What are the opening hours?

Monday 8am - 5pm Tuesday 8am - 5pm Wednesday 8am - 5pm Thursday 8am - 5pm Friday 8am - 5pm

Bacnotan, La Union

Home
Philippines
Bacnotan
Bacnotan, La Union

Welcome to the Official page of the Municipality of Bacnotan, La Union!
(6)

08/06/2026

𝗣𝗔𝗞𝗔𝗔𝗠𝗠𝗢 𝗞𝗔𝗜𝗟𝗜𝗔𝗡 | 𝗕𝗨𝗦𝗜𝗡𝗘𝗦𝗦 𝗙𝗢𝗥𝗨𝗠 𝗙𝗢𝗥 𝗠𝗦𝗠𝗘𝘀 𝗜𝗡 𝗕𝗔𝗖𝗡𝗢𝗧𝗔𝗡

Kailian, magsasagawa ang lokal na pamahalaan ng Bacnotan ng Business Forum on Building a Digital Business Environment for MSMEs in Bacnotan sa darating na Huwebes, Hunyo 11, na gaganapin sa Function Hall, 3rd Floor, Bacnotan Farmer’s Market.

Para sa mga gustong makiisa, makipag-ugnayan lamang sa ating Business Permit and Licensing Office (BPLO).

Kita-kita po tayo, mga sari-sari store owners, entrepreneurs, at MSMEs, at sabay-sabay nating palaguhin pa ang ating negosyo.

08/06/2026

𝗕𝗔𝗖𝗡𝗢𝗧𝗔𝗡, 𝗦𝗨𝗠𝗔𝗦𝗔𝗜𝗟𝗔𝗟𝗜𝗠 𝗦𝗔 𝗡𝗔𝗧𝗜𝗢𝗡𝗔𝗟 𝗡𝗨𝗧𝗥𝗜𝗧𝗜𝗢𝗡 𝗘𝗩𝗔𝗟𝗨𝗔𝗧𝗜𝗢𝗡; 𝗧𝗔𝗡𝗚𝗜𝗡𝗚 𝗞𝗜𝗡𝗔𝗧𝗔𝗪𝗔𝗡 𝗡𝗚 𝗜𝗟𝗢𝗖𝗢𝗦 𝗥𝗘𝗚𝗜𝗢𝗡 𝟭 𝗦𝗔 𝗣𝗥𝗢𝗚𝗥𝗔𝗠𝗔

TINGNAN: Opisyal nang sinimulan ngayong Hunyo 8 ang tatlong araw na National Nutrition Evaluation o Monitoring and Evaluation of Local Level Plan Implementation Protocol (MELLPI Pro) na idinaos sa Bacnotan Farmers' Market.

Bago ang puspusang pagbeberipika ng mga dokumento ng bayan, iprenesinta ni Mayor Divine Fontanilla ang buod ng mga programa ng bayan.

Binigyang-diin nito ang pagkakaisa ng bawat sektor ng lipunan upang patuloy na maiangat ang kalidad ng kalusugan at nutrisyon sa bayan.

Pinangungunahan ito ng Municipal Nutrition Action Office sa pamumuno ni Municipal Nutrition Officer John Philip Gabriel.

Mahalagang yugto ito para sa bayan ng Bacnotan sapagkat ito lamang ang nag-iisang lokal na pamahalaan mula sa buong Rehiyon 1 na nakapasok sa pambansang antas ng ebalwasyon ngayong taon.

Bunga ito ng patuloy na pagkilala sa mga programa at inisyatiba ng bayan sa larangan ng nutrisyon at pampublikong kalusugan kaagapay ang Municipal Nutrition Committee, 47 barangays at civil society orgranizations.

Bitbit ng Bacnotan ang tatlong taong sunod-sunod na pagkamit ng Green Banner Seal of Compliance Award at ang prestihiyosong Consistent Regional Outstanding Winner in Nutrition (CROWN) Award.

Patunay ang programang ito sa pagsusulong ng lokal na pamahalaan, sa pangunguna nina Mayor Divine Fontanilla at Vice Mayor Francis Fontanilla, katuwang ang iba't ibang sektor sa pagsusulong ng mas malusog at mas matatag na komunidad para sa bawat Bacnotanean.

08/06/2026

𝗡𝗨𝗧𝗥𝗜𝗧𝗜𝗢𝗡 𝗜𝗡𝗧𝗘𝗥𝗡𝗦 𝗡𝗚 𝗟𝗬𝗖𝗘𝗨𝗠, 𝗡𝗔𝗚𝗗𝗔𝗢𝗦 𝗡𝗚 𝗖𝗢𝗨𝗥𝗧𝗘𝗦𝗬 𝗘𝗫𝗜𝗧 𝗦𝗔 𝗧𝗔𝗡𝗚𝗚𝗔𝗣𝗔𝗡 𝗡𝗜 𝗠𝗔𝗬𝗢𝗥 𝗗𝗜𝗩𝗜𝗡𝗘

TINGNAN: Nagdaos ng exit call ang Nutrition and Dietetics interns mula Lyceum Northwestern University-Dagupan City sa tanggapan ni Mayor Divine Fontanilla ngayong araw, Hunyo 8.

Ibinahagi ng mga mag-aaral sa alkalde ang kanilang final narrative report ng kanilang pananatili sa bayan sa ilalim ng Municipal Nutrition Action Office (MNAO).

Kinuha na rin ng mga intern ang pagkakataon na magpatasa ng lapis kay Mayor Divine simbolo ng pagbabasbas sa kanilang nalalapit na licensure exam.

Ipinapaabot naman ng lokal na pamahalaan, sa pangunguna nina Mayor Divine Fontanilla at Vice Mayor Francis Fontanilla ang pasasalamat sa kanilang serbisyo para sa Bayan ng Bacnotan.

08/06/2026

𝗧𝗔𝗧𝗟𝗢𝗡𝗚 𝗦𝗞 𝗡𝗔𝗧𝗜𝗢𝗡𝗔𝗟 𝗙𝗜𝗡𝗔𝗟𝗜𝗦𝗧𝗦 𝗡𝗚 𝗧𝗘𝗡 𝗢𝗨𝗧𝗦𝗧𝗔𝗡𝗗𝗜𝗡𝗚 𝗨𝗡 𝗦𝗗𝗚 𝗔𝗪𝗔𝗥𝗗𝗦, 𝗕𝗨𝗠𝗜𝗦𝗜𝗧𝗔 𝗞𝗔𝗬 𝗠𝗔𝗬𝗢𝗥 𝗗𝗜𝗩𝗜𝗡𝗘

TINGNAN: Bumisita sa tanggapan ni Mayor Divine Fontanilla sina Sangguniang Kabataan Chairpersons Hon. Kian Doculan ng Sta. Rita, Hon. Pedro Cariaso, Jr. ng Casiaman, at Hon. Lawrece Paulene Delmendo ng Zaragoza kasama si Bacnotan Youth Development Officer (BYDO) Marc Jandel Buccat ngayong araw, Hunyo 8, upang ipaalam ang pagkakabilang nila sa mga national finalist ng isang paggawad.

Layunin ng kanilang courtesy call na ipabatid kay Mayor Divine ang kanilang pagkakapili bilang mga finalist sa Ten Outstanding UN SDG Awards, isang prestihiyosong pagkilala para sa mga indibidwal at organisasyong ng kabataan na nagsusulong ng Sustainable Development Goals.

Nakatakda namang maganap ang pagkilala sa Puerto Princesa City, Palawan sa Hunyo 24-28.

Patunay ang naturang tagumpay sa aktibong partisipasyon ng kabataan ng Bacnotan sa pagpapatupad ng mga programang nakatuon sa pagpapaunlad ng komunidad at pagsusulong ng positibong pagbabago.

Ipinahayag naman ng lokal na pamahalaan, sa pangunguna nina Mayor Divine Fontanilla at Vice Mayor Francis Fontanilla ang pagbati at suporta sa mga lider-kabataan na patuloy na nagbibigay ng inspirasyon at karangalan sa bayan sa pamamagitan ng kanilang dedikasyon sa paglilingkod.

08/06/2026

𝗕𝗔𝗚𝗢𝗡𝗚 𝗘𝗫𝗘𝗖𝗨𝗧𝗜𝗩𝗘 𝗗𝗜𝗥𝗘𝗖𝗧𝗢𝗥 𝗡𝗚 𝗗𝗠𝗠𝗠𝗦𝗨-𝗡𝗔𝗥𝗧𝗗𝗜, 𝗡𝗔𝗞𝗜𝗣𝗔𝗚𝗣𝗨𝗟𝗢𝗡𝗚 𝗞𝗔𝗬 𝗠𝗔𝗬𝗢𝗥 𝗗𝗜𝗩𝗜𝗡𝗘

TINGNAN: Bilang pagpapatibay ng koordinasyon at pagtutulungan, nagsagawa ng courtesy call ang mga kinatawan ng National Apiculture Research, Training and Development Institute (NARTDI) ng Don Mariano Marcos Memorial State University (DMMMSU) sa tanggapan ni Mayor Divine Fontanilla ngayong araw, Hunyo 8.

Ipinakilala kay Mayor Divine ang pinakabagong Executive Director ng naturang institusyon na si Dr. Venelyn Bersamira.

Pangunahing paksa sa pagpupulong ang panukalang muling buhayin at higit pang paunlarin ang Honey Bee Center sa Bacnotan, isang proyektong nakatuon sa pagpapalawak ng industriya ng pag-aalaga ng pukyutan sa bayan.

Katuwang ng NARTDI ang Provincial Government of La Union (PGLU) sa pagsusulong ng naturang inisyatiba na inaasahang magbubukas ng mas maraming oportunidad para sa pananaliksik, pagsasanay, at kabuhayan ng mga mamamayan.

Patuloy na nakikipagtulungan ang lokal na pamahalaan, sa pangunguna nina Mayor Divine at Vice Mayor Francis Fontanilla, sa iba’t ibang institusyon at ahensya upang maisakatuparan ang mga programang makatutulong sa pag-unlad ng agrikultura at pagpapaigting ng honey industry sa Bacnotan.

08/06/2026

𝗗𝗔𝗟𝗔𝗪𝗔𝗡𝗚 𝗖𝗜𝗩𝗜𝗟 𝗪𝗘𝗗𝗗𝗜𝗡𝗚, 𝗣𝗜𝗡𝗔𝗡𝗚𝗨𝗡𝗔𝗛𝗔𝗡 𝗡𝗜 𝗠𝗔𝗬𝗢𝗥 𝗗𝗜𝗩𝗜𝗡𝗘

TINGNAN: Dalawang magkasunod na civil wedding ceremony ang isinagawa ni Mayor Divine Fontanilla sa kaniyang tanggapan ngayong araw, Hunyo 8.

Ipinaabot naman ni Mayor Divine Fontanilla ang kaniyang pagbati sa mg napag-isang dibdib na magkasintahan.

Kabilang sa mga ikinasal sina Jeremy Biado at Leslie Ferrer ng Barangay Ballogo, gayundin sina Alan Bambao ng Barangay Mabanengbeng 2nd at Rowena Bucsit ng Barangay Quirino.

Sa harap ng kanilang mga mahal sa buhay, opisyal na pinagtibay ng mga bagong kasal ang kanilang pagsasama sa pamamagitan ng isang makabuluhang seremonya.

Patuloy ang lokal na pamahalaan sa pangunguna nina Mayor Divine at Vice Mayor Francis Fontanilla, sa pagbibigay espasyo sa pagbuo nang maayos at nagmamahalang mga pamilya.

07/06/2026

𝗕𝗔𝗟𝗜𝗞-𝗘𝗦𝗞𝗪𝗘𝗟𝗔 𝗡𝗔, 𝗞𝗔𝗜𝗟𝗜𝗔𝗡!

Move on na... sa bakasyon, at balik-loob sa edukasyon, BEEloved students. 📚✍️

Sa pagsisimula ng taong panuruan 2026-2027, hangad ng lokal na pamahalaan ng Bacnotan, sa pangunguna nina Mayor Divine Fontanilla at Vice Mayor Francis Fontanilla, ang taong puno ng pagkatuto. 🧡

07/06/2026

𝗟𝗚𝗨 𝗕𝗔𝗖𝗡𝗢𝗧𝗔𝗡, 𝗡𝗔𝗞𝗜𝗜𝗦𝗔 𝗦𝗔 𝗕𝗥𝗜𝗚𝗔𝗗𝗔 𝗘𝗦𝗞𝗪𝗘𝗟𝗔; 𝗦𝗜𝗡𝗜𝗚𝗨𝗥𝗢 𝗔𝗡𝗚 𝗞𝗔𝗛𝗔𝗡𝗗𝗔𝗔𝗡 𝗡𝗚 𝗕𝗔𝗬𝗔𝗡 𝗦𝗔 𝗕𝗔𝗟𝗜𝗞-𝗘𝗦𝗞𝗪𝗘𝗟𝗔

TINGNAN: Bilang paghahanda sa balik-eskwela bukas, Hunyo 8, nakiisa ang lokal na pamahalaan ng Bacnotan sa pagdaraos ng Brigada Eskwela 2026 sa lahat ng pampublikong paaralan sa bayan ng Bacnotan simula Hunyo 1 hanggang Hunyo 5.

Bawat araw, nagtutungo ang mga kawani ng lokal na pamahalaan sa mga naitalagang paaralan upang tumulong sa paglilinis at pagsasaayos ng mga paaralan.

Lumibot din sina Mayor Divine Fontanilla at Vice Mayor Francis Fontanilla upang matiyak ang kahandaan ng mga paaralan at maitala kasama ang Municipal Health Office ang mga kinakailangan para matiyak ang kaligatasan at Municipal Engineering Office sa mga kinakailangan pang mga pasilidad at mga maaaring makumpuning estruktura.

Makikita rin sa isinagawang Brigada Eskwela ang suporta ng paaralan, barangay, pribadong sektor at mga indibidwal para matiyak ang kahandaan sa pasukan.

Sa pagbubukas ng bagong taong-panuruan, patuloy na ipinapaabot ng lokal na pamahalaan, sa pangunguna nina Mayor Divine at Vice Mayor Francis Fontanilla, ang suporta upang mapatatag ang sektor ng edukasyon sa Bacnotan.

07/06/2026

𝗕𝗔𝗚𝗢𝗡𝗚 𝗧𝗔𝗟𝗔𝗚𝗔𝗡𝗚 𝗣𝗨𝗡𝗢𝗡𝗚-𝗚𝗨𝗥𝗢 𝗡𝗚 𝟭𝟭 𝗣𝗔𝗔𝗥𝗔𝗔𝗟𝗔𝗡 𝗡𝗚 𝗕𝗔𝗖𝗡𝗢𝗧𝗔𝗡, 𝗣𝗢𝗥𝗠𝗔𝗟 𝗡𝗔𝗡𝗚 𝗜𝗡𝗜𝗟𝗨𝗞𝗟𝗢𝗞 𝗦𝗔 𝗜𝗗𝗜𝗡𝗔𝗢𝗦 𝗡𝗔 𝗠𝗔𝗦𝗦 𝗜𝗡𝗦𝗧𝗔𝗟𝗟𝗔𝗧𝗜𝗢𝗡

TINGNAN: Matagumpay na idinaos ang Bacnotan District Mass Installation of New School Heads na idinaos sa Bacnotan Conference Center upang opisyal na italaga ang labing-isang (11) punong-g**o ng mga pampublikong paaralan sa Bacnotan, Hunyo 4.

Nakiisa sa programa si Mayor Divine Fontanilla at ang kinatawan ng Department of Eduction- La Union Schools Division Office na si Curriculum Implementation Division Chief Dr. German Flora.

Sa mensahe ni Mayor Divine, binigyang-diin nito ang napakahalagang papel na ginagampanan ng mga school principal sa paghubog ng kinabukasan ng kabataan

Dagdag pa ng alkade, maaaring bago ang mga ito sa kanilang mga itinalagang paaralan, ngunit hindi na bago ang kanilang ipinamamalas na pagmamahal at pagkalinga para sa mga mag-aaral.

Kasabay nito, sinaluduhan at pinasalamatan din ng alkalde ang dedikasyon ng mga punong-g**o kasabay ng pagbibigay-pansin sa puspusang paghahanda ng mga g**o para sa pormal na pagbubukas ng klase at nalalapit na pasukan ngayong Hunyo 8.

Pinakabago sa school heads ng Bacnotan si Mr. Chris Noveloso na mangunguna sa Arosip Elementary School, habang ang sampu pang principals ay na-reshuffle sa iba't ibang paaralan ng Bacnotan.

Mangunguna si Dr. Yazmin Rose Agustin sa Bacnotan Central School, Dr. Ludivina B. Almodovar sa Baroro Elementary School, Ms. Yolanda Marquez sa Guinabang Elementary School, Ms. Glenda Bernardo sa Mabanengbeng Elementary School, Ms. Vilma Di**le sa Nangalisan Elementary School, Mr. Jeriel Cardinez sa Ortega Elementary School, Dr. Marcial Gaona sa Salincob Elementary School, Dr. Ma. Cherry Barrairo sa Quirino Integrated School, Mr. Rommel Berganio sa Zaragosa Integrated School, at Dr. Cristeta Badua sa Bacnotan National High School.

Mananatili naman ang mga kasalukuyang punong-g**o ng iba pang mga paaralan.

Patuloy naman ang suporta ng lokal na pamahalaan, sa pangunguna nina Mayor Divine at Vice Mayor Francis Fontanilla sa mga paaralan at pagbubukas ng taong-panuruan 2026-2027.

07/06/2026

𝗠𝗨𝗡𝗜𝗖𝗜𝗣𝗔𝗟 𝗗𝗘𝗩𝗘𝗟𝗢𝗣𝗠𝗘𝗡𝗧 𝗖𝗢𝗨𝗡𝗖𝗜𝗟 𝗠𝗘𝗘𝗧𝗜𝗡𝗚, 𝗜𝗦𝗜𝗡𝗔𝗚𝗔𝗪𝗔; 𝗔𝗜𝗣 𝟮𝟬𝟮𝟳, 𝗧𝗜𝗡𝗔𝗟𝗔𝗞𝗔𝗬

TINGNAN: Idinaos ang Municipal Development Council Meeting sa Bacnotan Farmer’s Market kasama ang 47 barangays, civil society organizations, Bacnotan People's Council, at ilang mga bisita mula sa iba't ibang sektor at ahensya, Hunyo 4.

Pinangunahan ni Mayor Divine Fontanilla bilang presiding officer ang pagpupulong kung saan pinagtibay nito ang ugnayan ng lokal na pamahalaan at ang bawat sektor ng Bacnotan.

Sa naturang pagpupulong, tinalakay ang mga kasalukuyan at planong development projects sa Bacnotan na naglalayong higit pang mapaunlad ang serbisyo para sa bawat mamamayan

Pinagtuunan din sa pagtitipon ang presentasyon ng Calendar Year 2027 Annual Investment Program na magsisilbing gabay sa direksyon ng mga susunod na programa at proyekto ng lokal na pamahalaan.

Patuloy ang lokal na pamahalaan, sa pangunguna nina Mayor Divine at Vice Mayor Francis Fontanilla, sa pagsusulong ng mga programang nakatuon sa patuloy na pag-hataw ng Bacnotan.

Address

Bacnotan

Opening Hours

Monday	8am - 5pm
Tuesday	8am - 5pm
Wednesday	8am - 5pm
Thursday	8am - 5pm
Friday	8am - 5pm

Telephone

+63726074261

Website

http://bacnotan.gov.ph/

Alerts

Be the first to know and let us send you an email when Bacnotan, La Union posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Bacnotan, La Union:

Shortcuts

Address
Telephone
Opening Hours
Alerts
Contact The Organization
Claim ownership or report listing

Want your organization to be the top-listed Government Service in Bacnotan?

Bacnotan, La Union

08/06/2026

08/06/2026

08/06/2026

08/06/2026

08/06/2026

08/06/2026

07/06/2026

07/06/2026

07/06/2026

07/06/2026

Address

Opening Hours

Telephone

Website

Alerts

Contact The Organization

Shortcuts

Share

Category