02/06/2026
Hunyo 2, 2026 | MARTES
CERTIFICATE OF APPRECIATION, IGINAWAD SA MGA BENEPISYARYO NG MAMPLASAN FINANCIAL ASSISTANCE AND SCHOLARSHIP PROGRAM BILANG PAGKILALA SA KANILANG SERBISYO SA 20-DAY DEPED ARAL PROGRAM – READING
Ginawaran ng Certificate of Appreciation ang mga benepisyaryo ng Mamplasan Financial Assistance and Scholarship Program (MFASP) bilang pagkilala sa kanilang mahalagang serbisyo bilang volunteer-tutors sa pagtatapos ng 20-Day ARAL Program – Reading, alinsunod sa DepEd Memorandum No. 064, s. 2026, in partnership with DepEd Tayo Mamplasan NHS- Biñan City.
Ang kanilang naging ambag ay nagsilbing patunay ng diwa ng bayanihan, malasakit, at aktibong pakikilahok ng kabataang Mamplasan sa pagpapalakas ng kakayahan sa pagbasa ng mga mag-aaral. Sa pamamagitan ng kanilang panahon, tiyaga, at kaalaman, naipakita nila na ang tunay na halaga ng pagiging iskolar ay hindi lamang nasusukat sa pagtanggap ng tulong, kundi pati na rin sa pagbabalik-serbisyo sa kapwa at sa komunidad.
Ang gawaing ito ay patunay rin na ang Sangguniang Barangay ng Mamplasan ay patuloy na magiging kabalikat ng mga paaralan, mag-aaral, at mga g**o sa mga programang nagtataguyod ng edukasyon. Patuloy ang aming suporta sa mga inisyatibang humuhubog sa mas matatag, mas handa, at mas may malasakit na kabataang Mamplasan.
Mabuhay ang mga benepisyaryo ng MFASP, at maraming salamat sa inyong makabuluhang paglilingkod! Mula sa sangguniang barangay ng Mamplasan at ni Kap. Evelyn Dicdican.
