Caloocan City Nutrition Committee

14/09/2026

𝗦𝗜𝗠𝗨𝗟𝗧𝗔𝗡𝗘𝗢𝗨𝗦 𝗕𝗥𝗘𝗔𝗦𝗧𝗠𝗜𝗟𝗞 𝗟𝗘𝗧𝗧𝗜𝗡𝗚 𝗔𝗖𝗧𝗜𝗩𝗜𝗧𝗬

Bilang pakikiisa sa National Breastfeeding Awareness Month, nagsagawa ang City Health Department ng Simultaneous Breastmilk Letting Activity, na dinaluhan ng mga breastfeeding mothers at breastmilk donors mula sa iba’t ibang barangay ng ating lungsod.

Bago ang donation, sumailalim ang mga donors sa kinakailangang screening upang matiyak na sila ay kwalipikado at ligtas na makapag-donate ng kanilang breastmilk. Nagkaroon din ng maikling nutrition lecture on breastfeeding upang higit na mapalawak ang kaalaman at kamalayan ng mga kalahok tungkol sa kahalagahan ng pagpapasuso at pagbibigay ng breastmilk sa mga sanggol.

Sa isinagawang aktibidad, umabot sa 51,943 mL ang tinatayang dami ng breastmilk na nakolekta. Ang mga nakolektang breastmilk ay nakatalagang i-donate sa Caloocan City Medical Center at Dr. Jose Fabella Memorial Hospital and Human Milk Bank, kung saan ito ay makatutulong sa mga sanggol na nangangailangan ng breastmilk.

Taos-puso ang aming pasasalamat sa lahat ng ating breastfeeding mommies at breastmilk donors na bukal sa puso ang pagbabahagi ng kanilang breastmilk upang makatulong sa mga sanggol na nangangailangan. Ang inyong malasakit at pagiging handang tumulong ay tunay na kahanga-hanga. Saludo kami sa inyong lahat! 🫶🏻

Maraming salamat din sa ating mga Barangay Nutrition Committees na nagbigay ng kanilang buong suporta at naging katuwang sa matagumpay na pagsasagawa ng aktibidad.

Sama-sama nating palakasin ang kultura ng pagpapasuso at patuloy na suportahan ang bawat breastfeeding mother. 💜🤱🏻

11/09/2026

𝗡𝗨𝗧𝗥𝗜𝗧𝗜𝗢𝗡 𝗜𝗡 𝗘𝗠𝗘𝗥𝗚𝗘𝗡𝗖𝗜𝗘𝗦 𝗦𝗘𝗠𝗜𝗡𝗔𝗥

Matagumpay na naisagawa ang Nutrition in Emergencies (NiE) Seminar para sa mga Barangay Staff ng Barangay 12 at Barangay 35, na dinaluhan ng 23 participants sa Barangay 12 at 40 participants sa Barangay 35.

Tinalakay ang kahalagahan ng wastong nutrisyon, food safety, at tamang pagtugon sa nutritional needs ng mga vulnerable groups bago, habang, at pagkatapos ng mga emergency o kalamidad.

Naging makabuluhan ang seminar sa pamamagitan ng talakayan at interactive activities, na naglalayong ihanda ang mga barangay staff bilang katuwang sa nutrition response ng komunidad.

09/09/2026

𝗣𝗔𝗕𝗔𝗦𝗔 𝗦𝗔 𝗡𝗨𝗧𝗥𝗜𝗦𝗬𝗢𝗡: 𝟯𝗥𝗗 𝗕𝗔𝗧𝗖𝗛

Matagumpay na naisagawa ang 3rd Batch ng Pabasa sa Nutrisyon na pinangunahan ng mga Nutritionist-Dietitians at Barangay Nutrition Scholars ng Dagat-dagatan, Bagong Barrio, at Poblacion Cluster, katuwang ang mga Health Center Staff, noong August 25–27, 2026.

Dinaluhan ito ng mga Mothers/Caregivers with 0–23 Months Old Children at Mothers of Daycare Students. Tinalakay ang mahahalagang kaalaman tungkol sa wastong nutrisyon, First 1000 Days, breastfeeding, complementary feeding, at Pinggang Pinoy upang makatulong sa tamang paglaki at pag-unlad ng mga bata at pagpapanatili ng kalusugan ng buong pamilya.

Naging mas makabuluhan ang mga sesyon sa pamamagitan ng interactive games na nagbigay-daan sa mas masaya at aktibong pagkatuto. Hinihikayat ang mga kalahok na maisabuhay ang mga natutunang healthy practices para sa mas malusog na pamilya at komunidad.

09/09/2026

𝗡𝗨𝗧𝗥𝗜-𝗚𝗔𝗠𝗘 𝗜𝗦 𝗢𝗡 𝗧𝗛𝗘 𝗪𝗔𝗬: 𝗪𝗵𝗶𝗰𝗵 𝗢𝗻𝗲 𝗗𝗼𝗲𝘀𝗻❜𝘁 𝗕𝗲𝗹𝗼𝗻𝗴

Nutri-Friends, we heard you! Narito muli ang ating online game!! Every 2nd & 4th Wednesday of the month, Abangan 👀.

Oh, wait! Make sure na naka-follow ka para updated ka baka malay mo ikaw na ang manalo ng 100-peso load 🫣. See you!!!

04/09/2026

𝗜𝗡𝗙𝗔𝗡𝗧 𝗔𝗡𝗗 𝗬𝗢𝗨𝗡𝗚 𝗖𝗛𝗜𝗟𝗗 𝗙𝗘𝗘𝗗𝗜𝗡𝗚 (𝗜𝗬𝗖𝗙) 𝗦𝗘𝗠𝗜𝗡𝗔𝗥

Isinagawa ang Infant and Young Child Feeding (IYCF) Seminar sa Barangay 12, na nilahukan ng 16 Barangay Health Workers (BHWs) at Barangay Nutrition Scholars (BNS).

Layunin ng pagsasanay na mapalakas ang kanilang kaalaman sa tamang pagpapasuso at wastong pagpapakain sa mga sanggol at batang paslit. Ang mga nagsanay ay magsisilbi rin bilang Breastfeeding Support Group (BFSG) upang magbigay ng gabay at suporta sa mga breastfeeding mothers sa kanilang komunidad.

Sa pamamagitan nito, mas mapapalakas ang pagtataguyod ng exclusive breastfeeding sa unang anim na buwan, pagpapatuloy ng pagpapasuso, at angkop na complementary feeding.

02/09/2026

𝗔𝗻𝗴 𝗹𝗮𝗯𝗶𝘀 𝗻𝗮 𝘁𝗶𝗺𝗯𝗮𝗻𝗴 𝗮𝘆 𝗶𝘄𝗮𝘀𝗮𝗻, 𝘂𝗽𝗮𝗻𝗴 𝗺𝗮𝗴𝗮𝗻𝗱𝗮𝗻𝗴 𝗸𝗮𝗹𝘂𝘀𝘂𝗴𝗮𝗻 𝗮𝘆 𝗺𝗮𝗸𝗮𝗺𝘁𝗮𝗻❗️

Ang pagiging Overweight at Obese ay maaaring pagsimulan ng iba't ibang Lifestyle-Related Diseases. Alamin natin kung paano ito maiiwasan.

01/09/2026

𝗠𝗜𝗟𝗞 𝗟𝗘𝗧𝗧𝗜𝗡𝗚 𝗔𝗖𝗧𝗜𝗩𝗜𝗧𝗬 𝗔𝗡𝗗 𝗞𝗠𝗖 𝗚𝗥𝗔𝗗𝗨𝗔𝗧𝗜𝗢𝗡 𝗔𝗧 𝗖𝗔𝗟𝗢𝗢𝗖𝗔𝗡 𝗖𝗜𝗧𝗬 𝗠𝗘𝗗𝗜𝗖𝗔𝗟 𝗖𝗘𝗡𝗧𝗘𝗥

Sa pagdiriwang ng August Breastfeeding Month, matagumpay na isinagawa sa Caloocan City Medical Center (CCMC) ang Milk Letting Activity and KMC Graduation, isang programa na naglalayong itaguyod, suportahan, at ipagdiwang ang kahalagahan ng breastfeeding at breastmilk donation.

Tampok sa aktibidad ang Milk Letting bilang pagpapakita ng pagmamahal at malasakit ng ating mga lactating mothers sa mga sanggol na nangangailangan ng breastmilk. Kasabay nito ang paglulunsad ng Milk Bank sa CCMC, na magsisilbing mahalagang hakbang sa mas organisado at tuloy-tuloy na pangangalap, pag-iingat, at pagbibigay ng donated breastmilk sa mga nangangailangan.

Naging mas makabuluhan ang programa sa pamamagitan ng informative lectures, games, raffle, iba't ibang booths, giveaways, at tokens para sa ating mga lactating mothers at breastmilk donors bilang munting pasasalamat sa kanilang kabutihang-loob.

Sa bawat patak ng breastmilk, may buhay na napoprotektahan, at sa bawat donasyon, may pag-asang naibabahagi.

28/08/2026

28/08/2026

𝗣𝗔𝗕𝗔𝗦𝗔 𝗦𝗔 𝗡𝗨𝗧𝗥𝗜𝗦𝗬𝗢𝗡: 𝟮𝗻𝗱 𝗕𝗔𝗧𝗖𝗛

Isinagawa ang 2nd batch ng Pabasa sa Nutrisyon noong August 18-20, 2026 sa Bagumbong Cluster at Camarin Cluster na pinangunahan ng ma Nutritionist-Dietitians at Barangay Nutrition Scholars katuwang ang mga Health Center Staff.
Ang aktibidad na ito ay naglalayon na maipakalat ang tamang impormasyon patungkol sa kahalagahan ng nutrisyon sa bawat yugto ng buhay ng tao.

Kinabibilangan ng mga Mothers of Daycare students ang mga dumalo sa Bagumbong Cluster at mga Senior Citizens naman sa Camarin Cluster. Nagkaroon din ng mga interactive games kung saan ang mga dumalo ay masayang nakilahok at natuto.

26/08/2026

𝗡𝗨𝗧𝗥𝗜𝗧𝗜𝗢𝗡 𝗙𝗢𝗥 𝗟𝗔𝗖𝗧𝗔𝗧𝗜𝗡𝗚 𝗠𝗢𝗠𝗦
... At sa araw na 'to, pag usapan natin ang Nutrition for Lactating Moms.

This is MOOOOOOMS!

Minsan, sa dami ng ginagawa ni Mommy, nakakalimutan na nating i-check kung tama, sapat at nutritious pa ba ang ating kinakain. Pero tandaan, ang healthy na Mommy ay malaking bahagi ng healthy breastfeeding journey!