Lokal na Pamahalaan ng Bayan ng Bay

01/06/2026

Ang Lokal na Pamahalaan ng Bayan ng Bay, sa pangunguna ni Mayor Michael M. Punzalan, ay pormal na ipinakilala ang mga manlalaro ng Team Bay Under-15 at Under-25 na magrerepresenta sa ating bayan sa nalalapit na Intertown Basketball Tournament.

Kasabay rin nito ang pagpapakilala sa kinatawang muse ng Bayan ng Bay, si Ms. Diane Alcantara, na magsisilbing inspirasyon at suporta sa ating mga koponan sa buong torneo.

Dumalo rin sa programa ang mga coaches ng Team Bay, ang LYDO Head na si Sir Aivin B. Nuguid, RSW, MPA, at ang SK Federation President na si Alfred Nean Canovas upang ipahayag ang kanilang buong suporta sa ating mga atletang Bayeño.

Nawa’y magsilbi itong inspirasyon sa ating mga manlalaro upang maipakita ang kanilang husay, disiplina, at pagmamalaki sa pagdadala ng pangalan ng Bayan ng Bay.

𝑴𝑨𝑳𝑨𝑺𝑨𝑲𝑰𝑻 𝑺𝑨 𝑷𝑨𝑮𝑳𝑰𝑳𝑰𝑵𝑮𝑲𝑶𝑫 𝑺𝑼𝑺𝑰 𝑺𝑨 𝑻𝑼𝑳𝑶𝒀-𝑻𝑼𝑳𝑶𝒀 𝑵𝑨 𝑷𝑨𝑮𝑺𝑼𝑳𝑶𝑵𝑮 𝑵𝑮 𝑩𝑨𝒀𝑨𝑵 𝑵𝑮 𝑩𝑨𝒀!

01/06/2026

Sa pangunguna ni Mayor Michael M. Punzalan, kinilala ng Lokal na Pamahalaan ng Bayan ng Bay ang mga natatanging manlalarong Bayeño sa pamamagitan ng paggawad ng Sertipiko ng Pagkilala bilang pagkilala sa kanilang husay, dedikasyon, at mga tagumpay sa larangan ng palakasan.

Kabilang sa mga pinarangalan ang koponang nagkampeon sa 3x3 Intertown Basketball Tournament, ang mga manlalaro ng Intertown Volleyball na buong dangal na kumatawan sa Bayan ng Bay, gayundin ang mga miyembro ng Drum and Lyre na nagbigay ng karangalan at inspirasyon sa ating komunidad.

Patuloy na ipinapakita ng mga Bayeño na sa pamamagitan ng sipag, disiplina, at pagkakaisa, maipagmamalaki natin ang ating bayan saan mang larangan.

𝑴𝑨𝑳𝑨𝑺𝑨𝑲𝑰𝑻 𝑺𝑨 𝑷𝑨𝑮𝑳𝑰𝑳𝑰𝑵𝑮𝑲𝑶𝑫 𝑺𝑼𝑺𝑰 𝑺𝑨 𝑻𝑼𝑳𝑶𝒀-𝑻𝑼𝑳𝑶𝒀 𝑵𝑨 𝑷𝑨𝑮𝑺𝑼𝑳𝑶𝑵𝑮 𝑵𝑮 𝑩𝑨𝒀𝑨𝑵 𝑵𝑮 𝑩𝑨𝒀!

01/06/2026

June 01, 2026 | Municipality of Bay Flag Raising Ceremony.

𝑴𝑨𝑳𝑨𝑺𝑨𝑲𝑰𝑻 𝑺𝑨 𝑷𝑨𝑮𝑳𝑰𝑳𝑰𝑵𝑮𝑲𝑶𝑫 𝑺𝑼𝑺𝑰 𝑺𝑨 𝑻𝑼𝑳𝑶𝒀-𝑻𝑼𝑳𝑶𝒀 𝑵𝑨 𝑷𝑨𝑮𝑺𝑼𝑳𝑶𝑵𝑮 𝑵𝑮 𝑩𝑨𝒀𝑨𝑵 𝑵𝑮 𝑩𝑨𝒀!

01/06/2026

Ngayong araw, ika-1 ng Hunyo 2026, sa pangunguna ng Ikalawang Punumbayan Hon. Julian Rod “Kuya Kiko” R. Padrid, matagumpay na isinagawa ang Regular Session ng Sangguniang Bayan ng Bay kung saan tinalakay ang mga mahahalagang usapin, panukala, at programang may kaugnayan sa patuloy na pag-unlad at kapakanan ng mga Bayeño.

Kasabay nito, nagbigay ng pagkilala ang Sangguniang Bayan sa mga natatanging grupo at indibidwal na nagbigay karangalan sa Bayan ng Bay sa pamamagitan ng kanilang mga kahanga-hangang tagumpay.

Taos-pusong pagbati sa Black Beat Percussion Marching Band sa kanilang natatanging pagganap at matagumpay na pagkamit ng karangalan sa 7th DBCOPI Competition 2026. Ang inyong dedikasyon, disiplina, at talento ay nagsisilbing inspirasyon at pagmamalaki ng buong Bayan ng Bay.

Pagbati rin sa mga kinatawan ng Bay 3x3 Basketball Team sa kanilang pagkamit ng kampeonato sa Intertown Basketball Tournament na bahagi ng palaro na pinangunahan ni Vice Governor JM Carait. Ang inyong tagumpay ay patunay ng husay, pagkakaisa, at determinasyon ng mga atletang Bayeño.

Patuloy na ipinagmamalaki ng Bayan ng Bay ang mga mamamayang nagbibigay karangalan at inspirasyon sa ating komunidad.

The Garden Capital of Laguna
Para sa tuloy-tuloy na pagsulong sa Bayan ng Bay!

01/06/2026

Kaayusan ng Ika-47 ng Pangkaraniwang Pagpupulong | June 01, 2026

01/06/2026

TRAINING ON CLIMATE-RESILIENT AQUACULTURE

Ang Pamahalaang Lokal ng Bayan ng Bay sa pamumuno ni Kgg. Michael M. Punzalan, Punong-bayan ng Bay, Laguna, sa pamamagitan ng Tanggapan ng Pambayang Agrikultor katuwang ang Bureau of Fisheries and Aquatic Resources (BFAR) IV-A ay matagumpay na nagsagawa ng pagsasanay na “Training on Climate Resilient Aquaculture” sa pangunguna ni Ms. Anna Liza S. Palis. Tinalakay dito ang makabagong sistema ng aquaponics na naglalayong mapatibay ang seguridad sa pagkain at kabuhayan ng mga local na pamyanan sa gitna ng banta ng nagbabagong panahon.

Ang aktibidad ay dinaluhan ng mga lokal na mangingisda, magsasaka, at mga kinatawan mula sa iba't ibang samahan ng agrikultura. Layunin ng pagsasanay na ito na maghatid ng mga makabagong kaalaman at teknolohiya na magagamit upang mapanatiling produktibo ang sektor ng agrikultura sa kabila ng matinding epekto ng climate change tulad ng El Niño, malalakas na bagyo, at pabago-bagong temperatura.

Layunin ng ating Tanggapan na higit pang paigtingin ang suporta para sa mga lokal na magsasaka at sa buong sektor ng agrikultura sa ating bayan.

Para sa Tuloy-tuloy na Pagsulong sa Bayan ng Bay!

29/05/2026

Ang Lokal na Pamahalaan ng Bayan ng Bay ay nagsagawa ng pagpupulong sa pangunguna ni Mayor Michael M. Punzalan kasama ang DPWH, Konsehal Ryan Villegas, mga kapitan, at katuwang ang Engineering Office kaugnay ng kahilingan para sa paglilinis ng drainage canal sa ating bayan bilang paghahanda sa mga kalamidad tulad ng bagyo at pagbaha.

Agad namang tinugunan ng DPWH ang ating kahilingan bilang suporta sa patuloy na pagpapaigting ng kaligtasan at kahandaan ng mamamayan ng Bay.

𝑴𝑨𝑳𝑨𝑺𝑨𝑲𝑰𝑻 𝑺𝑨 𝑷𝑨𝑮𝑳𝑰𝑳𝑰𝑵𝑮𝑲𝑶𝑫 𝑺𝑼𝑺𝑰 𝑺𝑨 𝑻𝑼𝑳𝑶𝒀-𝑻𝑼𝑳𝑶𝒀 𝑵𝑨 𝑷𝑨𝑮𝑺𝑼𝑳𝑶𝑵𝑮 𝑵𝑮 𝑩𝑨𝒀𝑨𝑵 𝑵𝑮 𝑩𝑨𝒀!

29/05/2026

Isinagawa ang Executive Course on Incident Command System (ICS) and Emergency Operations Center (EOC) noong Mayo 28, 2026 hanggang Mayo 29, 2026 sa pangunguna ng Lokal na Pamahalaang Bayan ng Bay at ni Hon. Mayor Michael M. Punzalan sa pamamagitan ng Municipal Disaster Risk Reduction and Management Office (MDRRMO) Bay, katuwang ang Laguna Provincial Disaster Risk Reduction and Management Office (PDRRMO) at Office of the Civil Defense (OCD).

Ito ay bilang bahagi ng pagpapatibay ng kahandaan at kakayahan ng mga lider at kawani ng pamahalaan sa pagtugon sa sakuna at emerhensiya.

Dinaluhan ito ng mga miyembro ng Sangguniang Bayan, mga Punong Barangay at iba pang miyembro ng Pamahalaang Barangay, mga Pinuno ng Tanggapan sa Lokal na Pamahalaan, at mga kawani mula sa iba’t ibang tanggapan.

Patuloy na pinagtitibay ng ating pamahalaan ang kahandaan, koordinasyon, at mabilis na pagtugon upang masiguro ang kaligtasan at kapakanan ng bawat Bayeños.

"Para sa Tuloy-tuloy na Pagsulong sa Bayan ng Bay"

29/05/2026

𝐁𝐚𝐲𝐚𝐧 𝐧𝐚 𝐏𝐥𝐚𝐧𝐚𝐝𝐨, 𝐊𝐢𝐧𝐚𝐛𝐮𝐤𝐚𝐬𝐚𝐧𝐠 𝐒𝐢𝐠𝐮𝐫𝐚𝐝𝐨!
Magandang Araw, Bayeños!
Ang Lokal na Pamahalaang Bayan ng Bay, sa pangunguna ng Tanggapan ng Pagpaplano at Pagpapaunlad ng Bayan ay matagumpay na nagsagawa ng Zoning Orientation noong Huwebes, Mayo 28, 2026 para sa mga business owners at aplikante ng Business Permit.
Tinalakay sa aktibidad ang mga probisyon ng Zoning Ordinance, kahalagahan ng Locational Clearance, at mga land use classifications alinsunod sa Comprehensive Land Use Plan (CLUP) ng bayan. Sa pamamagitan ng patuloy na pakikiisa, sama-sama nating isinusulong ang maayos, ligtas, at planadong pag-unlad ng Bayan ng Bay.

29/05/2026

𝐇𝐢𝐧𝐝𝐢 𝐥𝐚𝐧𝐠 𝐤𝐢𝐭𝐚 𝐚𝐧𝐠 𝐝𝐚𝐩𝐚𝐭 𝐩𝐚𝐥𝐚𝐠𝐮𝐢𝐧, 𝐩𝐚𝐭𝐢 𝐚𝐧𝐠 𝐝𝐢𝐬𝐢𝐩𝐥𝐢𝐧𝐚 𝐬𝐚 𝐛𝐚𝐬𝐮𝐫𝐚 𝐝𝐚𝐩𝐚𝐭 𝐝𝐢𝐧𝐠 𝐩𝐚𝐭𝐚𝐭𝐚𝐠𝐢𝐧!🗑🌱

𝐌𝐀𝐘 𝟐𝟖, 𝟐𝟎𝟐𝟔 | Sa pangunguna ni 𝐌𝐚𝐲𝐨𝐫 𝐌𝐢𝐜𝐡𝐚𝐞𝐥 𝐌. 𝐏𝐮𝐧𝐳𝐚𝐥𝐚𝐧, tagumpay nating naisagawa ang buwanang oryentasyon patungkol sa tamang pamamahala ng basura alinsunod sa 𝐏𝐚𝐦𝐛𝐚𝐲𝐚𝐧𝐠 𝐎𝐫𝐝𝐢𝐧𝐚𝐧𝐬𝐚 𝟏𝟎-𝟐𝟎𝟐𝟓 na dinaluhan ng Labing dalawang (12) na mga may-ari at tagapamahala ng negosyo dito sa ating mahal na Bay.

Layunin ng pagtitipon na ito na paigtingin ang pagsunod sa ating mga ordinansa sa kalikasan at matiyak na ang bawat establisyimento ay kabahagi sa ating hangarin para sa isang malinis at maayos na pamayanan. Ang wastong segregasyon at pagtatapon ng basura ay hindi lamang obligasyon sa batas, kundi isang mahalagang kontribusyon para sa ating kapaligiran at sa kalusugan ng bawat mamamayan.

Maraming salamat sa ating mga business owners sa inyong pakikiisa!

𝐇𝐢𝐧𝐝𝐢 𝐥𝐚𝐧𝐠 𝐤𝐢𝐭𝐚 𝐚𝐧𝐠 𝐝𝐚𝐩𝐚𝐭 𝐩𝐚𝐥𝐚𝐠𝐮𝐢𝐧, 𝐩𝐚𝐭𝐢 𝐚𝐧𝐠 𝐝𝐢𝐬𝐢𝐩𝐥𝐢𝐧𝐚 𝐬𝐚 𝐛𝐚𝐬𝐮𝐫𝐚 𝐝𝐚𝐩𝐚𝐭 𝐝𝐢𝐧𝐠 𝐩𝐚𝐭𝐚𝐭𝐚𝐠𝐢𝐧!🗑🌱

𝐌𝐀𝐘 𝟐𝟖, 𝟐𝟎𝟐𝟔 | Sa pangunguna ni 𝐌𝐚𝐲𝐨𝐫 𝐌𝐢𝐜𝐡𝐚𝐞𝐥 𝐌. 𝐏𝐮𝐧𝐳𝐚𝐥𝐚𝐧, tagumpay nating naisagawa ang buwanang oryentasyon patungkol sa tamang pamamahala ng basura alinsunod sa 𝐏𝐚𝐦𝐛𝐚𝐲𝐚𝐧𝐠 𝐎𝐫𝐝𝐢𝐧𝐚𝐧𝐬𝐚 𝟏𝟎-𝟐𝟎𝟐𝟓 na dinaluhan ng Labing dalawang (12) na mga may-ari at tagapamahala ng negosyo dito sa ating mahal na Bay.

Layunin ng pagtitipon na ito na paigtingin ang pagsunod sa ating mga ordinansa sa kalikasan at matiyak na ang bawat establisyimento ay kabahagi sa ating hangarin para sa isang malinis at maayos na pamayanan. Ang wastong segregasyon at pagtatapon ng basura ay hindi lamang obligasyon sa batas, kundi isang mahalagang kontribusyon para sa ating kapaligiran at sa kalusugan ng bawat mamamayan.

Maraming salamat sa ating mga business owners sa inyong pakikiisa!
See less