29/08/2026
Walang lugar ang bullying sa ating lugar, sa Pinget at saanman sa Baguio City.
Bilang isang magulang, napakasakit at kailanman ay hindi katanggap-tanggap ang nangyaring ito. Walang sinumang ama o ina ang papayag na makitang nasasaktan, natatakot, o natra-trauma ang kanilang anak. Ang bawat kabataan ay may karapatang mag-aral at lumaki sa isang ligtas, may respeto, at mapagkalingang kapaligiran.
Mas nakakadismaya pa na ilan sa mga nasasangkot ay ating mga atleta; mga kabataang dapat ay ehemplo ng disiplina at magandang asal. May mas mabigat na responsibilidad ang isang atleta sa lipunan. Ang lakas at kasanayang natututunan sa palakasan ay dapat ginagamit upang magbigay ng inspirasyon at protektahan ang kapwa, hindi para manakit o mang-abuso. Being an athlete is a privilege, and it comes with the duty to uphold sportsmanship both inside and outside the arena.
Hindi natin pwedeng i-tolerate o balewalain ang anumang anyo ng pang-aabuso ito man ay physical, verbal, o online man ito. Panawagan natin ang agarang aksyon at patas na imbestigasyon para sa hustisya ng biktima. Pinaaalala rin natin sa investigating body na hindi lamang ito tungkol sa pagpaparusa; mahalagang mahanap at maunawaan din ang ugat ng problema upang maibigay ang tamang gabay at intervention sa lahat ng involved. Isa ako sa patuloy na tututok at babantay sa usaping ito.
Ito ang panahon para magkaisa ang ating mga paaralan, coaches, magulang, lokal na pamahalaan, at buong Siyudad. Ang pananahimik ay pagkonsinte; kayaโt patuloy nating ipahayag na ang bullying ay kailanman hindi magiging tama. Kung may nakikita tayong mali, magsalita tayo at protektahan ang isa't isa. Stop the violence. End bullying now.
