Francis ISKO Jacinto

07/09/2026

05/09/2026

May mga taong kayang gumawa ng sariling himig, paulit-ulit itong awitin, at iparinig sa buong Boac hanggang ang kasinungalingan ay magmukhang katotohanan.
Ngunit ang alingawngaw, gaano man kalakas, ay hindi nagiging katotohanan.

Hindi ko kailangang makipagsabayan sa kanilang awit. Hindi ko kailangang patunayan ang sarili ko sa bawat paratang. Ngunit nang ang aking pangalan ay gawing instrumento ng paninira, pipiliin kong magsalita—hindi sa pamamagitan ng ingay, kundi sa pamamagitan ng katotohanan.

Eto ang result: NEGATIVE.

(Based on the results tested at Healthway Multi-Specialty Center, located on the 4th level of One Ayala)

Hindi ito sagot para sa iilang taong pilit gumagawa ng kuwento. Ito ay sagot para sa mga Boakeñong may karapatang malaman ang totoo.

At sa mga matagal nang umaawit ng maling himig tungkol sa akin—maaaring maulit ang awit, ngunit hindi nito mababago ang katotohanan.

Sa huli, ang maling himig ay mawawala rin sa alingawngaw. Ang katotohanan ang mananatili.

02/09/2026

𝗛𝗨𝗟𝗜𝗡𝗚 𝗘𝗟 𝗕𝗜𝗠𝗕𝗢 𝗚𝗔𝗪𝗔𝗗 𝗣𝗔𝗥𝗔𝗡𝗚𝗔𝗟 𝟮𝟬𝟮𝟲 🏆

Isang makabuluhan at masayang gabi po ng pagkilala, inspirasyon, at pagmamalaki ang ating nasaksihan noong Hulyo 31, bilang pagpupugay sa mga kabataang patuloy na nagbibigay karangalan sa Barangay Laylay.
Bilang isang lingkod-bayan, tunay pong nakakatuwang masaksihan ang bunga ng kanilang sipag, tiyaga, at walang sawang pagpupursigi.

Higit po sa mga parangal, ipinagdiwang natin ang sipag, sakripisyo, at mga pangarap na naging daan sa kanilang tagumpay. Nawa’y magsilbi po kayong inspirasyon sa kapwa kabataan na patuloy na mangarap at magsikap.

Taos-puso pong pasasalamat sa Sangguniang Kabataan ng Laylay, sa pangunguna ni SK Chairperson John Joseph “Owtep” Moncada, at sa lahat ng naging bahagi ng matagumpay at makabuluhang gawain na ito.

Maraming salamat sa inyong malasakit at patuloy na pagtataguyod sa ating kabataan..

01/09/2026

𝗜𝗞𝗔-𝟯𝟰 𝗥𝗘𝗚𝗨𝗟𝗔𝗥 𝗦𝗘𝗦𝗦𝗜𝗢𝗡 | 𝗣𝗔𝗚𝗣𝗔𝗣𝗔𝗧𝗜𝗕𝗔𝗬 𝗡𝗚 𝗕𝗔𝗧𝗔𝗦 𝗔𝗧 𝗢𝗥𝗗𝗜𝗡𝗔𝗡𝗦𝗔

Isang makabuluhang araw ng paglilingkod po ang isinagawa sa Ika-34 Regular Session ng 12th Sangguniang Bayan ng Boac, kung saan masusing tinalakay ang mga panukalang ordinansa, resolusyon, at mahahalagang usapin para sa ikabubuti ng ating mga Boakeño.

Sa bawat sesyon, pinaiigting po ang pakikinig, maayos na talakayan at pagkakaisa upang makabuo ng mga desisyong tumutugon sa pangangailangan ng ating komunidad.
Batas na makabuluhan. Serbisyong responsable. Pamamahalang para sa bawat mamamayan.

Patuloy po tayong magtulungan at maglingkod nang buong puso para sa mas maayos, mas maunlad at mas nagkakaisang Boac.

01/09/2026

𝗙𝗨𝗡 𝗝𝗢𝗚 𝗛𝗘𝗥𝗜𝗧𝗔𝗚𝗘 𝗥𝗨𝗡 𝟮𝟬𝟮𝟲 🏃‍♂️
𝟭𝟮𝟲𝘁𝗵 𝗖𝗶𝘃𝗶𝗹 𝗦𝗲𝗿𝘃𝗶𝗰𝗲 𝗔𝗻𝗻𝗶𝘃𝗲𝗿𝘀𝗮𝗿𝘆 𝗖𝗲𝗹𝗲𝗯𝗿𝗮𝘁𝗶𝗼𝗻

Isang masigla at makabuluhang pagdiriwang po ng 126th Civil Service Anniversary ang isinagawa sa pamamagitan ng Fun Jog Heritage Run 2026, na pinangunahan ng ating Ina ng Bayan Mayor Armi DC. Carrion at Vice Mayor Kuya Mark Seño.

Higit pa po sa simpleng pagtakbo, naging pagkakataon ito upang magsama-sama ang ating mga lingkod-bayan at buong komunidad para sa kalusugan, pagkakaisa, at malasakit sa serbisyo publiko. Sa bawat hakbang at kilometro, ipinapakita po natin na ang malusog na pangangatawan ay mahalagang katuwang sa mas mahusay at epektibong paglilingkod sa ating mga kababayan.

Maraming salamat po sa lahat ng nakiisa at nakibahagi sa makabuluhang aktibidad na ito.

Mabuhay po ang ating mga Civil Servants!
Tuloy ang takbo, tuloy ang serbisyo!

29/08/2026

“𝗠𝘂𝗻𝘁𝗶𝗻𝗴 𝗛𝗮𝗸𝗯𝗮𝗻𝗴, 𝗠𝗮𝗹𝗮𝗸𝗶𝗻𝗴 𝗔𝗺𝗯𝗮𝗴: 𝗥𝗲𝘀𝗽𝗼𝗻𝘀𝗮𝗯𝗹𝗲𝗻𝗴 𝗕𝗮𝘁𝗮 𝗽𝗮𝗿𝗮 𝘀𝗮 𝗠𝗮𝘀 𝗠𝗮𝘂𝗻𝗹𝗮𝗱 𝗮𝘁 𝗠𝗮𝗮𝘆𝗼𝘀 𝗻𝗮 𝗞𝗶𝗻𝗮𝗯𝘂𝗸𝗮𝘀𝗮𝗻.”

Bilang 𝗖𝗼𝗺𝗺𝗶𝘁𝘁𝗲𝗲 𝗖𝗵𝗮𝗶𝗿𝗽𝗲𝗿𝘀𝗼𝗻 𝗼𝗻 𝗣𝗼𝗽𝘂𝗹𝗮𝘁𝗶𝗼𝗻, 𝗪𝗼𝗺𝗲𝗻, 𝗖𝗵𝗶𝗹𝗱𝗿𝗲𝗻, 𝗙𝗮𝗺𝗶𝗹𝘆 𝗮𝗻𝗱 𝗚𝗲𝗻𝗱𝗲𝗿 𝗗𝗲𝘃𝗲𝗹𝗼𝗽𝗺𝗲𝗻𝘁, masaya po akong nakasama at nakibahagi sa 𝟮𝟬𝟮𝟲 𝗖𝗵𝗶𝗹𝗱𝗿𝗲𝗻’𝘀 𝗖𝗼𝗻𝗴𝗿𝗲𝘀𝘀 na naglalayong palakasin ang kaalaman, kumpiyansa, at responsibilidad ng ating mga kabataan.

Sa pamamagitan po ng ganitong mga programa, nabibigyan natin sila ng pagkakataong matuto, maipahayag ang kanilang mga saloobin, at higit sa lahat, maramdaman na mahalaga ang kanilang boses at mga pangarap. Naniniwala po tayo na ang paghubog sa ating mga kabataan ngayon ay mahalagang bahagi ng pagbuo ng mas maayos na kinabukasan.

Maraming salamat po sa 𝗠𝗦𝗪𝗗𝗢, sa pangunguna ni 𝗠𝗿𝘀. 𝗛𝗮𝘇𝗲𝗹 𝗠𝗮𝘂𝗿𝗲𝗲𝗻 𝗚𝗼𝗻𝘇𝗮𝗹𝗲𝘇, kasama ang ating mga resource speakers, partner agencies, at lahat ng naging bahagi ng makabuluhang programang ito.

Sa ating mga kabataan, tandaan po ninyo na hindi kailangang malaki agad ang inyong gawin. Sa pagiging mabuti, responsable, magalang, at maalaga sa kapwa, nagsisimula na po ang inyong mahalagang ambag.

Patuloy po nating suportahan at pakinggan ang ating mga kabataan, dahil sa bawat 𝗺𝘂𝗻𝘁𝗶𝗻𝗴 𝗵𝗮𝗸𝗯𝗮𝗻𝗴 nila ay may malaking posibilidad para sa kinabukasan ng ating bayan.

Francis Jacinto