Municipal Price Coordinating Council of Bongabong

29/12/2021

Rizal History!!!

Kung susundin ang pinagmulan ng pamilya ni Jose Rizal, ang kanyang literal na magiging pangalan ay 'Jose Co', s'ya ang apo sa talampakan nina Siang Co at Zun Nio, isang pamilyang Chinese sa Fujian, China.

Si Jose Protacio Mercado y Alonso o mas kilala natin bilang Jose Rizal ay ang ika-pito sa labing-isang anak nina Francisco Engracio Mercado at Teodora Alonso ng Biñan, Laguna. Mismong si Jose Rizal ang tumuklas at nanaliksik sa family tree ng kanyang ama, pumunta pa ito ng China sa barrio ng Sionque sa distrito ng Chin-Chew, Fujian.

Natuklasan n'ya na may anak sina Siang Co at Zun Nioa na lumipat at tumira sa Pilipinas noon pang 1690. ang pangalan ng kanilang anak ay si Lam Co, nakita n'ya ang isang dukumento na sa edad na 35 ay na-bawtismuhan ito ng mga kastila bilang isang ganap na katoliko at nabago ang pangalan bilang Domingo Co, Kinasal ito sa isang Chinese-Meztisa na si Ines dela Rosa.

Si Domingo Co ay malapit sa mga may posisyon noon sa panahon ng kastila, nakapagmay-ari si Domingo Co ng ekta-ektarang lupa at Hacienda sa San Isidro Labrador sa Biñan. Si Domingo Co ang nakapag-isip at unang gumawa ng irigasyon o patubig para sa kanyang mga bukurin.

Taong 1731, pinanganak nila Domingo Co at Ines dela Rosa si Francisco Mercado, noong panahong iyon pinag-utos ng Espanya na kailangan, na ang lahat ng mga naninirahan sa Pilipinas ay humalintulad sa mga apeliyedo ng mga kastila, maging ang mga iba't-ibang salitang kastila na ginawa rin nilang mga pangalan at apeliyedo. Unang naisip ni Domingo ang kanyang kaibigang kastila na ang pangalan ay Francisco, at ang 'Mercado' naman na ang ibig sabihin ay pamilihang-bayan o market.

Si Francisco Mercado ay kinasal sa isang Bernarda Monica, isang mayamang Haciendera sa San Pedro, Laguna, at nagkaroon sila ng dalawang anak, ito ay na sina Clemente at Juan. Noong 1783, nahalal bilang Gobernadorcillo o Municipal-Mayor ng Biñan si Francisco Mercado habang ang anak nitong si Juan Mercado ay nahalal bilang Capitan del pueblo noong 1808, 1813 at 1823.

Si Juan Mercado ay kinasal sa isang Cirila Alejandro, isa muling Chinese mestiza, at nagkaroon sila ng labin-tatlong anak, isa sa mga anak nila ay inuhalintulad n'ya sa pangalan ng kanyang ama bilang Francisco Engracio Mercado, isang matalinong nag-aral sa Colegio de San Juan de Letran. Nakilala ni Francisco Engracio Mercado ang isang Teodora Alonso y Realonda, anak mayaman na nag-aaral noon sa kilalang Colegio de Sta. Rosa. Kinasal ang mga ito at pinalaki ang negosyo ng palay, tubuhan at maisan sa Laguna.

Taong 1848, pinag-utos ng Governor General
Sa buong bansa na inuutusan ang lahat na palitan ang bawat pangalan ng salitang espanyol. Ang napili n'yang pangalan ay Ricial na ang ibig sabihan ay Luntiang berde, nakilala s'ya noon bilang Ricial Mercado. Dahil sa hindi mabigkas at hirap ang ilan na matandaan ang Ricial, pinalitan n'ya ito bilang Rizal Mercado. Si Rizal Mercado at Teodora Alonso ay nagkaroon ng mga anak, at isa roon ay si Jose Rizal. Nang maglao'y muli ng ginamit ni Ricial ang kanyang orihinal ng pangalan, ang Francisco Mercado.

1865 ng pinalitan ni Jose Rizal Ang kanyang pangalan bilang Jose Protacio Rizal at inalis ang Mercado. Ang apeliyedong Mercado ay mainit sa mga mata ng autoridad dahil sa kanyang kuya na si Paciano Mercado na malapit sa tinuturing na mga traydor sa remeheng kastila. Nai-uugnay ito sa tatlong pari na ginarote dahil sa pagkakasangkot sa mga 'di nagtagumpay ng pag-aaklas.

And the rest was history, malayang nakapag-aral si Jose Rizal sa Espanya at unti-unting inilaan ang sarili sa paggawa ng mga nobelang magpupukaw sa panahon ng pagnanais n'ya ng pagkakapantay-pantay, pero kalauna'y nagbunsod ng pag-aaklas laban sa Espanya. Tinuring s'yang pinakadakilang bayani ng ating kasaysayan.

Research : Pinoy History Team

21/05/2021

Attention to all MSMEs! We are inviting everyone to join the FREE Webinar via Zoom App.

Topic: How to avail Bayanihan CARES Program (P3 Loan)
When: May 25, 2021 9:00AM - 11:00AM

Kindly register your confirmation through this link to get FREE access to the webinar session ➡️:
https://forms.gle/YUqyhpVDFCmniSQh7
https://forms.gle/YUqyhpVDFCmniSQh7

*The Zoom link and login details will be provided after your registration has been confirmed.

**For inquiries, contact details are as follows:
09383533895 / 09508707668

Email address: [email protected]

page: www.facebook.com/NegosyoCenter.Bongabong
Negosyo Center Bongabong

See you all virtually! 👨‍💻👩‍💻

22/10/2020

13/05/2020

22/04/2020

APRIL 22, 2020. Muling nag-ikot sa Pamilihang Bayan ng Bongabong ang Municipal Price Coordinating Council (MPCC) sa pangunguna ni Roger Mangua - Market Administrator, Cleopatra Enriquez - DTI-NC Coordinator, Gary Louie Sapinit - Municipal Agriculturist, Kingbe Uy - MENRO at Geron Isler - MPCC Secretariat upang magkaroon muli ng aktwal na inspeksyon at masubaybayan ang Kasalukuyang Katatayuan ng ating mga Negosyanteng Magtitinda sa Pamilihang Bayan, gayundin ang sitwasyon ng mga Mamimili (konsyumer) sa panahong ito ng pambansang pagpapatupad ng Enhanced Community Quarantine (ECQ).

Base sa aktwal na inspeksyon at pagsusuri ng MPCC, napag-alaman na mas higit na dumaranas ngayon ng Kakapusan sa Supply sa ating mga Pangunahing Bilihin kumpara sa nakaraang inspeksyon noong April 16, 2020 at tuluyan na ring nauubos ang supply ng lahat ng uri ng Biscuit (cookies) dahil na rin sa pagsasara ng ilang mga pagawaan nito. Napansin rin ng MPCC ang bahagyang pagtaas ng presyo ng 5% hanggang 10% ng ilang pangunahing bilihin, kung kaya't kaagad na nagbigay ng babala si Cleopatra Enriquez - DTI Coord. na magkaroon ng kamalayan sa Pambansang Pagpapatupad ng "Price Freeze on Basic Necessities" alinsunod sa PRICE ACT o REPUBLIC ACT (RA) No. 7581 sa loob ng animnapung (60) araw na pagpapatupad ng ECQ, at may pananagutan sa batas ang sinumang mapapatunayang lalabag dito.

Kapansin-pansin rin na mula sa nakaraang mga araw ay naging matumal ang bentahan ng mga panindang Isda sa ating Wet Market dahil sa patuloy na pagkonti ng bilang ng mga namimili at sa pagdami na rin ng mga naglalako ng Isda sa mga Barangay. Sapat pa rin ang Supply ng Karne at wala pang pagbabago sa mga presyo nito. Ang Gulay ay bahagya ring humina ang bentahan sa loob ng pamilihang bayan na nagiging dahilan ng pagkasira at pagkabulok ng ilang paninda, at tuluyang pagkalugi ng mga namumuhunan dito, at pagkakaroon rin ng mga nagtitinda ng gulay sa ilang sentro ng malalayong barangay kung kaya't tuloy-tuloy ang paghina ng bentahan nito.

Bilang solusyon sa kasalukuyang nararanasan ng ating mga Negosyanteng Magtitinda sa ating Pamilihang Bayan hinggil sa Kakapusan ng SUPPLY ng ilang pangunahing bilihin, ang MPCC sa pagpapahintulot ng pamahalaang bayan ay handang makipagtulungan sa mga nagnanais na makapamili ng kakulangang mga paninda sa Calapan City o first district sa pamamagitan ng pagbibigay ng Travel Pass.

Patuloy ang paalaala at pakikiusap sa lahat na sumunod sa kasalukuyang ipinatutupad ng ating pamahalaan na ECQ, manatili lamang sa ating mga tahanan kung walang importanteng gagawin sa labas at sumunod sa nakatakdang eskedyul ng pagpunta sa mga pamilihan. Panatilihing nakasuot ng Facemask at laging magkaroon ng Social Distancing kapag nasa labas at namimili.

16/04/2020

Abril 16, 2020. Dahil sa kasalukuyang Krisis na nararanasan ng ating Bayan at nang buong bansa bunsod sa problemang dulot ng COVID 19 at sa patuloy na pagpapatupad ng Enhanced Community Quarantine (ECQ), ang Municipal Price Coordinating Council (MPCC) ng Bongabong sa pangunguna ni Roger Mangua - Market Administrator, Cleopatra Enriquez - DTI-NC Coordinator, Kingbe Uy - MENRO, Noriel Bayeta - Dept. of Agriculture at Geron Isler - MPCC Secretariat ay muling nagsagawa ng Aktwal na Inspeksyon at Pagsusuri sa Pamilihang Bayan upang masubaybayan ang mga alituntuning ipinatutupad partikular sa Presyo ng mga Pangunahing Bilihin at masiguro na mayroon pang Kasapatan sa Supply sa kasalukuyan at sa darating na mga araw.

Matapos ang Aktwal na Inspeksyon at Pagsusuri sa loob ng Pamilihang Bayan, ay napag-alaman ng MPCC na unti-unting nagkakaroon ng Kakapusan sa Supply sa ating mga Pangunahing Bilihin dahil sa Limitadong Dami ng nabibili sa mga Supplier at hindi regular na pagdadala ng mga Ahente sa bawat tindahan. Bukod pa rito, napag-alaman rin ng MPCC na nadagdagan ang dami ng mga regular na Namimili sa Pamilihang Bayan ng Bongabong simula ng ipagbawal ang Pagpasok at Pamimili ng mga taga-Southern Barangays (Dayhagan, Camantigue, Ogbot, Polusahi, Mina De Oro, Masaguisi, Kaligtasan at San Jose) sa Pamilihang Bayan ng Roxas. At dahil dito, dumagsa ang mas maraming namimili sa ating Pamilihang Bayan at nagkaroon ng agarang Pagtaas ng DEMAND sa mga Bilihin at Pagbaba naman sa Dami ng ating kinakailangang SUPPLY.

Kaugnay nito, napag-alaman din na tanging mga supply lamang ng Gulay, ilang uri ng Prutas, Karne at Isda ang nananatiling Sapat at walang Kakulangan sa ating Pamilihang Bayan at patuloy rin na nasa Normal at Maayos ang mga Presyo nito. Sa kasalukuyan ay sapat rin ang supply ng Bigas sa ating Pamilihan, subalit naging Matumal ang Bentahan ng Bigas ayon sa ilang nagtitinda.

Ang mga konsyumer ay patuloy na pinaaalalahanan na maging masunurin sa ipinatutupad na Enhanced Community Quarantine (ECQ) sa lahat ng oras at panatilihin lagi ang pagsusuot ng Face Mask at Social Distancing kapag namimili.