14/07/2023
TULA NG ISANG KURIPOT
Ako ay isang kuripot
Ako ay hindi madamot
Sa paggastos ako ay natatakot
Dahil pera ko ay hindi pinupulot
Kuripot ako at ipinagmamalaki ko
Na hindi ako umaasa kahit kanino
Ok lang kung magkuripot man ako
Dahil pera ko naman ang sinisinop ko.
Ang pagiging kuripot ay hindi masama
Hanggat di ka nanloloko ng kapwa
Kaya wala akong dapat ikahiya
Kung naiinggit sa akin ang madla
Kuripot man ako sa inyong paningin
Kinabukasan ko ang aking iisipin
Mga paninira ng iba ay diko diringgin
Dahil ang makikinabang nito ay ako rin.
Hindi kasalanan na maging kuripot ako
Ang masama ay ang pagiging maluho
Huwag magpasikat kung hindi naman totoo
Lalo na kung sa utang nanggaling ito.
Ako ay kuripot magpakailan man
Pera ko ay aking papahalagahan
Upang may magamit sa kinabukasan
At hindi na ako kailangang mangutang.
~master~ CTTO