19/08/2026
PAALALA SA ATING MGA MAGSASAKA AT MANGINGISDA NG BAGAC
Mahalaga ang bawat ulat ng pinsala. Mahalaga ang tamang impormasyon upang makapaghatid ng tulong.
Sa tuwing may bagyo, baha, tagtuyot, sakit o iba pang kalamidad na nakaaapekto sa ating sakahan, irrigation facilities, agricultural machinery, livestock, poultry, at fisheries sector, hinihikayat po ang lahat ng ating mga magsasaka at mangingisda na maayos at kumpletong i-report ang mga naging pinsala sa Municipal Agriculture Office (MAO).
Ang tamang pag-fill out ng Damage Report ay hindi lamang simpleng dokumentasyon. Ito ang nagsisilbing mahalagang batayan upang:
✅ Matukoy at maitala ang lawak ng pinsala sa bawat barangay;
✅ Ma-consolidate ang kabuuang damage ng sektor ng agrikultura at pangisdaan ng Bagac;
✅ Mai-endorse ang validated reports sa Provincial Agriculture Office, DA, BFAR, NIA at iba pang concerned agencies;
✅ Maging batayan sa pag-request ng mga programa, proyekto, inputs, kagamitan, rehabilitation assistance at iba pang interventions; at
✅ Mapalakas ang ating mga dokumento at justification sa paghingi ng karagdagang suporta para sa ating mga apektadong farmers at fisherfolks.
Mahalaga ring maunawaan na limitado ang resources at pondo ng ating Lokal na Pamahalaan. Hindi lahat ng kinakailangang tulong ay maaaring direktang sagutin ng LGU. Dahil dito, kinakailangan nating magkaroon ng kumpleto, tama at napapanahong datos upang maipakita sa mga concerned agencies ang tunay na lawak ng pinsala at ma-tap ang mga programang maaari nilang ibigay.
❗ PARA MALINAW PO SA LAHAT:
Ang hindi agad pagkakaroon ng assistance ay hindi nangangahulugang walang ginagawa ang Municipal Agriculture Office.
Ang MAO ay patuloy na tumatanggap, nagdo-document, nagva-validate, nagko-consolidate at nag-eendorso ng mga damage reports, at nakikipag-ugnayan sa mga kinauukulang tanggapan upang makahanap ng mga posibleng intervention para sa ating mga kababayang naapektuhan ng kalamidad.
Gayunpaman, mas magiging matibay ang ating pag-request ng tulong kung ang bawat pinsala ay maayos na naiulat at may sapat na dokumentasyon.
Sa ating mga magsasaka at mangingisda: Makipag-ugnayan po sa inyong Barangay Agriculture/Fisheries Coordinators o direktang magtungo sa Municipal Agriculture Office upang maitala ang inyong mga pinsala.
Ang bawat report ay mahalaga.
Ang bawat datos ay may katumbas na pagkakataon para sa tulong.
At ang bawat dokumentadong pinsala ay hakbang tungo sa pagbangon.
Municipal Agriculture Office – Bagac, Bataan
Patuloy na nakikiisa at kumikilos para sa ating mga magsasaka at mangingisda.
