15/04/2020
From the INBOX:
Indi maubos ang pamangkot sa SOCIAL AMELIORATION, so tingbon ta sabat ah:
HAMBAL NI SEN. CAYETANO TANAN NGA BALAY TAGAAN GID PORMAS, KUNG 3 KA PAMILYA 3 MAN KA PORMAS?
INDI MATUOD ANG HAMBAL NI CAYETANO, SUHESTYON KAG OPINYON NA LANG PERO SA REALIDAD INDI MATUMAN.
ANSWER: Ti kung amo na ila plano tani gin himo na lang nila 30+million families, ngaa gin himo lang nila 18M. Tungod kay ang layi naga siling, para sa PAMILYA nga PIGADO kag IMPORMAL SECTOR NGA NAWAD-AN PANGITAN-AN tungod sang COVID-19. So indi ina matood.
TANAN2x NGA PAMILYA SA BALAY TAGAAN GID PORMAS SA BILOG NGA BARANGAY WALA PILI?
ANSWER: Indi tanan-tanan. Ang may qualified lang nga myembro sang pamilya basi sa guidelines ang pwede maka avail. Amo na kalabanan nga barangay naga survey anay. Ang kada LGU may ara lang allocation nga gina hatag sang DSWD sa Social Amelioration. Diri sa ALIMODIAN 7375 slots ila gihatag. Tungod may ara guidelines gnpagwa ang DSWD/DOF/DILG/DTI/DA sa ila JMC No. 1 kag amo na ang IRR sang Bayanihan to Heal As One Act, amo ina ila ginasunod.
MAKA KUHA BALA TAGA ISA SA PAMILYA NGA QUALIFIED?
ANSWER: Klaro nga PAMILYA, indi individual. Biskan pila pa ka PWD/Senior/Pregnant Woman/Lactating Mother/Driver etc ang ga istar sa inyo balay, kung isa kamo ka pamilya, isa lang na.
ANG TATAY/NANAY KO SENIOR KAG AKO MAY PAMILYA NA PERO ISA KAMI KA BALAY SO SEPARAR MAN KAMI NGA MAKABATON?
ANSWER: Kung ang senior citizen naga istar upod sa iya bata nga pamilyado, isa lang na sila gyapon ka pamilya. Indi sila duwa ka pamilya. So isa lang makabaton.
DAPAT WALA PILI, MANGARANUN UKON PIGADO TAGAAN?
ANSWER: Indi ni para sa tanan. Sa mga Pigado lang kag informal sector ang social amelioration suno sa Bayanihan to Heal as One Act. Amo na ang nabutang sa layi.
ANG AKON BANA/ASAWA EMPLEYADO KAG NAG APPLY KAMI SA DOLE, TI ANG MA APPLY ANG AMON LANG PARTNER?
ANSWER: Basta naka avail na ang isa sa any member of the family, DISQUALIFIED na kamo na nga pamilya.
ANG AKON ASAWA/BANA MYEMBRO SANG 4PS, TI MAKA APPLY KAMI NA OR DI GANI ANG AMON PARTNER ANG MA APPLY?
ANSWER: Basta member ka sa 4Ps bilog mo nga pamilya DISQUALIFIED na kay may ara kamo nga kwaon separar kag i deretso na sa inyo ATM. Kung madakpan kamo nga mag apply or ang inyo partner mag apply sa Social Amelioration, ground ina para makakas ikaw. Ti diin pilion mo. Ang one time lang or ang imo allowance nga gaabot taga bulan?
PILA AMON KWAON NGA ASSISTANCE?
ANSWER: Diri sa bilog nga Region 6, P6,000 kag ini ma release kaduwa ka beses.
BOARDER KO, PWEDE KO DA?
ANSWER: Ang maka avail, pamilya suno sa layi. If family kamo naga arkila, pwede. Kung individual, indi pwede.
ARI KO SA IBAN NGA LUGAR, PWEDE LANG KO DA MALISTA SA AKON BARANGAY?
ANSWER: Indi pwede. Dapat personal gid ang pag apply.
WALA AKO REQUIREMENTS, PWEDE KO NA GYAPON MAKAKUHA?
ANSWER: Pag wala ka sang requirements nga mga documents nga ginapangayo sang layi, indi ikaw pwede mabaton sa Social Amelioration. Required gid nga dapat may document ikaw nga i attached sa imo application.
ANG KWARTA ARA NA BALA SA BARANGAY?
ANSWER: Ang kwarta ara ina sa DSWD kag i release nila sa LGU. In return sila na ma release thru pick up points in coordination sa mga kapitanes, pero with strict social distancing gyapon.
AMON REQUIREMENT IS BRGY CERTIFICATION, PWEDE KAMI NA KAKADTO SA BARANGAY HALL?
ANSWER: Yes, pero dapat observe sang social distancing mag linya.
NEGOSYANTE AKO, QUALIFIED AKO NA?
ANSWER: Kung ang imo asset is more than P100,000 indi ikaw pwede maka avail.
REGULAR OR CASUAL EMPLOYEE SA GOBYERNO PAREHO MAESTRA, POLICE, MILITARY, NATIONAL GOVT AGENCIES UKON SA SIUDAD GAUBRA, PWEDE KAMI DA?
ANSWER: Disqualified sila maka apply or ang pamilya nga may ara gaubra sa gobyerno kay tungod padayun gyapon ang ila sweldo.
Kabay pa Makabulig sa inyo ang ini nga mga impormasyon base sa BAYANIHAN TO HEAL AS ONE ACT kag JMC No. 1 series of 2020
