Brgy. Zapote, City Of Biñan

01/06/2026

𝐊𝐈𝐂𝐊-𝐎𝐅𝐅 𝐍𝐆 𝐁𝐑𝐈𝐆𝐀𝐃𝐀 𝐄𝐒𝐊𝐖𝐄𝐋𝐀 𝟐𝟎𝟐𝟔: 𝐁𝐀𝐘𝐀𝐍𝐈𝐇𝐀𝐍 𝐏𝐀𝐑𝐀 𝐒𝐀 𝐊𝐀𝐁𝐀𝐓𝐀𝐀𝐍 𝐍𝐆 𝐁𝐑𝐆𝐘. 𝐙𝐀𝐏𝐎𝐓𝐄!

Ngayong araw, Hunyo 1, 2026, opisyal nang inulunsad ang taunang Brigada Eskwela upang ihanda ang ating mga lokal na paaralan para sa pagbabalik-aral ng mga mag-aaral.

Personal na nakiisa at nagpakita ng buong suporta ang pamunuan ng ating Sangguniang Barangay sa pangunguna ni Punong Barangay Hon. Angelito A. Naval, kasama ang mga Kagawad ng Barangay na sina Kgg. Agapito D. Naval, Kgg. Anna Marie M. Ibamit, Kgg. Alvin S. Heredia, Kgg. Emilio A. Espinosa, Kgg. Rodolfo V. Dicdican, at Kgg. Mika J. Espinosa.

Ang presensya at aktibong pakikilahok ng ating mga opisyal ay patunay ng ating nagkakaisang layunin na masiguro ang isang ligtas, malinis, at maayos na kapaligiran para sa pag-aaral ng ating mga kabataan. Ang Brigada Eskwela ay hindi lamang paghahanda ng pasilidad, kundi pagpapakita ng tunay na diwa ng bayanihan sa ating komunidad.

Muli po kaming nananawagan sa lahat ng mga magulang, volunteers, at mga ka-Barangay na patuloy na makiisa sa mga susunod pang araw ng paglilinis at pagsasaayos ng ating mga paaralan.

Dahil sa bagong pamunuan ng Barangay Zapote ang lahat ay may partisipasyon!

01/06/2026

𝐁𝐄𝐋𝐀𝐓𝐄𝐃 𝐇𝐀𝐏𝐏𝐘 𝐁𝐈𝐑𝐓𝐇𝐃𝐀𝐘, 𝐏𝐄𝐓𝐑𝐎𝐍𝐈𝐋𝐀 🎈

Maligayang bati sa ating 𝑺𝒆𝒏𝒊𝒐𝒓 𝑷𝒓𝒆𝒔𝒊𝒅𝒆𝒏𝒕 Member na si Petronila N. Perez mula sa iyong Barangay Zapote Family! Kasama nina Punong Barangay Angelito A. Naval at ng buong Sangguniang Barangay, binabati ka namin ng isang araw na puno ng saya at pagmamahal.
Mabuhay ka! 🥳🎊

01/06/2026

𝐁𝐄𝐋𝐀𝐓𝐄𝐃 𝐇𝐀𝐏𝐏𝐘 𝐁𝐈𝐑𝐓𝐇𝐃𝐀𝐘, 𝐄𝐍𝐑𝐈𝐐𝐔𝐄! 🎈

Maligayang bati sa ating Lupon Tagapamayapa Member na si Enrique B. Gonzales mula sa iyong Barangay Zapote Family! Kasama nina Punong Barangay Angelito A. Naval at ng buong Sangguniang Barangay, binabati ka namin ng isang araw na puno ng saya at pagmamahal.
Mabuhay ka! 🥳🎊

25/05/2026

𝐌𝐚𝐲 𝟐𝟓, 𝟐𝟎𝟐𝟔 | 𝐒𝐭𝐫𝐞𝐧𝐠𝐭𝐡𝐞𝐧𝐢𝐧𝐠 𝐭𝐡𝐞 𝐊𝐚𝐭𝐚𝐫𝐮𝐧𝐠𝐚𝐧𝐠 𝐏𝐚𝐦𝐛𝐚𝐫𝐚𝐧𝐠𝐚𝐲: 𝐀 𝐒𝐞𝐦𝐢𝐧𝐚𝐫 𝐨𝐧 𝐁𝐚𝐫𝐚𝐧𝐠𝐚𝐲 𝐉𝐮𝐬𝐭𝐢𝐜𝐞 𝐒𝐲𝐬𝐭𝐞𝐦 𝐚𝐧𝐝 𝐃𝐢𝐬𝐩𝐮𝐭𝐞 𝐑𝐞𝐬𝐨𝐥𝐮𝐭𝐢𝐨𝐧 𝐏𝐫𝐨𝐜𝐞𝐝𝐮𝐫𝐞𝐬

Upang patuloy na itaguyod ang kapayapaan, kaayusan, at mabilis na pag-aayos ng mga suliranin sa ating komunidad, matagumpay na isinagawa ng Tanggapan ng Sangguniang Barangay Zapote ang isang seminar na may pamagat na "Strengthening the Katarungang Pambarangay: A Seminar on Barangay Justice System and Dispute Resolution Procedures."

Layunin ng gawaing ito na mas mapalawak at mapalalim ang kaalaman ng ating mga lokal na opisyal at mga miyembro ng Lupon Tagapamayapa pagdating sa mga legal na proseso, tamang paraan ng pamamagitan (mediation), at angkop na hakbang sa pagresolba ng mga alitan sa ating barangay.

Isang tapat na pasasalamat ang aming ipinaaabot sa ating naging tagapagsalita na si DILG Officer Lenie R. Bautista sa pagbabahagi ng kanyang husay at kaalaman upang matiyak na ang sistema ng hustisya sa ating antas ay nananatiling patas, makatarungan, at epektibo.

Ang matagumpay na programa ay pinangunahan ng ating mga dedikadong pinuno sa pangunguna nina Punong Barangay Angelito A. Naval, Kagawad Agapito D. Naval, Kagawad Alvin S. Heredia, at Barangay Secretary Eugene C. Espinosa. Kasama rin ang ating Lupon President Pilar V. Miranda, VAWC Desk Officer Clarita L. Abanid at ating mga imbestigador.

Isang pagbati rin sa lahat ng mga kalahok na tumanggap ng kanilang mga Sertipiko ng Paglahok! Sama-sama nating patuloy na itaguyod ang isang ligtas, nagkakaisa, at mapayapang Barangay Zapote.

Dahil ang bagong pamunuan ng Barangay Zapote ang lahat ay may partisipasyon!

23/05/2026

22/05/2026

𝐈𝐬𝐚𝐧𝐠 𝐌𝐚𝐥𝐚𝐤𝐢𝐧𝐠 𝐏𝐚𝐠𝐩𝐮𝐩𝐮𝐠𝐚𝐲 𝐩𝐚𝐫𝐚 𝐬𝐚 𝐁𝐚𝐫𝐚𝐧𝐠𝐚𝐲 𝐙𝐚𝐩𝐨𝐭𝐞!

Sa pangunguna ng ating masipag na Punong Barangay Angelito A. Naval, kasama ang buong Sangguniang Barangay at Sangguniang Kabataan sa pamumuno ni SK Chairperson Angelica E. Bautista, buong pagmamalaking lumahok ang ating komunidad sa idinaos na 16th P**o Latik Festival: Grand Float Competition ngayong araw May 22, 2026!

Sa pamamagitan ng pagkakaisa at pagtutulungan ng ating lokal na pamunuan, matagumpay nating naipamalas ang sining, kultura, at pagiging malikhain ng Barangay Zapote gamit ang ating makulay at nagniningning na float (Entry #10). Ang disenyong ito ay sumasalamin sa ating mayamang tradisyon, agrikultura, at nagkakaisang mithiin sa ilalim ng tapat na pamamahala.

Maraming salamat sa Lokal na Pamahalaan ng Lungsod ng Biñan sa pag-organisa ng programang ito, at sa lahat ng mga kabarangay na nakiisa at sumuporta sa ating delegasyon!

Dahil sa bagong pamunuan ng BarangayZapote ang lahat ay may partisipasyon!

22/05/2026

21/05/2026

21/05/2026