05/09/2020
Keep safe fellow cyclist, may you rest in peace kapadyak
NAGBI-BISEKLETANG MENOR DE EDAD PATAY MATAPOS MAHAGIP NG VAN
BINMALEY, PANGASINAN - Patay ang isang 16 anyos na lalakeng siklista matapos mahagip ng isang van pasado alas-siete nitong umaga ng Sabado. Ayon sa imbestigasiyon ng PNP Binmaley, binabagtas umano ng grade 9 student ang kahabaan ng Binmaley to San Carlos road na parte ng Brgy. Papagueyan. Dakong 7:30 am kasama umano ng biktima ang iba pang siklista ng aksidente umano nitong nabangga ang kapwa siklista sa likurang bahagi at nag-resulta ng pagkakatumba nito sa kalsada. Dito na nasagasaan ang biktima ng isang puting mitsubishi l300 van na may plakang IAA 1935 at minamaneho ni Joel Jackson na residente ng Alaminos City, Pangasinan.
Nagtamo ng iba’t ibang sugat sa katawan ang menor de edad na biktima na kinilalang si Kenneth na residente ng San Carlos City kung saan sinubukan pang isugod ito sa pinakamalapit na pagamutan ngunit idineklarang dead on arrival dahil sa malalang tinamong sugat. Samantala ang kasamahan nitong kinilalang si Mike at ang driver ng van ay ligtas naman at walang natamong seryosong injuries.
Sa ngayon nasa kustodiya na ng PNP Binmaley ang driver na nakasagasa sa biktima para sa kaukulang desposisyon. Patuloy naman ang paalala ng mga kapulisan sa publiko lalo na sa mga motorista at siklista na mag-doble ingat sa pagmamaneho kapag nasa daan. Gayundin ang paaalala ng mga otoridad na huwag payagan ng mga magulang na kung saan saan pumupunta ang mga anak na menor de edad lalo na ngayong panahon ng pandemya.
