Kagawaran ng Filipino - Bautista NHS

16/02/2026

MULING NAMAYAGPAG SA PAMAMAHAYAG!

19/12/2025

Sinong nagsabing seryoso lang ang mga g**o sa Filipino?

Panoorin ang aming 'unfiltered' moments sa 2025 Year-End Party!
Mula sa bakbakan sa games, kulitan sa palitan ng regalo, hanggang sa masayang kainan at birit sa videoke.

Isang maligayang pagbati ng Kapaskuhan at manigong bagong taon sa inyong lahat! Nawa’y mapuno ang inyong mga tahanan ng pagmamahalan, pag-asa, at masaganang pagpapala. Saludo sa bawat g**o at kawani na patuloy na naglilingkod nang may puso! 🎄✨
12-19-25



Disclaimer: We do not own the rights to the music used in this video. This content is for entertainment purposes only. All credit goes to the original creators and copyright holders.

23/10/2025

BINHI NG EDUKASYON. Pagpupugay sa tatlong mahuhusay Student-Teachers mula Pangasinan State University Bayambang Campus! Pinatunayan ninyo, Sir Carmelo Bruno, Rex Dela Cruz Pacigado at Ma'am Chinee Boado, ang inyong galing mula sa pagbuo ng banghay - aralin hanggang sa pakitang-turo, di maipagkakailang produkto ng PSU!

Magpatuloy. Mahaba pa ang lakbayin ngunit makararating din. Pasasaan ba't kayo'y susunod na kaagapay ng Kagawaran sa pagbabanyuhay sa mga mag-aaral: mga bisig na yayakap sa kanilang kahinaan, mga matang titingin sa kanilang kabutihan at mga kamay na hububog sa kanilang kahusayan.

Saanman pumaroon, laging PADAYON! Sa lahat ng panahon, sambitla'y PUHON! Maligayang pag-alpas mula sa Bautista NHS!

31/08/2025

𝗣𝗔𝗦𝗔𝗦𝗔𝗟𝗔𝗠𝗔𝗧 | 𝗣𝗮𝗴𝗸𝗮𝗸𝗮𝗶𝘀𝗮 𝗣𝗮𝗿𝗮 𝗦𝗮 𝗪𝗶𝗸𝗮

Lubos na nagpapasalamat ang Kagawaran ng Filipino sa walang sawang suporta at pakikiisa ng mga magulang, g**o, mag-aaral, at buong komunidad sa matagumpay na pagdiriwang ng Buwan ng Wikang Pambansa 2025.

Dahil sa pagtutulungan, naging makulay at makahulugan ang bawat gawain—mula sa mga patimpalak, pagtatanghal, hanggang sa makabuluhang pampinid na programa.

Patunay ito na ang wika ay buhay at patuloy na nagbubuklod sa atin bilang isang pamayanan.

Mabuhay ang Wikang Filipino, Sikhay para sa Wikang Katutubo! 🌺✨

31/08/2025

31/08/2025

𝗣𝗔𝗚𝗧𝗔𝗧𝗔𝗣𝗢𝗦, 𝗣𝗔𝗚𝗣𝗔𝗣𝗔𝗧𝗨𝗟𝗢𝗬 | 𝗣𝗔𝗠𝗣𝗜𝗡𝗜𝗗 𝗡𝗔 𝗣𝗥𝗢𝗚𝗥𝗔𝗠𝗔 𝗦𝗔 𝗣𝗔𝗚𝗗𝗜𝗥𝗜𝗪𝗔𝗡𝗚 𝗡𝗚 𝗕𝗨𝗪𝗔𝗡 𝗡𝗚 𝗪𝗜𝗞𝗔𝗡𝗚 𝗣𝗔𝗠𝗕𝗔𝗡𝗦𝗔 𝟮𝟬𝟮𝟱

Isang makulay at makahulugang pagtatapos ng 𝗕𝘂𝘄𝗮𝗻 𝗻𝗴 𝗪𝗶𝗸𝗮𝗻𝗴 𝗣𝗮𝗺𝗯𝗮𝗻𝘀𝗮 𝟮𝟬𝟮𝟱 ang ginanap sa Bautista National High School noong Agosto 29, 2025, tampok ang pampinid na programa na naghatid ng mga pagtatanghal at parangal.

Pinakatampok sa naturang gawain ang 𝗟𝗮𝗸𝗮𝗻 𝗮𝘁 𝗟𝗮𝗸𝗮𝗺𝗯𝗶𝗻𝗶 𝗻𝗴 𝗪𝗶𝗸𝗮𝗻𝗴 𝗣𝗮𝗺𝗯𝗮𝗻𝘀𝗮, kung saan ipinamalas ng mga kalahok ang kanilang kariktan, talino, at husay sa paggamit ng wikang Filipino. Sa pamamagitan ng kanilang pagsagot, talento, at karisma, naipakita nila ang papel ng kabataan bilang huwaran ng bagong henerasyon.

Dagdag pa rito, tumingkad din ang programa dahil sa pagpapamalas ng mga g**o sa kani-kanilang katutubong kasuotan, patunay ng kanilang aktibong pakikiisa sa pagdiriwang at sa adhikaing ipagmalaki ang kulturang Pilipino.

Kabilang din sa mga inabangan ang pagpaparangal sa mga mag-aaral na nagwagi sa 𝗦𝗶𝗸𝗵𝗮𝘆 𝗣𝗮𝘁𝗶𝗺𝗽𝗮𝗹𝗮𝗸 𝟮𝟬𝟮𝟱 — gaya ng malikhaing pagkukuwento, spoken word poetry, sabayang pagbigkas,, bidyokasiya, salin-awit, at salin-sayaw na nagpakita ng husay at malikhaing paggamit ng wika at sining.

Bagama’t pormal nang winakasan ang buwan ng pagdiriwang, ang diwa ng paggamit, pagmamahal, at pagpapayaman sa wikang pambansa ay magpapatuloy sa bawat araw ng pagtuturo, pag-aaral, at pakikipag-ugnayan.

Muling pinatunayan ng pagdiriwang na ang 𝗕𝘂𝘄𝗮𝗻 𝗻𝗴 𝗪𝗶𝗸𝗮𝗻𝗴 𝗣𝗮𝗺𝗯𝗮𝗻𝘀𝗮 ay hindi lamang isang selebrasyon na may simula at wakas, kundi isang tuloy-tuloy na paglalakbay tungo sa pagpapalalim ng ating pagkakakilanlan bilang Pilipino.

📸HULING BAHAGI

31/08/2025

𝗣𝗔𝗚𝗧𝗔𝗧𝗔𝗣𝗢𝗦, 𝗣𝗔𝗚𝗣𝗔𝗣𝗔𝗧𝗨𝗟𝗢𝗬 | 𝗣𝗔𝗠𝗣𝗜𝗡𝗜𝗗 𝗡𝗔 𝗣𝗥𝗢𝗚𝗥𝗔𝗠𝗔 𝗦𝗔 𝗣𝗔𝗚𝗗𝗜𝗥𝗜𝗪𝗔𝗡𝗚 𝗡𝗚 𝗕𝗨𝗪𝗔𝗡 𝗡𝗚 𝗪𝗜𝗞𝗔𝗡𝗚 𝗣𝗔𝗠𝗕𝗔𝗡𝗦𝗔 𝟮𝟬𝟮𝟱

Isang makulay at makahulugang pagtatapos ng 𝗕𝘂𝘄𝗮𝗻 𝗻𝗴 𝗪𝗶𝗸𝗮𝗻𝗴 𝗣𝗮𝗺𝗯𝗮𝗻𝘀𝗮 𝟮𝟬𝟮𝟱 ang ginanap sa Bautista National High School noong Agosto 29, 2025, tampok ang pampinid na programa na naghatid ng mga pagtatanghal at parangal.

Pinakatampok sa naturang gawain ang 𝗟𝗮𝗸𝗮𝗻 𝗮𝘁 𝗟𝗮𝗸𝗮𝗺𝗯𝗶𝗻𝗶 𝗻𝗴 𝗪𝗶𝗸𝗮𝗻𝗴 𝗣𝗮𝗺𝗯𝗮𝗻𝘀𝗮, kung saan ipinamalas ng mga kalahok ang kanilang kariktan, talino, at husay sa paggamit ng wikang Filipino. Sa pamamagitan ng kanilang pagsagot, talento, at karisma, naipakita nila ang papel ng kabataan bilang huwaran ng bagong henerasyon.

Dagdag pa rito, tumingkad din ang programa dahil sa pagpapamalas ng mga g**o sa kani-kanilang katutubong kasuotan, patunay ng kanilang aktibong pakikiisa sa pagdiriwang at sa adhikaing ipagmalaki ang kulturang Pilipino.

Kabilang din sa mga inabangan ang pagpaparangal sa mga mag-aaral na nagwagi sa 𝗦𝗶𝗸𝗵𝗮𝘆 𝗣𝗮𝘁𝗶𝗺𝗽𝗮𝗹𝗮𝗸 𝟮𝟬𝟮𝟱 — gaya ng malikhaing pagkukuwento, spoken word poetry, sabayang pagbigkas,, bidyokasiya, salin-awit, at salin-sayaw na nagpakita ng husay at malikhaing paggamit ng wika at sining.

Bagama’t pormal nang winakasan ang buwan ng pagdiriwang, ang diwa ng paggamit, pagmamahal, at pagpapayaman sa wikang pambansa ay magpapatuloy sa bawat araw ng pagtuturo, pag-aaral, at pakikipag-ugnayan.

Muling pinatunayan ng pagdiriwang na ang 𝗕𝘂𝘄𝗮𝗻 𝗻𝗴 𝗪𝗶𝗸𝗮𝗻𝗴 𝗣𝗮𝗺𝗯𝗮𝗻𝘀𝗮 ay hindi lamang isang selebrasyon na may simula at wakas, kundi isang tuloy-tuloy na paglalakbay tungo sa pagpapalalim ng ating pagkakakilanlan bilang Pilipino.

📸UNANG BAHAGI

30/08/2025

𝗦𝗜𝗟𝗜𝗣𝗜𝗡 | 𝗧𝗔𝗚𝗜𝗦𝗔𝗡 𝗦𝗔 𝗦𝗔𝗕𝗔𝗬𝗔𝗡𝗚 𝗣𝗔𝗚𝗕𝗜𝗚𝗞𝗔𝗦
Agosto 28, 2025

Hindi lang basta mangga ang hinog, pati talento at husay ng ating mga kalahok sa 𝗦𝗮𝗯𝗮𝘆𝗮𝗻𝗴 𝗣𝗮𝗴𝗯𝗶𝗴𝗸𝗮𝘀 gamit ang tulang "𝗔𝗻𝗴 𝗣𝗮𝗴𝗸𝗮𝗶𝗻 𝗻𝗴 𝗛𝗶𝗻𝗼𝗴 𝗻𝗮 𝗠𝗮𝗻𝗴𝗴𝗮" 𝗻𝗶 𝗘𝗱𝗶𝗹𝗯𝗲𝗿𝘁𝗼 𝗡. 𝗔𝗹𝗲𝗴𝗿𝗲!🍋🥭

Sa entablado, tila ba bawat taludtod ay may kasamang asin at bagoong—matapang, malasa, at nakaaaliw. ✨
At siyempre, gaya ng hinog na mangga, natikman ng lahat ng nakilahok ang tamis ng tagumpay. Hindi lamang sa medalya o parangal, kundi sa mga aral, halakhak, at makabuluhang karanasang dulot ng kanilang buong pagtatanghal. 🏆👏

📸 Kasama sa mga larawang ito ang masisiglang kalahok at ang mga kampeon na tunay na nagpahinog ng kanilang talento.

28/08/2025

𝐀𝐁𝐀𝐍𝐆𝐀𝐍: Bukas na! Kilalanin ang mga Lakan at Lakambini ng Buwan ng Wikang Pambansa sa Pampinid na Programa para sa BNWP '25.

Copyright Disclaimer: This music is used for entertainment purposes only. No copyright infringement intended. All rights belong to the rightful owner.

25/08/2025

𝗧𝗜𝗡𝗚𝗜𝗡 | 𝟭𝟭 - 𝗦𝗧𝗘𝗠 (𝗪𝗶𝘀𝗱𝗼𝗺)
𝑼𝒏𝒂𝒏𝒈 𝑮𝒂𝒏𝒕𝒊𝒎𝒑𝒂𝒍𝒂 🏆

"𝐷𝑖 𝑝𝑖𝑛𝑎𝑝𝑎𝑛𝑠𝑖𝑛, 𝑖𝑛𝑔𝑎𝑦 𝑠𝑎 𝑡𝑎𝑏𝑖... 𝑀𝑎𝑔𝑢𝑙𝑜𝑛𝑔 𝑘𝑎𝑝𝑎𝑙𝑖𝑔𝑖𝑟𝑎𝑛 𝑠𝑎'𝑦𝑜 𝑙𝑎𝑛𝑔 𝑎𝑛𝑔 𝑡𝑖𝑛𝑔𝑖𝑛"

Isang titig lang ang kailangan upang maipahayag ang damdamin na hindi kayang sambitin ng salita. Ito ang ipinamalas ng 11-STEM (Wisdom) sa kanilang husay sa pagsasalin at pag-awit ng kantang “Tingin” ng Cup of Joe sa wikang Pangasinan—na nagkamit sa kanila ng karangalan bilang Kampeon ng Salin-Awit 2025.

Muling mapakikinggan ang kanilang tinig at masisilayan ang kanilang galing sa Pampinid na Palatuntunan ng Buwan ng Wikang Pambansa 2025 ngayong Agosto 29.

Sa kanilang pagtatanghal, pinatutunayan nilang ang wika at musika ay kapwa nagsisilbing tulay ng damdamin—na sa isang simpleng tingin, nahahayag ang pinakamalalim na kahulugan ng pagmamahal.

25/08/2025

𝗣𝗔𝗡𝗚𝗔𝗥𝗔𝗣 𝗟𝗔𝗡𝗚 𝗞𝗜𝗧𝗔 | 𝟭𝟭 𝗛𝗘 (𝗞𝗶𝗻𝗱𝗻𝗲𝘀𝘀)
𝑰𝒌𝒂𝒍𝒂𝒘𝒂𝒏𝒈 𝑮𝒂𝒏𝒕𝒊𝒎𝒑𝒂𝒍𝒂 🥈

Sa kanilang malikhaing pagtatanghal, isinalin ng 11-HE (Kindness) ang awiting ito mula sa Filipino tungo sa wikang Pangasinan, at ipinakita na kahit sa ibang wika, nananatiling malinaw ang mensahe: hindi lahat ng minamahal ay maaaring makamtan, ngunit ang damdamin ay tunay at totoo.

Ang kantang “Pangarap Lang Kita” ng Parokya ni Edgar ay sumasalamin sa pag-ibig na walang kasagutan—isang damdaming busilak ngunit nananatiling lihim at mailap. Ipinapakita nito ang bigat ng pagmamahal na kailanman ay hindi matutupad, ngunit sa kabila ng sakit, ay piniling pahalagahan ang nararamdaman. ✨
Tunghayan ang kanilang pagtatanghal at damhin ang himig ng musika at wika—isang salin na nagbubuklod ng puso at kultura.