Panday Sining Capitolio

08/03/2022

Katumbas ng mga ngiting binibitawan ay ang kinang ng tinatanaw na magandang kinabukasan.

Handog ng Panday Sining Capitolio Batangas - Kontrapunto ang cover ng awiting "With A Smile" by Eraserheads para sa mga kababaihang tumitindig para sa bayan dala-dala ang positibong pananaw para sa hinaharap.

Laban, kababaihan!

Banggit-Pasasalamat: Juls

08/03/2022

Mapulang pagbati sa lahat ng nagpupunyaging rebolusyonaryong kababaihan!

Pagpupugay sa mga Pilipinang walang-humpay na lumalaban upang wakasan ang diskriminasyon at karahasan na patuloy na nararanasan sa kasalukuyan.

Taas-kamao rin naming pinagpupugayan ang martir ng sambayanang si Chai Evangelista at ang iba pa niyang kasamahang nasawi mula sa kalupitan ng rehimeng Duterte! Kahapon ay minarkahan ang ika-isang taon matapos maganap ang "Bloody Sunday Massacre".

Masasabing naging makubuluhan ang kanilang buhay sapagkat iginugol nila ito sa pagsisilbi sa bayan. Ang inyong dunong, lakas, at mga kakayahan ay nagbibigay inspirasyon sa amin! Magpapatuloy ang laban!

Maligayang Pandaigdigang Araw ng Kababaihan! ABANTE, BABAE!

Banggit-Pasasalamat: Haya

23/02/2022

Tatlumpu't anim na taon na ang nakalilipas nang nagsama-sama ang mga Pilipino upang mapatalsik ang diktador na si Marcos.

Ngayon, sama-sama nating tunghayan ang mga kwento noon at ang mga araling mapupulot natin upang hindi makalimutan ang nakaraan!

Dumalo't magpadalo sa gaganaping film-viewing ng Panday Sining Batangas hinggil sa nalalapit na ika-36 na komemorasyon ng EDSA People Power Uprising ngayong ika-23 at ika-24 ng Pebrero sa ganap na ika-8 ng gabi!

Mag-DM laang para sa Discord link!

06/12/2021

Papatak po! 🍃

Sa nalalabing International Human Rights Day (IHRD) sa ika-10 ng Disyembre, muli kaming kumakatok sa inyong mga puso upang magkaroon ng sapat na badyet na makakapagsakatuparan ng proyekto’t aktibidad patungkol sa karaptan nating lahat. Palaging tandaan na ang Araw ng mga Karapatang Pantao ay ginugunita upang itaas ang kamalayan sa mga karapatang panlipunan, pangkultura, at pisikal ng mga tao, gayundin upang matiyak ang kapakanan ng lahat.

Karapat-dapat na karapatan, tapat para sa lahat!

📌 [ DAGDAG NA IMPORMASYON ]

Anumang halaga, malaki o maliit, makakapag-bigay ng pag-asang makakamit.

GCASH:
Crispin B.
09366051435

01/05/2021

Pagpupugay sa uring manggagawa! Ngayong Mayo Uno ay nararapat lamang na ipagdiwang ang uring siyang humubog sa ating kasaysayan! Nararapat lamang na ipaglaban ang kanilang karapatan at paingayin pa ang kanilang mga panawagan lalo na ngayon pandemya na siyang unti-unting lumulupog sa kanila. Hindi pa rin itinataas ang minimum wage, at hindi pa rin itinitigil ang kontraktuwalisasyon, wala pa ring sapat na benepisyong pangkalusugan at pangretiro para sa mga manggagawa.

Kaya naman tayo'y tumindig kaisa sa kanilang hanay! Ipaglaban karapatan ng mamamayan!
PASISMO BIGUIN! DUTERTE PATALSIKIN!

07/03/2021

Kinokundena ng Panday Sining Capitolio ang malawakang mala-tokhang na serye ng panunupil ng estado sa mga mga aktibista sa Timog Katagalugan. Hindi ito gyera kontra kumonista kundi ay gyera ito ng estado kontra sa mga Pilipinong nasa laylayan na ang tanging ipinaglalaban ay ang kanilang karapatan.

BASAHIN: Pahayag ng Bagong Alyansang Makabayan-Batangas hinggil sa nangyaring panunupil sa mga progresibong indibidwal sa probinsya at sa malawakang crackdown sa mga aktibista sa Timog Katagalugan.

27/01/2021

NARITO ANG PINAGKAISANG PAHAYAG MULA SA ANAKBAYAN GERERO, ANAKBAYAN LIDERATO, AT PANDAY SINING CAPITOLIO PATUNGKOL SA PANREREDTAG NG NTF-ELCAC LABAN SA IBA'T IBANG UNIBERSIDAD SA PILIPINAS KABILANG NA ANG LYCEUM OF THE PHILIPPINES UNIVERSITY, AT BATANGAS STATE UNIVERSITY NA PAWANG MATATAGPUAN SA LALAWIGAN NG BATANGAS.

ITO AY ISANG NAPAKALAKING BANTA SA SEGURIDAD NG KABATAAN AT NG MGA G**O. ITIGIL NA ANG WALANG HABAS AT 'DI MAKATOTOHANANG REG-TAGGING!



!

20/01/2021

Ngayon ay lantaran na ang pamamasismong isinasagawa ng Rehimeng Duterte. Matapos ang pagpapatupad sa Anti Terror Law ngayon naman ay ibinasura ng Department of National Defense (DND) ang ang UP-DND accord. Ito ay isang kasunduan kung saan pinoprohibita ang militarisasyon sa Unibersidad ng Pilipinas.

Matatandaang ilang beses nang pinagbantaan ng estado ang pamantasan ng UP na siyang pugad umano ng recruitment ng Partido Kumunista ng Pilipas at New People's Army. Walang sapat na ebidensya ang estado at nakabase lamang sa mga steryotipikong pinaniniwalaan nito.

Kaya ikinukundena ng Panday Sining Capitolio ang unilateral withdrawal ng Department of National Defense sa UP-DND Accord lalo na't naisabatas na ang Anti Terror Law na sobrang piligroso para sa mga mag-aaral at mga g**o ng unibersidad. Isa itong pag tapak sa karapatang pantao at sa malayang akademikong pamamahayag ng mga iskolar ng Bayan at tanging diktador lamang ang makakagawa nito.

Ngayon ay unti-unti nang inilalantad ng Rehimeng Duterte ang tunay nilang mukha at ang kanilang hangarin na lupigin ang mga kritiko ng pamahalaan. Pagkat bahag ang buntot ng estado sa mga kritikal at matatalinong mamamayan ng bansa. Takot silang mailantad ang sarili nilang baho at kabaluktutan pagkat sa dami ng kapalpakan nila ngayong pandemya ay wala na silang ibang magawa kundi ang mampasista.

At ang aksyong ito ng estado ay hindi lamang banta sa pamantasan ng Unibersidad ng Pilipinas kundi banta rin sa malayang pamamahayag ng mga estudyante ng lahat ng pamantasan sa buong bansa.

IPAGLABAN ANG MAYALANG AKADEMIKONG PAMAMAHAYAG! LABANAN ANG PASISMO!
PATALSIKIN ANG DIKTADOR! MAKIBAKA, HUWAG MATAKOT!

Iskolar ng bayan at ang Artista ng bayan, NGAYON AY LUMALABAN!





!

16/11/2020

Isang mapagpalang araw sa inyong lahat!

Ang Panday Sining Capitolio ay magsasagawa ng Art for A Cause kung saan ang lahat ng perang malilikom ay buong ipahahatid sa nasalanta ng mga nagdaang bagyo sa lalawigan ng Batangas.

Katulong ng mga volunteer, naglalayon ang organisasyon na matulungan ang ating kapwa Batangueño na maibsan ang kanilang nararanasang hirap sa pamamagitan ng pagbibigay tulong sa pamamagitan ng pagdaos ng relief drive operations.

Maaring sumangguni ang mga interesado sa link ng fb account ng mga artists na nakalagay sa bawat caption ng mga larawan o direktang imensahe ang aming FB o Twitter account para sa karagdagang impormasyon.

Sa tulong ng bawat isa, unti-unting tayong makakaahon. Bangon, Batangas!