Brgy. San Andres Proper

03/09/2026

18/08/2026

Sa gitna ng malakas na bagyo at mga pagsubok na kinaharap ng aming komunidad, taos-puso ang aming pasasalamat sa mga taong nagpaabot ng tulong at malasakit sa mga residente ng Barangay San Andres Proper. Lubos naming pinasasalamatan sina Former Congressman Raneo Abu at Bokala Dra. Reina Abu, sa agarang pagtugon at pagbibigay ng relief goods mula sa Capitolio sa aming mga kababayan. Sa panahong higit na kailangan ang suporta at pagkalinga, ang inyong tulong ay malaking ginhawa sa mga pamilyang naapektuhan ng bagyo at nagsilbing simbolo ng pag-asa at malasakit.

Mula sa buong Barangay San Andres Proper, maraming-maraming salamat po sa inyong kabutihan, serbisyo, at pagmamalasakit. Ang inyong tulong ay hindi lamang nagbigay ng mga pangunahing pangangailangan, kundi nagpaalala rin sa amin na hindi kami nag-iisa sa panahon ng pagsubok. Nawa'y patuloy kayong pagpalain at bigyan ng lakas upang makapaglingkod at makatulong sa mas marami pang kababayan. Maraming salamat po sa inyong taos-pusong malasakit.

25/07/2026

"Nutrisyon at Kalikasan Ating Pangalagaan"

52nd Nutrition Month Celebration of Brgy San Andres Proper– July 2026

Isang matagumpay na Feeding Program ang isinagawa bilang bahagi ng pagdiriwang ng 52nd Nutrition Month 2026 na may temang "Nutrisyon at Kalikasan Ating Pangalagaan." Layunin ng programang ito na mapalakas ang kalusugan at nutrisyon ng mga bata habang isinusulong ang kahalagahan ng pangangalaga sa ating kapaligiran.

Ang tagumpay ng gawaing ito ay naging posible dahil sa sama-samang pagtutulungan at suporta ng Barangay Nutritionist at ng buong Sangguniang Barangay ng San Andres Proper.

Lubos kaming nagpapasalamat sa inyong dedikasyon, malasakit, at walang sawang paglilingkod sa ating komunidad. Ang inyong pagkakaisa ay naging daan upang maging matagumpay ang programang ito at makapaghatid ng masustansyang pagkain at pag-asa sa ating mga kabataan.

Nawa'y magsilbi itong inspirasyon upang patuloy nating pangalagaan ang kalusugan ng bawat mamamayan at ang ating kalikasan. Sa sama-samang pagkilos, makakamit natin ang isang mas malusog, mas ligtas, at mas maunlad na Barangay San Andres Proper.

Maraming salamat sa lahat ng naging bahagi ng programang ito!

16/07/2026

"BAWAT BARANGAY MAKIKINABANG PROGRAM"

Sa pangunguna ng Sangguniang Barangay ng Barangay San Andres Proper, Bauan, Batangas, matagumpay na naisakatuparan ang pagbili ng Power Supply Generator bilang bahagi ng Priority Project na ipinagkaloob sa ating barangay sa ilalim ng Bawat Barangay Makikinabang Program.

Ang generator na ito ay magsisilbing mahalagang kagamitan upang matiyak ang tuloy-tuloy na operasyon ng barangay hall at ang patuloy na paghahatid ng mga pangunahing serbisyo sa mamamayan, lalo na sa panahon ng pagkawala ng kuryente, kalamidad, at iba pang emergency na sitwasyon.

Lubos ang pasasalamat ng buong Sangguniang Barangay San Andres Proper sa programang ito na malaking tulong sa pagpapalakas ng kahandaan at pagpapabuti ng serbisyo publiko para sa ating komunidad.

Patuloy nating isusulong ang mga proyektong magbibigay ng ligtas, maayos, at episyenteng serbisyo para sa kapakanan ng bawat mamamayan ng Barangay San Andres Proper.

Maraming Salamat Po! 🇵🇭

16/07/2026

# “BAWAT BARANGAY MAKIKINABANG PROGRAM”

5 BENEPISYARYO NG BAGONG PILIPINAS BARANGAY PRESIDENTIAL SCHOLARSHIP PROGRAM NG BARANGAY SAN ANDRES PROPER, BAUAN, BATANGAS

Noong Hunyo 30, 2026, sa pangunguna ng Sangguniang Barangay ng Barangay San Andres Proper, Bauan, Batangas, ay isinagawa ang pagpili ng mga incoming fourth year college students bilang benepisyaryo ng **Bagong Pilipinas Barangay Presidential Scholarship Program**, alinsunod sa layunin ng administrasyon ni Pangulong Ferdinand R. Marcos Jr. na suportahan ang edukasyon ng kabataang Pilipino.

Ang limang (5) napiling Presidential Scholars ng Barangay San Andres Proper ay sina:

1. CJ Adrienne A. Cadevida – BS Education
2. Sebastian Miguel M. Medrano– Doctor of Dental Medicine
3. Shekinah Ruth F. Hernandez– BS Business Administration
4. Rajo Benedict D. Rambac– BS Aerospace Engineering
5. John Matthew G. Medrano– BS International Hospitality Management (Cruiseline Operations)

Ang bawat iskolar ay tumanggap ng **₱20,000.00**, na may kabuuang halagang **₱100,000.00**, bilang suporta sa kanilang pag-aaral at upang makatulong sa pagtupad ng kanilang mga pangarap.

Lubos ang pasasalamat ng Sangguniang Barangay San Andres Proper sa ating mga Presidential Scholars at sa kanilang mga magulang sa kanilang dedikasyon at pagsisikap. Nawa'y magsilbi itong inspirasyon sa iba pang kabataan na pagbutihin ang kanilang pag-aaral at maging mabuting mamamayan.

Patuloy na itataguyod ng Barangay San Andres Proper ang mga programang nagbibigay ng oportunidad at pag-asa sa bawat mamamayan para sa isang mas maunlad at mas maliwanag na kinabukasan.

🇵🇭 **Para sa kabataan. Para sa edukasyon. Para sa Bagong Pilipinas.**

01/02/2026

Mag enjoy po tayo ngayong bakasyon Brgy. San Andres Proper !!!👏🎉🏀🏐⛹️🏅🏆!!..

WHAT: SUMMER LEAGUE MEETING
WHERE: ASAHI COURT (Sitio Guinhawa)
WHEN: FEBRUARY 06, 2026 at 4PM

Sama sama po tayo para sa Kalusugan, Kasiyahan at Pakikipagkaibigan !!!...👍🌞

20/12/2025

MULA PO SA AMING LAHAT !!!...
MERRY CHRISTMAS AND HAPPY NEW YEAR!!..🌞🎉👏🎁☝️❤️
SAN ANDRES PROPER officials and Functionaries!!!....