08/06/2026
Lantawa || 👀
KATAWHAN SA BARANGAY SAMAY, ANGAY TA MAHIBALO SA ATONG KATUNGOD! 📢
Hibaloi kini ninyo permi:
1. PARA KINSA ANG COVERED COURT?
Ang atong covered court kay PUBLIKO NGA PASILIDAD. Pundo sa gobyerno ug buhis sa katawhan ang gigamit pagtukod ani. Pasabot iya ni sa TANANG lumulupyo sa Barangay Samay. Dili ni iya sa usa ka tawo o usa ka grupo.
2. UNSA ATONG KATUNGOD ANI?
Sumala sa balaod ug sa prinsipyo sa transparency: Bisan unsang lehitimo nga aktibidad para sa kaayohan sa katawhan - sama sa ayuda distribution, medical mission, seminar, sports - pwede ug angay gamiton ang covered court. Kay accessible ni, sentro ni, ug para man jud ni sa tanan.
3. UNSA ANG HUSTONG PRESESO SA AYUDA UG PROGRAMA?
Ang tanang ayuda gikan sa DA, DSWD, ug uban pang ahensya nga para sa katawhan, angay nga i-coordinate sa kasamtangang administrasyon sa barangay.
NGANO?
Kay sila ang naasign sa balaod karon nga magdumala, mag-lista, ug magsiguro nga patas, hapsay, ug walay libog ang paghatag. Ang katawhan angay mahibalo daan: asa, kanus-a, kinsa ang benepisyaryo.
4. NGANONG IMPORTANTE NGA ATONG MASABTAN NI?
Kung ang ayuda i-release sa private nga lugar imbis sa publiko nga pasilidad, ug kung wala ma-coordinate sa barangay, ang katawhan ang maglibog ug magpangutana.
“Para kinsa diay ni?”
“Nganong didto man?”
Ang resulta: kawalay kasaligan.
5. UNSA ATONG BARUGANAN ISIP KATAWHAN?
MODAWAT TA KUNG NAAY IHATAG - Kay grasya na ug dako na kaayo na nga tabang. Salamat sa tanang ahensya nga nagpadala ug tabang para sa atoa.
PERO DILI NATO LIMTAN ANG ATONG KATUNGOD - Ang katungod sa transparency, sa husto nga proseso, ug sa paggamit sa publiko nga pasilidad. Dili ta magpabilin nga wala lang kahibalo. Ang kahibalo kay gahum na sa katawhan.
ANG PUNTO NIINI:
Dili ta mag-away. Dili ta mangita ug kaaway. Gusto lang nato nga ang tanan insakto, maayo, ug patas para sa tanan. Kay ang lig-on nga barangay magsugod sa transparent nga pagdumala ug sa namukaw nga katawhan.
Magtinabangay ta Barangay Samay! Para sa kaayohan sa tanan!
