22/03/2024
Pabatid
Ito po ay tungkol sa isang mapanirang post sa social media patungkol sa ibat-ibang issues sa ating barangay:
1. Hindi daw โpagpapasama sa isang konsehala ng barangay sa isang seminarโ
2. Pagbabaklas diumano ng isang solar light.
Bilang isang mabuting mamamayan, mahalaga na gamitin natin ang social media nang may pagmamalasakit at respeto sa mga pinuno at otoridad ng ating barangay. Ang pagpapakalat ng mapanirang impormasyon at walang basehang mga alegasyon laban sa kanila ay hindi lamang nagpapakita ng kawalan ng paggalang, kundi pati na rin ng kakulangan sa propesyunalismo.
Sa pagtugon sa mga alegasyong ito, mayroon akong patunay na naglalarawan ng katotohanan hinggil sa isang seminar na binabanggit sa isang post sa social media. Batay sa liham mula sa Department of Budget and Management Association of Local Budget Officers in Region III Inc., petsang February 13, 2024, malinaw na ang mga iniimbitahan lamang sa nasabing seminar ay ang mga sumusunod: Punong Barangay, Barangay Treasurer, Barangay Secretary, Chairperson on Committee on Appropriation, iba pang kinauukulang opisyal ng barangay, at mga lokal na budget officers at kawani. Layunin ng nasabing seminar na may temang โSeminar Workshop on Procurement Planning and Barangay Budgetingโ na naglalayong bigyang kaalaman ang mga taong may direktang kinalaman sa paghahanda ng budget sa barangay.
Tungkol naman sa sinasabing pagbabaklas ng solar lights, ito po ay nasira at bumagsak dahil sa hindi maayos na pagkakabit nito. Sa pagmamalasakit ng isang kabarangay natin, ang nasirang solar lights ay idinala sa barangay hall upang mapangalagaan.
Inuulit po namin na ang inyong mga lingkod ay mananatiling tapat sa ating mga kabarangay at pangangalagaan ang mga kapakanan nito ng walang tinitignang pulitika hindi katulad ng mga mapanira at malisyosong mga pahayag sa social media.
Maraming salamat po.
