City Civil Registrar's Office, Batangas City

02/09/2026

🎨 Calling All Senior High School Students in Batangas City!
Registration is OPEN TO ALL Senior High School students from public and private schools within Batangas City.
Come, join, and let your creativity shine! ✨

📣📣📣

22/07/2026

📣📣📣

20/07/2026

13/07/2026

💍 Baysanang Bayan 2026: Dalawampung Pusong Pinag-isa sa Pag-ibig at Paglilingkod 💖

Noong Hulyo 9, 2026, ganap na alas-9:00 ng umaga sa Batangas City Convention Centre, matagumpay na idinaos ang Baysanang Bayan 2026, kung saan 20 magkasintahan ang opisyal na nagsimula ng panibagong yugto ng kanilang buhay bilang mag-asawa.

Pinangunahan ni Judge Maria Socoro Godoy ang seremonya ng kasal at nagbigay ng taos-pusong mensahe sa mga bagong kasal. Binigyang-diin niya ang kahalagahan ng pagmamahalan, paggalang, pagtitiwala, at pagtutulungan sa pagharap sa mga hamon ng buhay mag-asawa. Ang kanyang mga payo ay nagsilbing inspirasyon at gabay sa kanilang paglalakbay bilang isang pamilya.

Bilang bahagi ng pagdiriwang, ipinagkaloob sa bawat mag-asawa ang kanilang "sabit" na inihatid sa kani-kanilang tahanan isang araw bago ang kasal. Kabilang dito ang sariwang karne, mga rekado o sangkap sa pagluluto, at 25 kilong bigas bilang munting handog ng pamahalaang lungsod upang makatulong sa kanilang pagsisimula bilang mag-asawa.

Sa araw mismo ng seremonya, tumanggap din ang bawat mag-asawa ng nakaframe na larawan ng kanilang kasal bilang isang espesyal at pangmatagalang alaala ng napakahalagang araw na ito.

Ang Baysanang Bayan 2026 ay patunay ng patuloy na malasakit ng Pamahalaang Lungsod ng Batangas, sa pangunguna ni Mayor Marvey C. Marino, sa pagsusulong ng matatag na pamilya at pagbibigay ng makabuluhang serbisyo sa bawat Batangueño.

Mula sa buong Office of the City Civil Registrar of Batangas City (OCCRBC), taos-puso naming binabati ang lahat ng bagong kasal. Nawa'y manatiling matatag ang inyong pagsasama at patuloy na pagpalain ang inyong pagsisimula bilang isang pamilya.

Maligayang bati sa ating 20 bagong mag-asawa! ❤️💐

04/03/2026

Celebrate Love!
💗💗💗

28/02/2026

Isang matagumpay at makabuluhang araw ang ginanap noong Pebrero 27, 2026 sa Batangas City Convention Centre para sa 1st OCCRBC Jingle Making Competition!

Ang patimpalak na ito ay bahagi ng pagdiriwang ng Civil Registration Month ngayong Pebrero, na may temang:
“Navigating the Future Together: Advancing CRVS in Shaping the Global and Regional Data Ecosystem.”
Layunin nitong palakasin ang kamalayan sa kahalagahan ng Civil Registration and Vital Statistics (CRVS) at hikayatin ang kabataan na maging katuwang sa pagpapalaganap ng tamang impormasyon sa pamamagitan ng musika.
Ipinamalas ng mga kalahok ang kanilang talento sa pagsulat at paglikha ng jingle na tunay na sumasalamin sa adhikain ng OCCRBC. Sa husay at galing ng bawat grupo, narito ang mga nagwagi:

🏆 1st Place – Banaba West Integrated School
🥈 2nd Place – Colegio ng Lungsod ng Batangas
🥉 3rd Place – Batangas Christian School

Taos-pusong pasasalamat sa ating mga hurado na nagbigay ng kanilang oras at eksperto nilang pagsusuri:
• Ar. Dhennis Sigua
• Ms. Mellicent Grantoza mula sa Philippine Statistics Authority
• At ang ating Head Judge, Mr. Emmanuel James Musico

Maraming salamat sa lahat ng paaralan, kalahok, coaches, at tagasuporta na nakiisa at nagbigay-buhay sa kauna-unahang OCCRBC Jingle Making Competition. Tunay na ang musika ay makapangyarihang daluyan ng mensahe at inspirasyon, at isang hakbang tungo sa mas matatag at makabagong CRVS system para sa hinaharap.
Hanggang sa susunod na kompetisyon! 🎶✨

11/02/2026

Isang karangalang ibinabahagi ng Office of the City Civil Registrar – Batangas City ang pagkakamit ng IKALAWANG PWESTO sa 2024 CALABARZON Outstanding Local Civil Registry Offices (Super Extra Large Category).

Ang parangal na ito ay iginawad noong ika-11 ng Pebrero 2026 sa ginanap na seremonya sa Solano Hotel, Lipa City, Batangas. Ang naturang pagkilala ay buong pusong tinanggap nina City Civil Registrar Maria Charisma Mojares at Assistant City Civil Registrar Raquel Muñoz, bilang kinatawan ng ating tanggapan.

Ang tagumpay na ito ay bunga ng sama-samang pagsisikap, dedikasyon, at walang sawang paglilingkod ng buong BCCRO team upang maitaguyod ang maayos, episyente, at makabagong sistema ng Civil Registration and Vital Statistics (CRVS). Patunay ito na ang ating tanggapan ay patuloy na nagsusumikap na maghatid ng de-kalidad at makataong serbisyo para sa bawat Batangueño.

Ang parangal na ito ay hindi lamang para sa aming opisina, kundi para sa buong Lungsod ng Batangas sa pangunguna ni Hon. Mayor Mario Vittorio Mariño, Congresswoman Beverley Rose A. Dimacuha, Atty. Reginald A. Dimacuha - secretary to the Mayor; gayundin and buong Sangguniang Panlungsod ng Batangas at Vice Mayor Alyssa Cruz na patuloy na sumusuporta sa aming mga programa at adhikain.

Maraming salamat sa tiwala at suporta. Patuloy po kaming magsisilbi nang may integridad, kahusayan, at malasakit.

11/02/2026

Isang napakagandang balita at karangalang ibinabahagi ng Office of the City Civil Registrar - Batangas City ang tagumpay ni Ms. Perla Dalida sa larangan ng Civil Registration and Vital Statistics.

Si Ms. Dalida ay unang nagwagi ng 2nd Place sa Province - wide CRVS Quiz Bee na inorganisa ng Philippine Statistics Authority. Hindi doon nagtapos ang kanyang husay at dedikasyon - sya ay muling lumaban at ngayo'y itinanghal na CHAMPION sa Regional Level!

Ang kanyang tagumpay ay patunay ng kanyang malalim na kaalaman, masusing paghahanda at taos - pusong dedikasyon sa serbisyo publiko. Ipinakita nya ang kahusayan at propesyonalismo na tunay na ipinagmamalaki ng Batangas City.

Lubos ang aming pasasalamat at paghanga sa sa iyong determinasyon at sipag. Ikaw ay inspirasyon hindi lamang sa ating taggapan kundi sa buong komunidad ng civil registry personnel.

Sobrang proud ang buong Office of the City Civil Registrar - Batangas City sa iyo, Ms. Perla Dalida! 👏 Patuloy kang maging ilaw ng kahusayan at serbisyo para sa mas matatag at maasahang CRVS system.

Congratulations sa iyong napakagandang tagumpay!🏆

10/02/2026

Kickoff Activity ng 36th Civil Registration Month | Pebrero 2026

Opisyal na sinimulan ang pagdiriwang ng 36th Civil Registration Month sa pamamagitan ng isang motorcade na ginanap noong Pebrero 3, 2026 sa loob ng Batangas City. Tumagal ng humigit-kumulang isang oras ang aktibidad na nilahukan ng mga opisyal at miyembro ng League of Civil Registrars – Batangas Province (LCRBP) Region IV-A.

Nakiisa sa aktibidad ang Tanggapan ng Philippine Statistics Authority (PSA) sa pangunguna ni Chief Statistics Specialist Raul Maximo B. Tolentino, na siyang tumanggap sa mga kalahok ng motorcade sa PSA Office sa Caedo Commercial Complex, kung saan nagsimula at nagtapos ang nasabing aktibidad.

Isinagawa rin sa parehong lugar ang 1st Quarter Meeting ng Liga. Isa sa mga naging highlight ng pulong ang pagkilala sa mga natatanging tanggapan ng Civil Registrar. Ipinagmamalaki na muling nakamit ng Office of the City Civil Registrar ng Lungsod ng Batangas ang unang karangalan sa SUPER EXTRA LARGE CATEGORY sa magkasunod na taon 2023 at 2024 para sa Outstanding Local Civil Registry sa probinsya ng Batangas. Tinanggap ang parangal ni City Civil Registrar (CCR) Maria Charisma A. Mojares, kasama sina Asst. City Civil Registrar Raquel H. Muñoz at Registration Officer IV Glorilyn D. Malaluan.

Matapos ang isang salu-salong pananghalian , isinagawa ang eleksyon ng bagong set ng opisyal ng liga, kung saan nahalal bilang Business Manager si Batangas CCR Mojares.

Isang makabuluhang pagsisimula ito ng Civil Registration Month na naglalayong higit pang palakasin ang kamalayan sa kahalagahan ng civil registration sa bawat mamamayan. 🎉

30/01/2026

🎵Got the beat?
Be part of the 1st OCCRBC Jingle Making Competition for Civil Registration Month!