BAT 4 WPS Pangasinan

20/01/2026

𝐌𝐆𝐀 𝐁𝐀𝐑𝐀𝐍𝐆𝐀𝐘 𝐀𝐓 𝐒𝐊 𝐋𝐄𝐀𝐃𝐄𝐑𝐒 𝐒𝐀 𝐏𝐀𝐍𝐆𝐀𝐒𝐈𝐍𝐀𝐍, 𝐏𝐈𝐍𝐀𝐇𝐔𝐒𝐀𝐘 𝐀𝐍𝐆 𝐊𝐀𝐀𝐋𝐀𝐌𝐀𝐍 𝐒𝐀 𝐒𝐎𝐁𝐄𝐑𝐀𝐍𝐘𝐀 𝐍𝐆 𝐁𝐀𝐍𝐒𝐀 𝐒𝐀 𝐖𝐄𝐒𝐓 𝐏𝐇 𝐒𝐄𝐀.

Patuloy na pinapalakas ang papel ng mga pamayanan sa Pangasinan sa usapin ng West Philippine Sea (WPS) matapos isailalim sa capability training ang mga kasapi ng Barangay Advocacy Team for West Philippine Sea (BAT 4 WPS), isang hakbang na naglalayong gawing mas aktibo ang mga barangay sa pagtatanggol ng soberanya, pangangalaga sa kapaligiran, at pagpapanatili ng kapayapaan sa karagatan.

Isinagawa ang pagsasanay noong Enero 15, 2026 sa Function Hall sa Barangay Poblacion, Bolinao, sa pangunguna ng 71st Infantry (KAIBIGAN) Battalion ng Philippine Army, katuwang ang Bolinao Municipal Police Station, 1st Provincial Mobile Force Company (1PMFC) ng Pangasinan Provincial Police Office, at ang Coast Guard Station Pangasinan.

Labingwalong opisyal ng Barangay at Sangguniang Kabataan ng mga bayan ng Agno, Anda, at Bolinao ang lumahok sa pagsasanay. Tinalakay sa aktibidad ang maritime domain awareness, pangangalaga sa yamang-dagat, mga isyung may kaugnayan sa soberanya, pati na ang project development at action planning upang maisalin ang adbokasiya sa konkretong hakbang sa antas-barangay.

Ayon sa Kaibigan Battalion, isinusulong ng aktibidad ang nagkakaisang pagkilos ng mga komunidad upang mapangalagaan ang teritoryo ng bansa, pangangalaga sa kalikasan, at pagpapanatili ng kapayapaan at seguridad sa WPS. | Ulat ni Ricky Casipit, Radyo Pilipinas Dagupan.

20/01/2026

20/01/2026

Isinagawa ng 71st Infantry (Kaibigan) Battalion ng Philippine Army, katuwang ang Bolinao Municipal Police Station, ang 1st Provincial Mobile Force Company ng Pangasinan Provincial Police Office, at ang Coast Guard Station Pangasinan, ang isang Capability Training Workshop para sa Barangay Advocacy Team for the West Philippine Sea (BAT 4 WPS) noong Enero 15, 2026 sa Function Hall ng Barangay Poblacion, Bolinao, Pangasinan.

Dinaluhan ang aktibidad ng 18 opisyal ng Barangay at Sangguniang Kabataan mula sa mga bayan ng Agno, Anda, at Bolinao. Layunin ng pagsasanay na palakasin ang kaalaman ng mga kalahok hinggil sa maritime domain awareness, pangangalaga sa kalikasan, mga isyu sa soberanya, pagbuo ng mga proyekto, at pagpaplano ng mga konkretong hakbangin.

Nilalayon ng inisyatibang ito na hikayatin ang aktibong partisipasyon ng mga komunidad sa adbokasiya para sa West Philippine Sea at isulong ang nagkakaisang pagkilos upang ipagtanggol ang teritoryo ng bansa, igalang ang soberanya, pangalagaan ang kalikasan, at mapanatili ang kapayapaan at seguridad sa nasabing lugar.