10/08/2026
๐ต๐ญ "BAWAT BARANGAY MAKIKINABANG PROGRAM"
5 BENEPISYARYO NG BAGONG PILIPINAS BARANGAY PRESIDENTIAL SCHOLARSHIP PROGRAM NG BARANGAY SAN TEODORO, BAUAN, BATANGAS
Bilang patunay ng patuloy na pagpapahalaga sa edukasyon at kinabukasan ng kabataan, matagumpay na isinagawa ng Sangguniang Barangay ng Barangay San Teodoro, Bauan, Batangas ang pagpili sa limang (5) mag-aaral na benepisyaryo ng Bagong Pilipinas Barangay Presidential Scholarship Program.
Sa pangunguna ni Kgg. Emil Abrugena, Punong Barangay, kasama ang buong Sangguniang Barangay, isinulong ang programang ito upang mabigyan ng tulong-pinansyal ang mga mag-aaral na nagpamalas ng kasipagan at dedikasyon sa kanilang pag-aaral. Layunin nitong makatulong sa kanilang matrikula at iba pang gastusing pang-edukasyon upang masiguro ang pagpapatuloy nila sa kolehiyo.
Ang limang (5) napiling Presidential Scholars ng Barangay San Teodoro ay sina:
1. Ayanna Francheska A. Adante
Bachelor of Early Childhood
Westmead International School
2. Ashlee C. Awayan
Bachelor of Science in Nursing
University of Batangas
3. Jayvee B. Catapang
Bachelor of Science in. Development Communication
Batangas State University
4. Gherlie Anne D. Renegado
Bachelor of Science in Psychology
Batangas State University
5. Aileen Carol C. Tiamsim
Bachelor of Science in Business Administration Major in Human Resource Management
Batangas State University
Bilang bahagi ng programa, ang bawat iskolar ay tumanggap ng โฑ20,000.00 Educational Assistance, na may kabuuang halagang โฑ100,000.00, bilang suporta sa kanilang matrikula, mga kagamitan sa pag-aaral, at iba pang pangangailangan sa kanilang paglalakbay tungo sa pagtatapos ng kolehiyo.
Ang programang ito ay sumasailalim sa paniniwala na ang edukasyon ang pinakamahalagang pamana na maibibigay sa bawat kabataan. Sa pamamagitan ng scholarship na ito, mas maraming mag-aaral ang nabibigyan ng pagkakataong maabot ang kanilang mga pangarap at maging mga responsableng mamamayang handang maglingkod sa kanilang komunidad.
Taos-puso naming binabati ang ating limang (5) Bagong Pilipinas Barangay Presidential Scholars at ang kanilang mga magulang sa kanilang sipag, tiyaga, at determinasyong maitaguyod ang kanilang edukasyon. Nawa'y magsilbi kayong inspirasyon sa iba pang kabataan ng Barangay San Teodoro na ipagpatuloy ang pag-aaral, magsikap, at mangarap nang higit pa.
Kaalinsabay nito, ang natitirang Php. 100,000.00 ay inilaan naman para sa proyekto ng Sangguniang Barangay ng San Teodoro, Bauan sa pagbili ng 2 Tent at 100pcs na monoblock chairs na magagamit sa mga kaganapan sa barangay.
Muli, ang Pamahalaang Barangay ng San Teodoro ay bumabati sa mga napiling iskolar. Nawa ay paghusayin ninyo sa inyong pag-aaral at bigyan ng may dangal ang pangalan ng ating barangay at patuloy na maging huwaran ng kahusayan, integridad, at paglilingkod.
๐ต๐ญ Para sa Kabataan, Para sa Edukasyon, Para sa Mas Maunlad na Kinabukasan. At para sa kabutihan ng mamamayan ng San Teodoro, Bauan, Batangas.
