29/04/2026
๐ฒ๐จ๐ฉ๐จ๐ป๐จ๐จ๐ต, ๐ป๐ผ๐ป๐ผ๐ณ๐จ๐ต ๐จ๐ต๐ฎ ๐ฎ๐๐ฌ๐น๐จ๐ต๐ฎ ๐จ๐ฎ๐น๐ฌ๐บ๐๐ถ๐ต ๐ต๐ฎ ๐ผ๐บ!
Sa kasalukuyang yugto ng mundo, ang imperyalismo ay nasa bingit ng patuloy na pagbagsak nito. Dulot nito ang patuloy na paggamit ng Imperyalistang US sa mga huwad na digma gaya ng pakikipagsabwatan nito sa Zionistang Israel sa pagtatangka na isalba ang kaniyang sarili. Ang malubhang ganid at walang tigil na pambobomba ng Imperyalistang US, kasama ang Zionistang Israel, ay nagdadala ng walang iba kundi krisis na nagdulot ng pagtaas ng presyo ng langis at nagpapahirap sa mamamayan.
Noong Pebrero 28, 2026, pinaulanan ng US-Israel ng mga bomba ang Iran sa katwiran na pagkakaroon daw nito ng mga โweapons of mass-destructionโ. Kinakatawan ng atakeng ito ang pinakamalalang paglubha ng gera sa Kanlurang Asya. Ito ay isa lamang sa maraming kalkuladong galaw ng Imperyalistang US upang siguraduhin ang โeconomic supremacyโ ng US, kontrolin ang industriya ng langis sa Kanlurang Asya, at ipagpatuloy ang kanilang hawak sa mga atrasadong bayan.
Dulot ng lumalalang agresyon at pagbabanta sa ibaโt ibang panig sa daigdig partikular na sa West Asia, lalong nilalagay sa kapahamakan at kahirapan ang sangkatauhan. Nagdulot ito ng pag-antala ng suplay ng langis sa merkado na nagdulot naman ng malakihang pagtaas ng presyo ng petrolyo na higit pang nagpahirap sa kalagayan ng mga mamamayan sa maraming bansa. Sa paglala ng digmaan, lalong sumisirit ang presyo ng langis at iba pang batayang pangangailangan ng masa. Ang masang anakpawis ay patuloy na humaharap sa gutom, kahirapan, at kawalan ng seguridad sa kabuhayan, habang ang mga naghaharing uri ay patuloy na nagpapakasasa sa tubo at kapangyarihan.
Bukod pa dito, direkta rin na pinapahamak ng dayuhang US ang ating bayan dulot ng mga base-militar sa ating lupain, gawa ng pagsasatupad ng VFA-EDCA at Mutual Defense Treaty. Sa ilalim naman ng administrasyon ni Marcos Jr., lalong binuksan ang ating bansa para sa mga gawaing militar ng US. Kabilang dito ang pagtatatag ng 4 na bagong EDCA sites, Balikatan Exercises sa pagitan ng berdugong AFP at US military, mga weapons systems ng US sa Pilipinas, at US military task forces na nagpapalakad sa militar ng Pilipinas. Ang layunin ng Imperyalistang US sa mga kasunduan na ito ay gawing dako ang Pillipinas para sa mga giyerang agresyon nito tungo sa mga karatig bayan sa Asya, at sa mas malubha ay maging pook-digmaan mismo ang ating lupain. Ang mga base militar at pasilidad pandigma ng US na nasa lupain ng Pilipinas ay maaaring maging puntirya ng Iran, isang direktang panganib sa mga komunidad na malapit dito at sa mamamayang Pilipino.
Sa gitna ng lumalawak na kapangyarihan ng US sa Pilipinas at sa buong mundo, hindi na maaaring palampasin ang ganitong paglabag sa soberanya ng mga bansa at sa karapatan ng mamamayan. Nagsisilbi itong hamon sa ating mga kabataan na ma-organisa at mag-organisa bilang malawakang hanay ng sambayanan na naninindigan laban sa imperyalistang digmaan at pananakop. Isa rin itong tawag sa atin na makiisa sa pakikibaka ng bawat batayang sektor na lumalaban sa ganid at mapagsamantalang Imperyalistang US. Sumama sa mga pagkilos at pabagsakin ang Imperyalistang-US kasama na ang teroristang Israel na walang habas na pumapatay sa libo-libo at nagpapahirap sa masa.
Wakasan ang giyera ng U.S sa buong daigdig! Imperyalismo, Ibagsak!
SUMAMA SA MAYO UNO!
๐
MAY 1, 2026
โฐ 8:00 AM
๐ BAGUIO CONVENTION CENTER
