DARMO Aroroy 2

07/10/2026

𝐒𝐈𝐍𝐈 𝐍𝐀 𝐀𝐃𝐋𝐀𝐖 | Subdivision Survey (SPLIT Project)

Sani na adlaw, Oktobre 7, 2026, padayon sa pagpasilitar san Subdivision Survey sa Support to Parcelization of Lands for Individual Titling (SPLIT) Project an DAR Municipal Office Aroroy 2 sa pag asister sa surveying Team ni Engr. Richard C. Tollo sa pagsurvey sa duta ni Rudy M. Bulalacao, Et. Al. sa Barangay Amutag, Aroroy, Masbate na may CLOA No. O-1613, Lot No. 1512 kag may kabilogan na 9.1149 ektarya.

Ini na aktibidad usad na pamaagi para maturonga kag magkaigwa san sukol an kada co-owner san duta sa Kolektibo na titolo pakadto sa pagdistribyotar San indibidwal na titolo para sa kwalipikado na benepisyaryo san repormang agraryo.

24/09/2026

𝐒𝐈𝐍𝐈 𝐍𝐀 𝐀𝐃𝐋𝐀𝐖| 𝐃𝐀𝐑𝐌𝐎 𝐀𝐫𝐨𝐫𝐨𝐲 𝟐 Subdivision Survey under project (SPLIT) Support to Parcelization of Lands for Individual Titling.

Sani na adlaw, Setyembre 24, 2026, padayon sa pagpasilitar san Subdivision Survey sa Support to Parcelization of Lands for Individual Titling (SPLIT) Project an DAR Municipal Office Aroroy 2 sa pag asister sa surveying Team ni Engr. Richard C.Tollo sa pagsurvey sa duta ni Ma. Teresa Ramilo Adrias, et al. sa Barangay Calanay, Aroroy, Masbate na may CLOA 𝑁𝘰. T-4960, 𝐿𝘰𝑡 𝑁𝘰. 2019 kag may kabilogan na 10.5299 ektarya.

Upat (4) na co-owners an nagturunga san sukol sa nasabi na Collective Certificates of Land Ownership Award ( CCLOA) pinamaagi sa Survey by Contract Batch B under Project SPLIT.

Ini na aktibidad usad na pamaagi para maturonga kag magkaigwa san sukol an kada co-owner san duta sa Kolektibo na titolo pakadto sa pagdistribyotar San indibidwal na titolo para sa kwalipikado na benepisyo San repormang agraryo.

15/09/2026

SANI NA ADLAW | Pulong-pulong/Field Validation (SPLIT)

Sani na adlaw, September 15, 2026, nagkaigwa san Pulong-pulong/Field Validation sa mga ARBs sa duwa na lote sa duta ni Romeo Capinig Gersaniba, Et. Al. sa Brgy. Cabas-an, Aroroy, Masbate. Ini na duta nasa sulod san Title Number T-3303 Lot Number 1135, kag may sukol na 12.0763 ektarya kag san Title Number T-3308, Lot Number 1137, kag may sukol na 6.3371 ektarya.

Ini na aktibidad preparasyon para sa maabot na subdivision survey sa sunod na semana September 22-23, 2026 kag kasabay san proseso san Support to Parcelization of Lands for Individual Titling (SPLIT) Project para mabarahin an mga duta na nasa sulod pa san Collective CLOA kag para mahatagan na san inda indibidwal na titulo an kada kwalipikado na Agraryo Benepisyaryo.

Pinangunahan ini na aktibidad san grupo san DAR Municopal Office Aroroy 2, kag gin atenderan man ni Mrs. Violeta G. Villalobos, BARC Chairman san Cabas-an , Aroroy, Masbate, kag san mga ARBs san nasabi na duta.

10/09/2026

SANI NA ADLAW | Pulong-pulong/Field Validation (SPLIT)

Sani na adlaw, September 10, 2026, nagkaigwa san Pulong-pulong/Field Validation sa mga ARBs sa duta san Jaime V. Tupongbanua, Et. Al. sa Brgy. San Agustin, Aroroy, Masbate. Ini na duta nasa sulod san Title No. T-1309, Lot No. 1248, kag may sukol na 13.3958 ektarya.

Ini na aktibidad preparasyon para sa maabot na subdivision survey kag kasabay san proseso san Support to Parcelization of Lands for Individual Titling (SPLIT) Project para mabarahin an mga duta na nasa sulod pa san Collective CLOA kag para mahatagan na san inda indibidwal na titulo an kada kwalipikado na ARB.

Pinangunahan ini na aktibidad san grupo san DARMO Aroroy 2, kag gin atenderan man ni Ms. Leny A. Magnifico, Chairperson san San Agustin Agrarian Reform Benificiaries Organization, kag san mga ARBs san nasabi na duta.

03/09/2026

SANI NA ADLAW | DAR CLEARANCE Field Validation

Sani na adlaw, September 3, 2026, nagbyahe pakadto sa Barangay Don Pablo Dela Rosa, Aroroy, Masbate an mga taga DAR Municipal Office Aroroy 2 para mag Ocular Inspection san duta ni Vilma Delavin kaupod si Mrs. Jinky T. Cambaliza, an nakabakal san duta na nag apply san DAR Clearance. Ini na duta nasa sulod san Title No. P-4708, Lot No. 3607 kag may sukol na isad (1) ka ektarya.

Base sa nangyari na inspeksyon, naarman san DARMO Aroroy 2 team na igwa si Mrs. Cambaliza san binutang na bantay sa nasabi na duta.

Ini na aktibidad usad na proseso para maaraman an dokumento o restriksyon kon sakop o dli san mga batas sa idarom san Agrarian Reform.

Kinahanglan mag agi sa proseso san DAR Clearance bago malipat an duta na binakal para maaraman na an pang agrikultura na duta na ilipat san nakabakal, dli sakop san Comprehensive Agrarian Reform Program (CARP) o san Operation Land Transfer (OLT) Presidential Decree No. 27 (PD 27) .

Usad pa na pamaagi para maiwasan kag maprotektahan an karapatan san Agraryo Benepisyaryo o nanu pa na transaksyon na nagalabag sa batas, kag masigurogarado na wara san problema o restriksyon an duta, kag maagi pa sa iba na ahensya san gobyerno an pagtransakyon san paglipat san duta.

01/09/2026

SANI 𝐍𝐀 𝐀𝐃𝐋𝐀𝐖 | E-Title Distribution

Sani na adlaw, September 1, 2026, duwa (2) na Titulo san Duta an gindistribute sa opisina san DARMO Aroroy 2, Poblacion, Aroroy, Masbate. An titulo ni Maria Oliva Drio kag Eldefonso Oliva Drio pareho ginresibe ni Alex Drio paagi sa iya hawid na Special Power of Attorney.

San nagligad pa lang na tuig Marso 5, 2025 amu ginkonduktar an subdivision survey san nasabi na duta ninda Maria Drio Cuete, et al. na sakop san CLOA No. T-3917, Lot No. 3582, kag may kabilogan na 4.1694 ektarya.

Nalipay an Agraryo Benepisyaryo na inda na dayon naresibe an indibidwal na Titolo, usad lang na patunay na mas napadali na an pagproseso san pagkaigwa san indibidwal na Titolo sa idalom san programa sa Support to Parcelization of Lands for Individual Titling (SPLIT) Project.

Gin ingkaher man an Agraryo Benepisyaryo san Municipal Agrarian Reform Program Officer (MARPO) san DAR Municipal Office Aroroy 2 na padayon na kultibaron an duta na nasukol sainda, kag an pagbayad san amilyar kada tuig, kay mapapasainda na gayud an inda lote na gina umahan.

22/08/2026

𝐒𝐀𝐍 𝐍𝐀𝐆𝐋𝐈𝐆𝐀𝐃 | SUBDIVISION SURVEY

Magkasunod sunod an nagin aktibidad sa Subdivision Survey sa 𝘚𝑢𝘱𝑝𝘰𝑟𝘵 𝘵𝑜 𝑃𝘢𝑟𝘤𝑒𝘭𝑖𝘻𝑎𝘵𝑖𝘰𝑛 𝑜𝘧 𝘓𝑎𝘯𝑑𝘴 𝘧𝑜𝘳 𝘐𝑛𝘥𝑖𝘷𝑖𝘥𝑢𝘢𝑙 𝑇𝘪𝑡𝘭𝑖𝘯𝑔 (𝘚𝑃𝘓𝐼𝘛) 𝑃𝘳𝑜𝘫𝑒𝘤𝑡, na ginhimu san Surveying Team ni Engr. Reinaldo B. Corre, kag nagpasilitar sa pagsurvey an DAR Municipal Office (DARMO) Aroroy 2 san nagligad na Agosto 19-20,2026.

An duwa (2) na duta na ginsukol para sa unom (6) na Agrarian Reform Beneficiaries (ARBs) na sakop san Collective Certificates of Land Ownership Award (CCLOA) na naka pangaran kanda Cesar Juarez Carmen, et al., na sakop san 𝑇𝘪𝑡𝘭𝑒 𝑁𝘰. CLOA T-4561, 𝐿𝘰𝑡 𝑁𝘰. 2655, kag may kabilogan na 6.4640 ektarya, kag Cesar Mina Carmen, Jr., et al. na sakop san 𝑇𝘪𝑡𝘭𝑒 𝑁𝘰. CLOA T-4273, 𝐿𝘰𝑡 𝑁𝘰. 2658, kag may kabilogan na 8.3311 ektarya sa Barangay
Cabas-an,Aroroy, Masbate.

Ini na aktibidad usad na pamaagi para maturonga kag magkaigwa san sukol an kada co-owner san duta na kaupod sa kolektibo na titolo pakadto sa pagdistribyotar san indibidwal na titolo para sa mga kwalipikado na benepisyaryo san repormang agraryo.

21/08/2026

SANI NA ADLAW | Subdivision Survey,
ARB Profiling, RSBSA/AIP-PCIC Enrollment

May matatawag na gayod na tigsadiri ninda na umahan an unom na Agrarian Reform Beneficiaries (ARBs) sa Barangay San Agustin, Aroroy, Masbate matapos an subdivision survey sa idarom san Support to Parcelization of Lands for Individual Titling (SPLIT) Project na ginhimo san Surveying Team ni Engr. Reinaldo B. Corre, sa pagpasilitar san Department of Agrarian Reform Municipal Office (DARMO) Aroroy 2 sani na Agosto 21, 2026.

An duha na duta na ginsukol para sa benepisyo san unom na ARBs kay sakop san Collective Certificates of Land Ownership Award (CCLOAs) na nakapangaran kanda Elegio Dela Rosa, et al., na sakop san Title No. T-1505, Lot No. 1230 kag Danilo P. Mosico, et al., na sakop san Title No. T-1506, Lot No. 1231.

Nasa 6.8113 ektarya an duta na sakop san Title No. T-1505 na gintungaan san tulo na ARBs habang 7.4894 ektarya naman an sa Title No. T-1506 na gintungaan san tulo man gihapon na ARBs.

Guinsabay naman sa aktibidad an pag balidar kag pag enroll san mga nasabi na mga benepisyaryo sa AIP-PCIC/RSBSA Enrollment para mabuligan sinda na maka resibe san mas damo pa na benepisyo hali sa iba-iba na ahensiya san gobyerno bilang mga para-uma.

21/08/2026

KAHAPON| Tax Declaration Distribution

Tulo (3) kabilog na Tax Declaration an guinduhol kag guin distributar sa Barangay Cabas-an, Aroroy, Masbate san DAR Municipal Office Aroroy 2 san Agosto 20, 2026.

Pagkatapos na makabaton san e.Title an mga Agrarian Reform Beneficiaries san nagligad na Distribution san Desyembre 2025 sa Pili, Camarines Sur, sunod na nabaton na ninda kahapon an inda mga Tax Declaration, usad sa mga ginpangako san aton Secretary san Department of Agrarian Reform na si Condrado Estrella, lll na an Departamento na mismo an magabulig para magkaigwa san Tax Declaration an mga ARB para dili na sinda malisodan sa pagproseso kag maka tona na sinda san inda oblisyon na makabayad san buwis(Tax payment).

Detalye san duta kag petsa san pagdistribyutar:

No of TDs: 3
CLOA No. : T-641
Landowner: Development of the Philippines
Lot No : 2931
Location: Cabas-an, Aroroy, Masbate.
Location of Distribution: Cabas-an, Aroroy, Masbate.
Petsa san paghatag: August 20, 2026

14/08/2026

ABISO PUBLIKO❗❗

PAARAM SA TANAN ‼️