15/04/2026
Ngayong Araw ay nakikiisa ang Sentrong Saliksikan ng Baliuag sa pag-alaala sa ika-114 taong anibersaryo ng kamatayan ng rebolusyonaryong Baliwagenyo na si Felipe "Apo Ipe" Salvador.
15 Abril 1912 binitay si Apo Ipe sa bilibid sa Maynila dahil sa salang bandolerismo. Si Apo Ipe ay naging bahagi ng Katipunan na nagpatuloy ng kanyang laban hanggang sa panahon ng mga Amerikano. Naging tinik sa lalamunan ng mga Amerikano si Apo Ipe kaya itinuring nila ito bilang isang "Most Dangerous Outlaw" sa buong Luzon. Sa kabila ng pakikipaglaban ni Apo Ipe nahuli siya ng pwersa ng Amerikano sa kanyang kuta sa Kamias, San Luis, Pampanga. Hanggang sa siya ay kinasuhan ng mga Amerikano ng salang bandolerismo. Nahatulan ng kamatayan si Apo Ipe kaya noong ika-15 ng Abril sa loob ng Bilibid sa Maynila siya ay binitay.
Makikita sa larawan ang naging lamay ni Apo Ipe sa pangunguna ng Paglingap-Kapatid samahang Abuluyan sa Palumpong, Tondo, Manila. Nakapalibot sa kanya ang kanyang mga kaibigan at mga mahal sa buhay.
Sanggunian:
Donesa, Robert John I. 2021. “Bayan ng Pag-ibig: Ang Kabayanihan ni Felipe Salvador at ng Kapatirang Santa Iglesia.” In Sineliksik Bulacan Heritage Book, tomo 3, 172–180. Malolos: Bulacan Provincial History, Arts, Culture and Tourism Office.
Cloma, Leo. Funeral (Paglingap-Kapatid, Samahang Abuluyan, Palumpong, Tondo, Manila). Photograph. Uploaded March 15, 2014. Accessed April 15, 2025. 28098727@N00/13165871683." rel="ugc" target="_blank">https://www.flickr.com/photos/28098727@N00/13165871683.
