna-unahang panalo nito matapos makuha ni Venjie Eugila G. Cadano ng Hagonghong ES ang ikaanim na puwesto sa Photojournalism Contest ng Division Schools Press Conference sa Lucban, Quezon, Setyembre 12–14.

Si Cadano, mag-aaral sa ikaanim na baitang, ay hinasa ng kaniyang coach na si Eugene A. Cantara, G**o III, at nakipagtunggali sa mahigit 40 kalahok mula sa iba’t ibang paaralan.

Samantala, inihahanda na rin ang "Ang Gintong Butil," opisyal na pahayagang pampaaralan ng Distrito ng Buenavista II, para sa Division School Paper Contest-Elementary na gaganapin naman sa Enero 2026.

✍️ 𝘔𝘪𝘤𝘩𝘢𝘦𝘭 𝘒𝘦𝘷𝘪𝘯 𝘈. 𝘈𝘭𝘷𝘢𝘳𝘦𝘻
𝘋𝘐𝘊

13/09/2025

TINGNAN: Mga kinatawan ng Buenavista II sa Division Schools Press Conference na kasalukuyang ginaganap sa Lucban, Quezon, Setyembre 12–14, 2025.