Gov Mel Go - Marinduque

08/09/2026

𝗕𝗼𝘀𝗲𝘀 𝗻𝗴 𝗠𝗮𝗿𝗶𝗻𝗱𝘂𝗾𝘂𝗲 – 𝗣𝗲𝗼𝗽𝗹𝗲’𝘀 𝗣𝗲𝘁𝗶𝘁𝗶𝗼𝗻 & 𝗣𝘂𝗯𝗹𝗶𝗰 𝗖𝗼𝗻𝘀𝘂𝗹𝘁𝗮𝘁𝗶𝗼𝗻

Para sa mga kababayang gustong makiisa sa panawagan para sa full disclosure, independent review, at malinaw na accounting kaugnay ng Marcopper settlement, bukas po ang petisyon para sa inyong pirma.

I scan ang QR code ng inyong mobile phone camera upang buksan ang link.

Maaari ring ma-access sa:
https://form.jotform.com/262491484819065

08/09/2026

𝗛𝗔𝗟𝗜𝗡𝗔'𝗧 𝗠𝗔𝗞𝗜𝗟𝗔𝗛𝗢𝗞! 🎨

Bilang pagtupad sa mga kahilingan ng Batas Republika Blg. 7192 o “Women in Development and Nation-Building Act” at pagtupad sa tungkulin pangpamana, inihahandog ng Panlalawigang Tanggapan ng Turismo at Kultura (PTCO) ang “𝗞𝗮𝗯𝘂𝗵𝗮𝘆𝗮𝗻, 𝗞𝗮𝘀𝗮𝗿𝗶𝗮𝗻, 𝗮𝘁 𝗞𝘂𝗹𝘁𝘂𝗿𝗮: 𝗜𝘀𝗮𝗻𝗴 𝗣𝗮𝗴𝗵𝘂𝗵𝘂𝗯𝗼𝗴 𝘀𝗮 𝗺𝗴𝗮 𝗧𝗿𝗮𝗱𝗶𝘀𝘆𝘂𝗻𝗮𝗹 𝗻𝗮 𝗚𝗮𝘄𝗮𝗶𝗻𝗴-𝗞𝗮𝗺𝗮𝘆 𝗻𝗴 𝗠𝗮𝗿𝗶𝗻𝗱𝘂𝗾𝘂𝗲.” Isang programa sa ilalim ng Gender and Development Program (GAD) na Conference on Women’s Empowerment for Tourism Industry Employees, naglalayon itong pag-ibayuhin ang karapatan at bigyan ng oportunidad ang iba’t ibang kasarian, lalo na ang mga kababaihan, at, sa parehong pagkakataon, pagyamanin at panatilihing buhay ang sining at kultura ng lalawigan ng Marinduque.

Sa pamamagitan ng pagkasangkapan sa mga tradisyunal na sining at pamana ng Marinduque at sa tulong ng ating mga tagapagsanay at Cultural Bearers, ituturo sa gawaing ito ang kaalaman at kasanayan sa apat na gawaing-kamay na mayroon sa isla: 𝗣𝗮𝗴𝗴𝗮𝘄𝗮 𝗻𝗴 𝗧𝘂𝗿𝗯𝗮𝗻𝘁𝗲 𝗻𝗴 𝗕𝘂𝗹𝗮𝗸𝗹𝗮𝗸𝗮𝗻𝗴 𝗠𝗼𝗿𝘆𝗼𝗻 𝗻𝗶 𝗚𝗻𝗴. 𝗣𝗲𝘁𝗿𝗼𝗻𝗶𝗹𝗮 𝗣. 𝗠𝗮𝘇𝗼𝗻 (70 𝘀𝗹𝗼𝘁𝘀); 𝗣𝗮𝗴𝗴𝗮𝘄𝗮 𝗻𝗴 𝗠𝗮𝘀𝗸𝗮𝗿𝗮𝗻𝗴 𝗣𝗮𝗽𝗲𝗹 𝗻𝗴 𝗠𝗼𝗿𝘆𝗼𝗻 𝗻𝗶 𝗚. 𝗣𝗲𝗱𝗿𝗼 𝗟. 𝗠𝗮𝗻𝗱𝗶𝗮, 𝗝𝗿. (30 𝘀𝗹𝗼𝘁𝘀); 𝗣𝗮𝗴𝗹𝗮𝗹𝗮 𝗻𝗴 𝗕𝘂𝗹𝗶 𝗻𝗶 𝗚𝗻𝗴. 𝗝𝗼𝘀𝗲𝗽𝗵𝗶𝗻𝗲 𝗥. 𝗕𝗮𝗹𝗶𝗻𝗴𝗶𝘁 (50 𝘀𝗹𝗼𝘁𝘀); at 𝗣𝗮𝗴𝗵𝗶𝗵𝗶𝗸𝗶𝘁 𝗻𝗴 𝗡𝗶𝘁𝗼 𝗻𝗶 𝗚𝗻𝗴. 𝗖𝗿𝗶𝘀𝗽𝗶𝗻𝗮 𝗟. 𝗚𝗲𝗻𝗼𝘁𝗶𝘃𝗮 (150 𝘀𝗹𝗼𝘁𝘀).

Inaasahan sa programang ito na maipapasa ang dunong sa taal na kalinangan ng Marinduque na magagamit sa pagkakaroon ng kabuhayan at magbibigay ng bagong simula sa maraming indibidwal.

Ang pagsasanay ay gaganapin sa darating na 𝗶𝗸𝗮-2 𝗻𝗴 𝗢𝗸𝘁𝘂𝗯𝗿𝗲 2026, Biyernes, 𝗺𝘂𝗹𝗮 𝗶𝗸𝗮-8 𝗻𝗴 𝘂𝗺𝗮𝗴𝗮 𝗵𝗮𝗻𝗴𝗴𝗮𝗻𝗴 𝗶𝗸𝗮-5 𝗻𝗴 𝗵𝗮𝗽𝗼𝗻 𝘀𝗮 𝗣𝗿𝗼𝘃𝗶𝗻𝗰𝗶𝗮𝗹 𝗖𝗼𝗻𝘃𝗲𝗻𝘁𝗶𝗼𝗻 𝗖𝗲𝗻𝘁𝗲𝗿, 𝗕𝗮𝗻𝗴𝗯𝗮𝗻𝗴𝗮𝗹𝗼𝗻, 𝗕𝗼𝗮𝗰, 𝗠𝗮𝗿𝗶𝗻𝗱𝘂𝗾𝘂𝗲. Libre at bukas ang gawain para sa lahat, kaya't inaanyayahan ang mga nais dumalo at makibahagi sa programa na magpatala sa pamamagitan ng registration link sa ibaba.

Registration link 𝗽𝗮𝗿𝗮 𝘀𝗮 𝗽𝗮𝗴𝗽𝗮𝗽𝗮𝘁𝗮𝗹𝗮:
https://forms.gle/9wPmZLVkQJrvrJe38
https://forms.gle/9wPmZLVkQJrvrJe38
https://forms.gle/9wPmZLVkQJrvrJe38

Marami pong salamat!

07/09/2026

𝐏𝐀𝐆𝐋𝐈𝐋𝐈𝐍𝐈𝐒 𝐍𝐆 𝐌𝐀𝐊𝐔𝐋𝐈𝐋𝐈𝐒 𝐏𝐄𝐀𝐊, 𝐍𝐀𝐆𝐈𝐍𝐆 𝐌𝐈𝐒𝐘𝐎𝐍 𝐍𝐆 𝐌𝐀𝐑𝐈𝐍𝐃𝐔𝐐𝐔𝐄 𝐎𝐔𝐓𝐃𝐎𝐎𝐑𝐒

Noong Agosto 31, 2026, muling umakyat ang Marinduque Outdoors sa Mount Malindig-Makulilis Peak, hindi lamang para pagmasdan ang ganda ng tanawin, kundi para alagaan ang mismong ganda na kanilang narating. Isinabay nila sa kanilang pag-akyat ang paglilinis ng Makulilis peak upang mapanatili itong malinis para sa susunod na makararating dito.

Bilang pagkilala sa kanilang ipinamalas na malasakit para sa kalikasan, tumanggap ang Marinduque Outdoors ng Plaque of Appreciation mula kay Governor Mel Go.

Salamat sa pag-akyat na may kasamang malasakit, Marinduque Outdoors!

07/09/2026

𝐑𝐎𝐀𝐃 𝐒𝐀𝐅𝐄𝐓𝐘 𝐂𝐀𝐑𝐀𝐕𝐀𝐍 𝐀𝐓 𝐋𝐈𝐁𝐑𝐄𝐍𝐆 𝐓𝐇𝐄𝐎𝐑𝐄𝐓𝐈𝐂𝐀𝐋 𝐃𝐑𝐈𝐕𝐈𝐍𝐆 𝐂𝐎𝐔𝐑𝐒𝐄 (𝐓𝐃𝐂)

Bilang pagpapatuloy ng mas pinaigting na adbokasiya ng LTO MIMAROPA – Boac District Office para sa responsable at ligtas na pagmamaneho, magkakaroon ng:

✅ Road Safety Caravan
✅ Libreng Theoretical Driving Course (TDC)
✅ Pagproseso ng Student Permit at License Renewal

📅 September 10–11, 2026 (Huwebes at Biyernes)
📍 Brgy. Napo, Santa Cruz, Marinduque

📌 Magpatala sa Opisina ni Vice Mayor Bobs Manuel.
📌 Bukas ito para sa mga residente ng mga karatig-barangay at karatig-bayan.

📋 PAALALA PARA SA MGA DADALO SA TDC
• Gumawa muna ng LTO Client ID sa LTO Public Portal.
• Dalhin ang mga sumusunod:
• Photocopy ng Birth Certificate o Valid ID
• Ballpen
• Lapis
• Notebook
• Hindi pinapayagan ang pagsusuot ng sando at shorts.
• Maglaan ng dalawang (2) araw para sa lecture, mula 8:00 AM hanggang 5:00 PM.
• Edad 16 pataas lamang ang maaaring dumalo.

📄 PARA SA MGA MAKAPASA AT MAKATANGGAP NG TDC CERTIFICATE

Kung nais nang mag-apply para sa Student Permit, ihanda ang mga sumusunod:
Photocopy ng alinman sa:
• PSA/NSO Birth or Marriage Certificate
• Philippine National ID
• Passport
• Local Civil Registrar Certificate na may authentication at Official Receipt
Iba pang kinakailangan:
• Medical Certificate
• TDC Certificate
• Parental Consent para sa aplikanteng edad 16–17
• Photocopy ng valid ID ng magulang/guardian

🤝 ANG ROAD SAFETY CARAVAN AY ISINULONG NG:
• LTO MIMAROPA – Boac District Office
• Provincial Government of Marinduque
• Municipal Government of Santa Cruz
• Opisina ni Vice Mayor Bobs Manuel
• Sangguniang Barangay ng Napo, Santa Cruz, Marinduque

❤️ “COMMIT TO LIFE”
Isang Road Safety Program ng Land Transportation Office (LTO) at Department of Transportation (DOTr) para sa mas ligtas, responsable, at disiplinadong pagmamaneho.

07/09/2026

Opening of Bids

07/09/2026

Sa pagsisimula ng panibagong linggo ng serbisyo publiko, pinangunahan ng Provincial Social Welfare and Development Office (PSWDO) ang Monday Flag Raising Ceremony ngayong Setyembre 7, 2026.

Ibinahagi ng PSWDO ang kanilang accomplishment report, kabilang ang katatapos lamang na pamamahagi ng localized cash incentives para sa mga senior citizen. Sa kasalukuyan, humigit-kumulang 1,308 beneficiaries na ang nakatanggap nito sa ilalim ng Provincial Ordinance No. 199, s. 2023.

Sa mensahe naman ni Provincial Administrator Engr. Norberto Jinang, binigyang-diin niya na bawat desisyon at gawain ng isang lingkod-bayan ay may epekto sa buhay ng mga kababayan. Kaya naman, sa pagpapatuloy ng 126th Philippine Civil Service Anniversary, paalala niya sa lahat na magtrabaho nang may katapatan, sipag, at integridad, kahit walang nakakakita.

Nagbahagi rin ng ilang anunsyo at paalala ang Provincial Health Office tungkol sa bloodletting activity sa Setyembre 10 sa LMD-PESO.

05/09/2026

IN PHOTOS | Narito ang mga litrato ng mga nakiisa sa PGM Fun Run for a Cause 2026 noong Setyembre 4.

05/09/2026

𝐓𝐀𝐊𝐁𝐎 𝐏𝐀𝐑𝐀 𝐒𝐀 𝐒𝐄𝐑𝐁𝐈𝐒𝐘𝐎

Makulay at masigla ang ginanap na PGM Fun Run for a Cause nitong Setyembre 4, 2026 mula Tanza Diversion Road (malapit sa Provincial Warden’s Office) hanggang sa Provincial Capitol Quadrangle, kasama ang mga kawani mula sa iba’t ibang ahensya ng pamahalaan ng Marinduque.

Bago ang takbuhan, sinimulan ang umaga sa zumba bilang dagdag sigla sa mga nakiisa sa aktibidad.

Bahagi ito ng pagdiriwang ng ika-126 na Philippine Civil Service Anniversary (PCSA) 2026, bilang sama-samang paggunita sa serbisyo at pakikiisa ng mga lingkod-bayan sa isang makabuluhang layunin.

04/09/2026

Isinagawa noong Setyembre 3, 2026 sa Governor's Hall ang Budget Hearing para sa Panukalang Taunang Budget ng Probinsya para sa Fiscal Year 2027. Ito ay pinangunahan ni Governor Mel Go, kasama ang mga Provincial Department Heads, Budget Officers, Secretariat, at mga kinatawan ng Civil Society Organizations (CSOs).

Sa pagdinig, sinuri rin kung kailangan ba talaga ang mga proyekto at kung tama ba itong napupunta sa mga higit na nangangailangan.

Kabilang dito ang panukalang 10-classroom school building, pagpapalit ng lumang kagamitan, at pangangailangan para sa tax declaration updates sa mga barangay ng probinsya.

Ayon pa kay Gov Mel, magtanong bago gumastos, mag-verify bago magpatupad ng proyekto, at magplano para sa pangmatagalang kapakinabangan ng lalawigan. Ang mga ito ang direksyong nais na masiguro ng provincial government sa pagbuo ng 2027 Provincial Budget.

Target namang matapos ang final budget compilation at review sa September 22, 2026, o bago matapos ang buwan.

04/09/2026