18/05/2026
Ang Barangay Disaster Risk Reduction and Management Committee
Mandato ng batas Republic Act 10121 o Philippine DRRM Act of 2010 ang pagiging LAGING HANDA ng bawat komunidad sa anumang sakuna at kalamidad.
Alam mo bang dapat ay merong Barangay Disaster Risk Reduction and Management Committee (BDRRMC) ang iyong Barangay?
Ito ang bumubuo sa iyong BDRRMC.
"PUNONG BARANGAY" ang BDRRMC Chairperson.
"ISANG KAGAWAD" para naman humawak ng Committee on Disaster Risk Reduction and Management.
Mga "VOLUNTEER GROUP" na handang magsilbi sa Barangay na may kaalaman sa RESCUE OPERATIONS.
Ano ang kanilang trabaho at mandato?
Ang PUNONG BARANGAY ang magsisilbing DISASTER CHAIRPERSON - Siya ang nagiging pinuno kapag nagkakaroon ng matinding sakuna at kalamidad sa kanyang nasasakupan. Siya din ang responsable sa mga desisyon para sa kaligtasan ng buong barangay DURING, BEFORE at AFTER ng isang sakuna at kalamidad.
Si Punong Barangay din ang nagmamandato na gawin ang mga Ordinansa Pangkaligtasan, mga plano tulad ng enhanced BDRRM Plan, Barangay Contingency Plan at paggamit ng pondo ng BDRRMC.
ISANG KAGAWAD - Mula sa elected official ng Barangay maaring pumili si PUNONG BARANGAY na hahawak sa Committee on Disaster Risk Reduction and Management. Si KONSI ang nagbabalangkas ng mga ordinansang pangbarangay na may kinalaman sa DRRMO.
Ano ang 4 na tematikong area na dapat isaalang-alang ng Barangay DRRMC.
1. DISASTER PREVENTION AND MITIGATION - Alamin anu-ano ang panganib ng kanyang lugar maaring ito ba ay LINDOL, BAHA, LANDSLIDE, BAGYO atbp. para ito ay maiwasan at makapagbalangkas ng PLANO ano ang tamang gawin.
2. DISASTER PREPAREDNESS - Ihanda ang barangay, indibidwal at komunidad sa mga natukoy na banta sa kanilang lugar. Maaring pagsasagawa ng TRAINING sa mga kawani ng BDRRMC o mga Volunteer Groups o kaya naman ay pagsasanay sa mismong komunidad. O kaya'y pagbili ng mga gamit na makakatulong para sa mga natukoy na banta at ito ay maiwasan.
3. DISASTER RESPONSE - May kakayanan na ang barangay na RUMESPONDE sa tulong ng mga Training at Gamit. Sa puntong ito ang BUHAY ang pinakamahalaga. Hal. pagresponde sa sunog, pagpapalikas ng mga tao sa ligtas na lugar (evacuation center) pamamahagi ng tulong at pagkain sa mga nasalanta.
4. DISASTER REHABILITATION AND RECOVERY - Dahil nagdaan na ang sakuna dito na papasok ang rehabilitasyon at pagbangon mula sa naranasang kalamidad.
Ang mga "VOLUNTEER GROUPS" naman ang magiging kawani ng Komite na siyang reresponde sa mga sakuna at kalamidad na maaring mangyari sa barangay.
May PONDO ba para dito?
OO, ayon sa batas 70% ay napupunta sa "DISASTER FUND" na ginagamit para sa Prevention and Mitigation sa loob ng isang taon, ibig sabihin inilalaan dapat ito sa mga tukoy na panganib na nailatag sa eBDRRM Plan at isinulat sa mga ORDINANSA at ang 30% naman ay Quick Response Fund (QRF) na inilalabas lamang kapag may DECLARATION NG STATE OF CALAMITY ang Mayor, Gobernador o ang Nasyonal na Pamahalaan.
Sa 70% Fund, maaring gamitin ang pondo na mapapakinabangan ng lahat ng mamayan tulad ng pagbili ng mga Sasakyan - Patient Transport Vehicle (PTV) o mga ambulansya at mga kagamitan pangkaligtasan sa sakuna tulad ng Lindol, Baha, Bagyo atbp.
Maari din itong gamitin sa Pagsasanay ng mga Komunidad at Kawani ng Barangay DRRMC at mga Volunteer Groups sa Incident Command System (ICS), Emergency Operation Center (EOC), Basic Life Support (BLS) Standard First Aid (SFA) Disaster Preparedness Orientation (DPO), sa mga Earthquake Drill, Fire Drill, Flood Drill at marami pang iba.
