07/04/2026
❗❗❗PAHIBALO❗❗❗
Sa tanang mga konsumidor sa Tubod Water System:
Gusto namo ipahibalo ug ipasabot sa tanan ang kasamtangang kahimtang sa atong water system, ilabi na sa pagkadaot sa motor nga ato lang napalit sulod sa usa ka bulan.
Human sa among pakig-coordinate ug pagdala sa maong unit ngadto sa supplier, nasuta nga ang maong motor kinahanglan pa i-assess ug i-check sa manufacturer (ang kompanya nga naghimo sa produkto) aron ma-determine kung kini sakop sa warranty.
Sumala sa supplier, ang authorized personnel sa manufacturer moanhi lamang sa ilang opisina dinhi sa Pilipinas kada tulo (3) ka bulan. Ang ilang pinakaulahi nga pagbisita nahitabo niadtong Marso 19, ug ang sunod nilang pagbisita gilauman pa karong Hunyo (more or less).
Sa maong proseso, dili pa makahatag ug final action ang supplier (repair o replacement) gawas kung ma-inspect ug ma-validate sa manufacturer ang depekto sa unit. Kini usa ka standard nga proseso sa warranty claims aron masiguro nga sakto ug patas ang pag-aplikar sa warranty.
Bisan pa niini, gusto namo ipasabot nga padayon ang among paningkamot sa pagpangita ug pamaagi aron mapadali ang pag-ayo ug maibalik ang normal nga water distribution sa atong barangay.
Busa, kami nangayo sa inyong pagsabot, pasensya, ug kooperasyon niining panahona. Ang inyong suporta dako kaayo’g tabang aron malampasan nato kining sitwasyona.
Daghang salamat sa inyong pagsalig ug padayon nga suporta.
