Municipality of Balayan

07/05/2026

Ika-33 na Regular Session ng Sangguniang Bayan.

#𝗕𝗔𝗚𝗢𝗡𝗚𝗕𝗔𝗟𝗔𝗬𝗔𝗡 ♥️🫰💙

📈

06/05/2026

𝗣𝗮𝗴𝗯𝗮𝘁𝗶 𝘀𝗮 𝗺𝗴𝗮 𝗯𝗮𝗴𝗼𝗻𝗴 𝗽𝗿𝗼𝗽𝗲𝘀𝘆𝗼𝗻𝗮𝗹 𝗻𝗴 𝗯𝗮𝘆𝗮𝗻! 🎉👏

Taos-pusong pagbati mula sa Lokal na Pamahalaan ng Balayan, sa pangunguna ni Mayor Lisa Ermita-Abad, sa ating dalawang kababayang nagtagumpay sa kani-kanilang licensure examinations

Nawa po ay maging daan ang inyong lisensya upang lalo kayong makapaglingkod at makatulong sa ating mga kababayan. 💙

#𝗕𝗔𝗚𝗢𝗡𝗚𝗕𝗔𝗟𝗔𝗬𝗔𝗡 ♥️🫰💙

📈

06/05/2026

Taos-pusong pagbati mula sa Lokal na Pamahalaan ng Balayan, sa pangunguna ni Mayor Lisa Ermita-Abad, kay 𝐆. 𝐑𝐮𝐞𝐥𝐢𝐭𝐨 𝐃. 𝐋𝐨𝐩𝐞𝐳, 𝐀𝐜𝐭𝐢𝐧𝐠 𝐌𝐮𝐧𝐢𝐜𝐢𝐩𝐚𝐥 𝐓𝐨𝐮𝐫𝐢𝐬𝐦 𝐚𝐧𝐝 𝐂𝐮𝐥𝐭𝐮𝐫𝐚𝐥 𝐀𝐟𝐟𝐚𝐢𝐫𝐬 𝐎𝐟𝐟𝐢𝐜𝐞𝐫 sa pagkilala sa kanya bilang 𝐓𝐨𝐩 𝐏𝐞𝐫𝐟𝐨𝐫𝐦𝐢𝐧𝐠 𝐓𝐨𝐮𝐫𝐢𝐬𝐦 𝐎𝐟𝐟𝐢𝐜𝐞𝐫 na kaugnay ng Holy Week Reporting Compliance na iginawad ng Batangas Tourism and Cultural Affairs noong ika-27 ng Abril na ginanap na Batangas Provincial Dream Zone.

Ang parangal na ito ay bunga ng inyong sipag, tiyaga, at maayos na pagtupad sa tungkulin. Ipinapakita nito ang inyong malasakit sa paglilingkod at ang hangaring mapabuti ang turismo sa ating bayan.

Kami ay lubos na nagagalak at ipinagmamalaki ang inyong tagumpay. Nawa’y magsilbi itong inspirasyon upang ipagpatuloy ang inyong mabuting gawain para sa Balayan at sa ating mga kababayan.

Muli, aming ipinagmamalaki ang inyong tagumpay. Mabuhay ang Turismo at ang Bayan ng Balayan!

05/05/2026

02/05/2026

Malugod at taos-pusong pagbati mula sa Lokal na Pamahalaan ng Balayan sa pangunguna ni Mayor Lisa Ermita-Abad sa iyong kaarawan,𝐕𝐢𝐜𝐞 𝐌𝐚𝐲𝐨𝐫 𝐀𝐭𝐭𝐲. 𝐄𝐟𝐫𝐞𝐧 𝐑. 𝐂𝐡𝐚𝐯𝐞𝐳.

Sa espesyal na araw na ito, taos-puso naming hinihiling na mapuno ang iyong puso ng tunay na kaligayahan, kapayapaan, at pag-ibig mula sa iyong pamilya at mga mahal sa buhay.

Nawa’y ang bawat sandali ng iyong kaarawan ay maging masaya, makulay, at puno ng mga alaala na magdudulot ng ngiti at ligaya.

Muli, Maligayang Kaarawan, Vice Mayor!

#𝗕𝗔𝗚𝗢𝗡𝗚𝗕𝗔𝗟𝗔𝗬𝗔𝗡 ♥️🫰💙

📈

01/05/2026

Malugod na ipinapaabot ng Lokal na Pamahalaan ng Balayan, sa pangunguna ni Mayor Lisa Ermita-Abad, ang taos-pusong pagbati sa lahat ng manggagawang Pilipino sa pagdiriwang ng 𝐋𝐚𝐛𝐨𝐫 𝐃𝐚𝐲.

Sa araw na ito, ating kinikilala ang lakas at dedikasyon ng bawat manggagawa na patuloy na nagsusumikap at nagsisilbing pundasyon ng ating pag-unlad bilang isang bayan. Sa bawat larangang inyong ginagalawan, maging sa agrikultura, industriya, serbisyo, at iba pa, inyong ipinapakita ang kahalagahan ng sipag, husay, at malasakit sa kapwa.

Patuloy na pinahahalagahan ng Pamahalaang Bayan ang inyong mahalagang papel sa paghubog ng isang matatag at maunlad na komunidad. Kaisa ninyo kami sa pagsusulong ng mga programang naglalayong mapangalagaan ang inyong karapatan, mapabuti ang kalagayan sa paggawa, at mabigyan kayo ng mas maraming oportunidad tungo sa mas maayos na kinabukasan.

Nawa’y magsilbing inspirasyon ang araw na ito upang lalo pang paigtingin ang diwa ng pagkakaisa at pagtutulungan para sa kapakanan ng bawat Balayeño.

Mabuhay ang manggagawang Balayeño! Mabuhay ang manggagawang Pilipino!

#𝗕𝗔𝗚𝗢𝗡𝗚𝗕𝗔𝗟𝗔𝗬𝗔𝗡 ♥️🫰💙

📈

30/04/2026

Ika-32 na Regular Session ng Sangguniang Bayan.

#𝗕𝗔𝗚𝗢𝗡𝗚𝗕𝗔𝗟𝗔𝗬𝗔𝗡 ♥️🫰💙

📈

30/04/2026

𝐓𝐈𝐍𝐆𝐍𝐀𝐍 𝐀𝐓 𝐁𝐀𝐒𝐀𝐇𝐈𝐍: Nagsagawa ng komprehensibong damage assessment ang Lokal na Pamahalaan ng Balayan sa isang Locally Managed Marine Protected Area na matatagpuan sa Barangay Carenahan kahapon araw Miyerkules, ika-29 ng Abril. Layunin ng nasabing aktibidad na matukoy ang lawak ng pinsalang idinulot ng sumadsad na dayuhang barko noong nakaraang taon, na dulot ng Bagyong Uwan.

Isinagawa ang masusing pagsusuri sa ilalim ng karagatan sa pamamagitan ng aktuwal na pagsisid ng mga diver mula sa CENRO Calaca, DENR Region IV-A CALABARZON, at mga Bantay-Dagat. Sa pamamagitan nito, tinukoy ang kalagayan ng coral reefs at iba pang yamang-dagat na posibleng naapektuhan ng insidente.

Pinangunahan ang aktibidad sa inisyatiba ni Mayor Lisa Ermita-Abad, katuwang ang Municipal Environment and Natural Resources Office (MENRO), Municipal Agriculture Office – Fishery Section, DENR Region IV-A CALABARZON, CENRO Calaca, Balayan Coast Guard, MDRRMO, at mga Bantay-Dagat. Kasama din sa mga nakiisa at sumuporta sa naturang aktibidad sina Acting Municipal Administrator Annabel Delos Reyes, Committee Chairman on Environment and Natural Resources, Coun. Mikhail Wins Castelo, at ilang department heads. Ipinapakita ng naturang koordinasyon ang sama-samang pagsisikap ng iba’t ibang ahensya upang mapangalagaan ang kapaligiran at masiguro ang kaligtasan ng komunidad.

Ayon kay Mayor Lisa, mahalagang matukoy ang lawak ng pinsala upang maisagawa ang angkop at napapanahong rehabilitasyon ng coral reefs at iba pang yamang-dagat. Dagdag pa niya, kabilang din sa prayoridad ng lokal na pamahalaan ang pag-aalis ng naturang barko upang higit na matiyak ang kaligtasan ng mga residente, lalo na sa panahon ng bagyo.

Pagtitiyak pa ng alkalde, patuloy ang pakikipagtulungan ng LGU sa mga kinauukulang ahensya upang mapanatili ang kalusugan ng karagatan at maprotektahan ang kapakanan ng mga mamamayan.

#𝗕𝗔𝗚𝗢𝗡𝗚𝗕𝗔𝗟𝗔𝗬𝗔𝗡 ♥️🫰💙

📈

29/04/2026