Sangguniang Barangay ng Puypuy Bay Laguna

12/04/2026

12/04/2026

08/04/2026

Ipinapaalam sa lahat ng mga Bayeños ang opisyal na iskedyul ng mga seremonya bilang pagpupugay kay Kgg. Jose Ortiz Padrid.

Sa mga darating na araw, magkakaroon ng mga Eulohiya at iba pang programa mula sa iba’t ibang sektor—kabilang ang League of Municipalities of the Philippines, pamilya at malalapit na kaibigan, mga kawani ng pamahalaan, mga halal na opisyal ng Pamahalaang Bayan, mga opisyal ng barangay, at mga Bayeños—bilang pagkilala sa kanyang buhay, serbisyo, at pamana sa ating bayan.

Inaanyayahan ang lahat na makiisa at makiramay sa mga itinakdang gawain alinsunod sa nasabing iskedyul.

Patuloy nating alalahanin ang kanyang iniwang inspirasyon—isang ama, isang gabay, at isang alaala na mananatili sa puso ng bawat Bayeño.

07/04/2026

𝐒𝐀𝐍𝐆𝐆𝐔𝐍𝐈𝐀𝐍𝐆 𝐁𝐀𝐑𝐀𝐍𝐆𝐀𝐘 𝐀𝐓 𝐊𝐀𝐁𝐀𝐓𝐀𝐀𝐍 𝐍𝐆 𝐏𝐔𝐘𝐏𝐔𝐘 𝐎𝐅𝐅𝐈𝐂𝐈𝐀𝐋 𝐒𝐓𝐀𝐓𝐄𝐌𝐄𝐍𝐓

PAUNAWA SA PUBLIKO: PAGKANSELA NG APUY FESTIVAL

​Ikinalulungkot naming ipaalam sa ating mga mamamayan na kanselado ang lahat ng nakaplano at nakatakdang aktibidad para sa ating kauna-unahang APUY Festival (Anihan sa Puypuy Festival) na gaganapin sana ngayong Abril 25-30, 2026.

​Ang desisyong ito ay isang mahalagang hakbang ng Sanggunian upang ipakita ang ating paninindigan sa tamang alokasyon ng pondo sa gitna ng kinakaharap nating krisis sa enerhiya bunsod ng tensyon sa Middle East.

Naniniwala ang inyong Sanggunian na sa panahong ito ng pagsubok, nararapat lamang na unahin ang mga proyektong direktang makapagbibigay ng tulong at ginhawa sa ating mga mamamayang apektado.

​Nais din naming ipabatid na ang pagkanselang ito ay isang paninindigan na tayo ay magkakasama sa hamong ito. Hindi man natin maituloy ang pagdiriwang, nakatuon ang ating buong lakas at resources sa pagbuo ng mga hakbang na tunay na makikinabang ang ating komunidad.

​Umaasa kami sa inyong patuloy na pang-unawa at pagkakaisa habang pinaghahandaan natin ang mas makabuluhang pagtugon sa ating sitwasyon.

​Maraming salamat po.

05/04/2026

Taos puso po Nakikiramay ang buong sangguiang baranggay at mamayan ng Puypuy sa pagpanaw ng ating mahal na Mayor Jose O. Padrid. Ang pagkawala ng isang pinuno ay hindi lamang pagkawala ng isang lider, kundi ng isang taong nagsilbi at nagbigay ng panahon at malasakit sa kanyang nasasakupan.

Nawa’y magsilbing alaala ang kanyang mga nagawa at kontribusyon bilang inspirasyon sa lahat. Ipagdasal natin ang kanyang kapayapaan at lakas para sa kanyang pamilya at sa buong bayan sa panahong ito ng pagluluksa.

05/04/2026

Nakikiramay po ang buong sangguiang baranggay ng Puypuy sa pagpanaw ng ating mahal na mayor Jose O. Padrid. Ang pagkawala ng isang pinuno ay hindi lamang pagkawala ng isang lider, kundi ng isang taong nagsilbi at nagbigay ng panahon at malasakit sa kanyang nasasakupan.

Nawa’y magsilbing alaala ang kanyang mga nagawa at kontribusyon bilang inspirasyon sa lahat. Ipagdasal natin ang kanyang kapayapaan at lakas para sa kanyang pamilya at sa buong bayan sa panahong ito ng pagluluksa.

PABATID PUBLIKO

Ipinababatid po sa lahat ng mamamayan ng Bayan ng Bay ang pagpanaw ngayong araw ng ating Punumbayan, Kgg. Jose O. Padrid.

Si Mayor Padrid ay naglingkod sa ating bayan nang may buong katapatan, malasakit, at dedikasyon. Sa kanyang pamumuno, naipatupad ang iba't-ibang programa at proyektong naglalayong mapaunlad ang ating komunidad at mapabuti ang kapakanan ng bawat Bayeños.

Kaugnay nito, ang Lokal na Pamahalaan ng Bay ay nakikiisa sa kanyang naiwang pamilya sa panahong ito ng pagdadalamhati.

Ang mga detalye ukol sa mga susunod na anunsyo, kabilang ang mga kaukulang seremonya, ay ipababatid sa mga susunod na araw.

Inaanyayahan ang lahat na makiisa sa panalangin para sa kapayapaan ng kaniyang kaluluwa.

Maraming salamat po.

01/04/2026

📢 Panawagan / Lost Phone

Baka po may nakapulot ng cellphone na Samsung Prime.
Ang may-ari po ay si Ronald Cantuba.

09270218426

Huling naiwan/malapit sa hardware.
Kung sakaling napulot ninyo, maawa po sana at isauli. Malaking tulong po ito.

Maraming salamat po! 🙏

30/03/2026

OPISYAL NA PAHAYAG NG LOKAL NA PAMAHALAANG BAYAN NG BAY KAUGNAY SA PAGPAPALIBAN NG FIESTA BAYEÑA: THE GARDEN FESTIVAL 2026

Alinsunod sa Executive Order No. 110, na nagdedeklara ng State of National Energy Emergency at nagbibigay pahintulot sa pagpapatupad ng Unified Package for Livelihoods, Industry, Food, and Transport mula sa Tanggapan ng Pangulo ng Republika ng Pilipinas, minabuti ng Lokal na Pamahalaang Bayan ng Bay, sa pangunguna ni Mayor Jose O. Padrid, na ipagpaliban ang pagdiriwang ng Fiesta Bayeña: The Garden Festival 2026 na nakatakda sanang idaos mula Abril 25-30, 2026.

Ang desisyong ito ay isinagawa bilang pakikiisa at pagsunod sa mga umiiral na direktiba ng pamahalaang nasyunal, gayundin upang matiyak ang maayos at responsableng paggamit ng pondo ng bayan sa gitna ng kasalukuyang sitwasyon na kinakaharap ng ating bansa.

Taos-puso pong humihingi ng paumanhin ang Lokal na Pamahalaang Bayan ng Bay sa lahat ng ating mga kababayang naghanda at naglaan na ng oras, pagod, at sakripisyo para sa nasabing pagdiriwang. Lubos naming nauunawaan ang kahalagahan ng pagdiriwang bilang bahagi ng ating kultura, pagkakaisa, at pagkakakilanlan bilang mga Bayeños.

Kaugnay nito, ang pagdiriwang ng Fiesta Bayeña 2026 ay ililipat sa buwan ng Agosto 2026. Ang pagbabagong ito ay isinasagawa upang mas matiyak ang sapat na paghahanda, maayos na pamamahala ng pondo ng bayan, at higit sa lahat, ang kapakanan at kaligtasan ng bawat mamamayan.

Nais naming ipabatid sa publiko na ang lokal na pamahalaan ay nananatiling nakatuon sa pagtugon sa kasalukuyang hamon na dulot ng energy emergency. Ang mga hakbang na ito ay bahagi ng mas malawak na layunin na mapanatili ang katatagan ng ating komunidad at matiyak ang tuloy-tuloy na paghahatid ng serbisyo-publiko sa ating mga kababayan.

Hinihikayat namin ang patuloy na kooperasyon at pag-unawa ng bawat isa sa panahong ito. Sa pamamagitan ng sama-samang pagkilos, malalampasan natin ang anumang pagsubok at maipagpapatuloy ang mga tradisyong nagbibigay-buhay sa ating bayan.

Maraming salamat sa inyong patuloy na suporta at malasakit.

Para sa tuloy-tuloy na pagsulong sa Bayan ng Bay!