09/09/2026
๐ง๐๐ ๐๐ ๐ง๐ ๐๐๐ง๐จ๐ง๐จ๐๐ข
Matagumpay na isinagawa ang 2nd Katipunan ng Kabataan Assembly noong Setyembre 6, 2026 sa Sta. Rita Covered Court. Sa kabila ng masamang panahon, hindi napigil ang mga kabataan na muling magtipon, hindi lamang bilang mga kalahok, kundi bilang mga tagapaglikha ng pagbabago. Ang kanilang tinig ay muling umalingawngaw: matatag, makabuluhan, at puno ng sigla.
Mula sa mga proyektong sinimulan hanggang sa mga programang nagbunga ng tunay na benepisyo, iniulat ng Sangguniang Kabataan ang mga tagumpay ng konseho. Ang mga hakbang na datiโy plano lamang, ngayoโy naging konkretong tulong, mula sa literacy, health and nutrition programs, hanggang sa ADAL Center.
Kasabay nito, para sa malinaw na landas tungo sa mas inklusibong kinabukasan, opisyal na inaprubahan ang Comprehensive Barangay Youth Development Plan (CBYDP), Annual Barangay Youth Investment Program (ABYIP), at Programs, Projects, and Activities (PPAs) para sa susunod na taon.
Hindi rin pinalampas ang update sa KK profiling, na nagsilbing salamin ng kalagayan ng kabataan ng Sta. Rita. Sa pamamagitan nito, mas matutukoy ang kanilang pangangailangan at masiguro na ang bawat programa ay akma sa kanilang mga pangangailangan. Bukod pa rito, isinagawa ang konsultasyon, isang bukas na espasyo kung saan ang hinaing ay pinakinggan, ang ideya ay pinahalagahan, at ang pangarap ay binigyan ng puwang.
Ang pagtititipon na ito ay nagpapatibay sa prinsipyo ng participatory at transparent governance, na nagbibigay-diin sa bukas, inklusibo, at makabuluhang partisipasyon ng kabataan sa paghubog ng mga programa at patakaran para sa kanilang kinabukasan.
๐๐ด๐๐๐๐๐ฏ๐ผ. ๐๐ฟ๐ฎ๐บ๐ถ๐ฑ. ๐๐ด๐๐๐น๐๐๐น๐ผ๐.
