NFA Nueva Vizcaya

28/08/2026

𝐍𝐅𝐀 𝐍𝐚𝐤𝐢𝐛𝐚𝐡𝐚𝐠𝐢 𝐬𝐚 𝐅𝐚𝐫𝐦𝐞𝐫𝐬’ 𝐃𝐚𝐲 𝐧𝐠 𝐋𝐆𝐔 𝐒𝐨𝐥𝐚𝐧𝐨
Nakibahagi sina Branch Manager Elsa A. Lim, Supervising Grains Officer Milagros Zsa Zsa Torralba, at Administrative Officer V Ivy Fausto ng NFA Nueva Vizcaya Branch Office sa pagdiriwang ng Farmers’ Day ng Lokal na Pamahalaan ng Solano noong Agosto 15, 2026.

Sa nasabing aktibidad, nagbahagi ang NFA ng impormasyon hinggil sa mga pangunahing programa at mandato ng ahensya, partikular ang pagbili nito ng palay mula sa mga lokal na magsasaka. Ipinaliwanag din ang patuloy na pagsusuplay ng bigas para P20 rice program sa lahat ng angkop ng sangay.

Kasabay nito, isinama rin ng NFA ang mga kinatawan ng Food Terminal, Inc. (FTI) upang samantalahin ang pagkakataong maihatid ang P20 rice sa mga dumalo sa aktibidad. Sa pamamagitan ng pagbebenta ng bigas sa halagang ₱20 kada kilo, nabigyan ang mga magsasaka at iba pang miyembro ng komunidad ng pagkakataong makabili ng mas abot-kayang bigas, habang naipakikilala rin sa kanila ang mga programang naglalayong gawing mas accessible ang suplay ng bigas.

Ang pagdalo ng NFA ay pagpapakita ng patuloy na pakikiisa at suporta ng ahensya sa mga magsasaka ng Solano, gayundin sa mga programa at aktibidad ng lokal na pamahalaan na kumikilala sa mahalagang ambag ng sektor ng agrikultura sa komunidad. Sa pamamagitan ng ganitong mga aktibidad, higit pang napagtitibay ang ugnayan ng NFA, FTI, at lokal na pamahalaan tungo sa mas maayos na serbisyo, mas abot-kayang bigas, at kapakanan ng mga magsasaka at mamamayan.

"𝑻𝒊𝒚𝒂𝒌 𝒂𝒏𝒈 𝑩𝒊𝒈𝒂𝒔, 𝑷𝒂𝒏𝒂𝒕𝒂𝒈 𝒂𝒏𝒈 𝑩𝒖𝒌𝒂𝒔"

26/08/2026

📢 PAALALA | WALANG BENTAHAN SA P20 CENTERS

Walang bentahan ng P20 na bigas sa Agosto 31, 2026 (Lunes) bilang paggunita sa National Heroes Day.
Magpapatuloy ang operasyon sa susunod na regular na iskedyul ng bentahan ng bawat P20 Center.

Maraming salamat po.🌾

25/08/2026

𝐍𝐅𝐀: 𝐍𝐚𝐠𝐛𝐢𝐛𝐢𝐠𝐚𝐲-𝐩𝐮𝐠𝐚𝐲, 𝐍𝐚𝐤𝐢𝐤𝐢𝐢𝐬𝐚, 𝐚𝐭 𝐒𝐮𝐦𝐮𝐬𝐮𝐩𝐨𝐫𝐭𝐚 𝐬𝐚 𝐦𝐠𝐚 𝐃𝐚𝐤𝐢𝐥𝐚𝐧𝐠 𝐌𝐚𝐠𝐬𝐚𝐬𝐚𝐤𝐚
Kaugnay sa isinagawang “Palay Field Immersion” ng NFA Nueva Vizcaya Branch, nakipag-ugnayan ang mga kawani sa mga magsasaka upang mas maunawaan ang mga sakripisyong pinagdaraanan nila.

Kabilang dito ay ang pagkilala sa mga DAKILANG MAGSASAKA sa kanilang walang sawang pagsisikap sa paghahatid ng pagkain at pag-asa sa bawat Pilipino.

"𝑻𝒊𝒚𝒂𝒌 𝒂𝒏𝒈 𝑩𝒊𝒈𝒂𝒔, 𝑷𝒂𝒏𝒂𝒕𝒂𝒈 𝒂𝒏𝒈 𝑩𝒖𝒌𝒂𝒔"

24/08/2026

𝐍𝐅𝐀 — 𝐍𝐚𝐠𝐛𝐢𝐛𝐢𝐠𝐚𝐲-𝐩𝐮𝐠𝐚𝐲, 𝐍𝐚𝐤𝐢𝐤𝐢𝐢𝐬𝐚, 𝐚𝐭 𝐒𝐮𝐦𝐮𝐬𝐮𝐩𝐨𝐫𝐭𝐚 𝐬𝐚 𝐦𝐠𝐚 𝐃𝐚𝐤𝐢𝐥𝐚𝐧𝐠 𝐌𝐚𝐠𝐬𝐚𝐬𝐚𝐤𝐚!
(𝑷𝒂𝒍𝒂𝒚 𝑯𝒂𝒓𝒗𝒆𝒔𝒕𝒊𝒏𝒈 𝑰𝒎𝒎𝒆𝒓𝒔𝒊𝒐𝒏 𝒂𝒏𝒅 𝑼𝒈𝒏𝒂𝒚𝒂𝒏 𝑨𝒄𝒕𝒊𝒗𝒊𝒕𝒚)

Narito ang mga litrato sa isinagawang “Palay Harvesting Field Immersion” ng NFA Nueva Vizcaya Branch sa Brgy. P.D. Galima, Solano, Nueva Vizcaya noong ika-12 ng Agosto 2026.

Para sa mga kawani, ang totoong na pakikilahok at paglulubog sa palayan sa pag-aani ng palay ay naging pagkakataon upang maranasan, kahit sa maikling panahon, ang sipag, tiyaga, at sakripisyong kaakibat ng pagsasaka. Sa bawat proseso na kanilang nasubukan, bawat palay na kanilang naani, at bawat kuwentong kanilang narinig mula sa mga magsasaka, mas napalalim ang kanilang pagpapahalaga sa papel ng mga magsasaka sa pagkain at kabuhayan ng bansa.

Higit pa sa isang immersion activity, naging paalala ito sa mga empleyado na ang kanilang tungkulin sa NFA ay nakaugnay sa buhay ng mga magsasaka at sa patuloy na pagsusulong ng food security. Sa pamamagitan ng pakikinig, pakikiisa, at direktang pakikipag-ugnayan sa mga magsasaka, nabigyan sila ng panibagong inspirasyon na gampanan ang kanilang trabaho na may higit na malasakit at dedikasyon.

NFA Nueva Vizcaya Branch—nagbibigay-pugay, nakikiisa, at sumusuporta sa mga dakilang magsasaka, bilang pagkilala sa kanilang walang sawang pagsisikap sa paghahatid ng pagkain at pag-asa sa bawat Pilipino.

"𝑻𝒊𝒚𝒂𝒌 𝒂𝒏𝒈 𝑩𝒊𝒈𝒂𝒔, 𝑷𝒂𝒏𝒂𝒕𝒂𝒈 𝒂𝒏𝒈 𝑩𝒖𝒌𝒂𝒔"

20/08/2026

17/08/2026

𝐌𝐚𝐥𝐢𝐧𝐢𝐬 𝐧𝐚 𝐁𝐨𝐝𝐞𝐠𝐚 = 𝐃𝐞𝐤𝐚𝐥𝐢𝐝𝐚𝐝 𝐧𝐚 𝐁𝐢𝐠𝐚𝐬
Bilang bahagi ng patuloy na pagpapanatili ng magandang kalidad ng mga nakaimbak na palay at bigas, nagsasagawa si Pest Control Officer (PCO) Mark Anthony Dela Cruz ng fumigation at fogging activities sa lahat ng bodega ng NFA Nueva Vizcaya Branch Office (NVBO). Ang mga bodega na ito ay nasa mga sumusunod na probinsya: Mountain Province, Ifugao, Quirino, at Nueva Vizcaya. Ang layunin ng aktibidad na ito, na ginagawa isang beses kada buwan, ay upang maiwasan ang pagdami ng mga peste na maaaring makaapekto sa kondisyon at kalidad ng palay at rice stocks, gayundin upang mapanatili ang kalinisan at kaayusan ng mga bodega at pasilidad.

Sa pamamagitan ng maayos na warehouse management, monthly pest control measures, at patuloy na monitoring, tinitiyak ng NFA na ang mga palay at rice stocks ay nananatiling maayos at ligtas para sa mga programang pangseguridad sa pagkain ng pamahalaan.

06/08/2026

INVITATION TO BID

On Supply and Delivery of Various Laptops, Desktop Computers, and Tablets.

"Tiyak and Bigas, Panatag ang Bukas"
Ang

06/08/2026

𝐁𝐄𝐍𝐓𝐄𝐍𝐆 𝐁𝐈𝐆𝐀𝐒 𝐔𝐏𝐃𝐀𝐓𝐄: 𝐍𝐅𝐀 𝐍𝐔𝐄𝐕𝐀 𝐕𝐈𝐙𝐂𝐀𝐘𝐀 𝐀𝐂𝐂𝐎𝐌𝐏𝐋𝐈𝐒𝐇𝐌𝐄𝐍𝐓 𝐑𝐄𝐏𝐎𝐑𝐓
Patuloy na pinalalawak ng NFA Nueva Vizcaya Branch Office (NVBO) sa pangunguna ni Branch Manager Elsa Asuncion Lim ang abot-kaya P20 Benteng Bigas Program upang mas maraming benepisyaryo ang makinabang sa dekalidad na bigas ng pamahalaan.

Mula sa kabuuang authorized issuances, nakapagpalabas ang NFA ng 22,612 sako na bigas noong taon 2025 at 73,677 sako na bigas (as of July 31, 2026), na nagreresulta sa kabuuang 96,289 sako ng bigas o katumbas ng 4,814,450 kilo ng bigas.

Ang P20 bigas ay naipamahagi sa iba't ibang redemption sites ng sangay sa mga sumusunod na NFA warehouses: Magsaysay Grains Center, Bayombong, Nueva Vizcaya; Cabarroguis, Quirino; Lagawe, Ifugao at Bontoc Mountain Province. Naipamahagi din ang P20 rice sa iba’t ibang lokal na pamahalaan at mga farmer organizations and cooperatives.

Sa kabuuan, 186,744 benepisyaryo na ang napagsilbihan ng programa. Kabilang dito ang mga benepisyaryo mula sa P20 Redemption Sites ng NFA NVBO, mga benepisyaryo sa pamamagitan ng Provincial at Municipal Local Government Units (PLGU/MLGU), at mga miyembro ng mga Farmer Organizations na saklaw ng P20 Benteng Bigas Program.

Patunay ang mga bilang na ito sa patuloy na pagsisikap ng NFA, katuwang ang iba't ibang ahensya at lokal na pamahalaan, na matiyak ang mas malawak na access ng publiko sa dekalidad at abot-kayang bigas—alinsunod sa layunin ng programa na "Tiyak ang Bigas, Panatag ang Bukas."