03/06/2026
𝗛𝗜𝗡𝗗𝗜 𝗣𝗔 𝗧𝗔𝗣𝗢𝗦 𝗞𝗔𝗕𝗔𝗧𝗔𝗔𝗡𝗚 𝗕𝗜𝗡𝗔𝗚𝗕𝗔𝗚𝗨𝗘𝗡̃𝗢𝗦, 𝗠𝗔𝗗𝗔𝗠𝗜 𝗣𝗔! 🙏🏼
Bukod sa pamamahagi ng Libreng iSKul Supplies bukas ay isasabay na din natin ang iba pang programang nakalaan para sa Kabataang Binagbagueños bago tuluyang magbalik-eskwela sa susunod na Linggo.
Bago tayo tuluyang magdaos ng pamimigay ng school supplies ay isasagawa muna natin ang Capacity Development, Early Teenage Pregnancy & HIV Awareness Talk bukas sa pangunguna ng ating Rural Health Unit at Municipal Social Welfare and Development Office ng Bayan ng Angat.
Gayundin, pagkatapos ay isasagawa natin ang ating Katipunan ng Kabataan Assembly kung saan tatalakayin natin ang lahat ng mga programa, proyekyo at aktibidad na nagawa, ginagawa at gagawin pa natin para sa taong kasalukuyan at ibabahagi din natin ang iba pang mga bagay na may kinalaman sa ating pamamahala. May tyansa ka ding manalo ng cash prizes dito bukas, ang tanging gagawin mo lamang ay makinig, makiisa at makialam sa mga pinag-uusapan ng kabataan at Sanggunian.
Magkakaroon din po tayo ng Libreng Gupit o Free Haircut para sa mga Kabataang Binagbagueños na magbabalik-eskwela ngayong nalalapit na pasukan sa pangunguna ng sariling-atin na manggugupit na si Mr. John Christian "Chiboy" Q. De Guzman. Mayroon po siyang isang kasama kung saan sila ay magsisimula ng alas 9:00 ng umaga hanggang alas 5:00 ng hapon. Maximum of 50 heads lamang po tayo para sa programa nating ito.
Kaya tara Binagbagueños, sulitin at pakinabangan natin ang mga programang nakalaan talaga para sa atin tulong ng mga mamamayang nagbabayad ng tamang buwis para sa kaunlaran ng ating lipunan.
Kita-kits bukas sa isang siksik, liglig at umaapaw na programa para sa Kabataang Binagbagueños!
fans
