Arya Abra

24/08/2026

📢 𝐀𝐁𝐑𝐀 𝐃𝐄 𝐈𝐋𝐎𝐆, 𝐈𝐒𝐈𝐍𝐀𝐈𝐋𝐀𝐋𝐈𝐌 𝐒𝐀 𝐒𝐓𝐀𝐓𝐄 𝐎𝐅 𝐂𝐀𝐋𝐀𝐌𝐈𝐓𝐘

Dahil sa malawak at patuloy na epekto ng Habagat na pinalakas ng magkakasunod na weather disturbances, inirekomenda ng Municipal Disaster Risk Reduction and Management Council (MDRRMC) sa pangunguna ng ating Chairperson - Municipal MayorMaria Gloria Montenegro Constantino sa Sangguniang Bayan ang pagdedeklara ng State of Calamity sa buong Bayan ng Abra de Ilog.

Batay sa isinagawang damage assessment at needs analysis, nagdulot ang matagal at matinding pag-ulan ng pagbaha, pagguho ng lupa, pinsala sa agrikultura, mga kabahayan, kalsada, imprastraktura, at mga sistema ng suplay ng tubig. Ang kabuuang tinatayang pinsala ay umabot sa ₱69,075,722.70.

Ang deklarasyong ito ay magsisilbing daan upang higit na mapabilis ang pagtugon, relief operations, early recovery, rehabilitasyon, at pagpapanumbalik ng mahahalagang serbisyo para sa mga pamilyang naapektuhan.

Hindi rito nagtatapos ang ating laban. Kasabay ng agarang pagtugon ay ang patuloy na pagbangon, rehabilitasyon, at pagpapatatag ng ating komunidad.

💚💚💚 Sama-sama sa pagbangon. Mas matatag na Bayan ng Abra de Ilog.

Arya Abra! Saknungan!

21/08/2026

21/08/2026

Patuloy po tayong kikilos at gagawa ng paraan upang sama-sama nating malutas at mapagtagumpayan ang hamong ito.

Maraming salamat po sa iba't -ibang mga ahensya na ating katuwang lalo't higit sa mga ganitong pagkakataon. Salamat din po sa ating DPWH District Office thru Engr, Juniel at kay Cong. Odie Tarriela!

Arya Abra!

21/08/2026

Taos pusong pasasalamat ang ipinapaabot ng Pamahalaang Lokal ng Abra de Ilog sa pangunguna ni Mayor Meg Constantino sa tanggapan ng butihing Cong Odie Tarriela katuwang ang DPWH Occidental Mindoro District sa pamamagitan ni OIC District Engr. Junie A. Lupango sa agarang pagtugon na magpadala ng mga heavy equipment at loader upang maisaayos ang mga daan sa National Highway sa Bayan ng Abra de Ilog partikular sa may Sitio Amazona at Buktot, Brgy. Lumangbayan noong Agosto 19, 2026 sa kasagsagan ng pananalanta ng habagat gayundin sa pagsasaayos ng daluyan ng tubig sa ating Lawaan River.

Sa pakikipagpanayam naman ni Mayor Meg Constantino Sangguniang Bayan Members at Key officials ng LGU kay Cong Odie Tarriela kahapon, Agosto 20, 2026 ay magtatalaga ang DPWH MIMAROPA Regional Office, Occidental Mindoro District ng heavy equipments na tutulong sa Abra de Ilog sa pagsasaayos ng lahat ng nasirang imprastraktura at gawaing bayan.

Sa ngayon, sinisimulan na ang operasyon sa Abra de Ilog - Puerto Galera Road dahil dumating na ang mga DPWH Regional Office heavy equipments (payloader at 2 backhoe) na naging commitment ni Cong. Odie Tarriela sa pamamagitan ni Regional Director Rosie Tinawin para sa mas mabilis na pagsasaayos ng mga daan na nasalanta kasama na ang Abra de Ilog - Puerto Galera Road, at ilang mga bahagi sa Barangay Udalo.

Patuloy po ang ating koordinasyon at pakikipagtulungan sa iba't-ibang ahensya upang mas mapabilis ang pagpapanumbalik ng mga serbisyong naantala bunga ng nagdaang habagat.

Arya Abra!

09/08/2026

📢 PAMPUBLIKONG PAALALA
Agosto 9, 2026 (10:30 PM)

SUSPENSIYON NG KLASE
Agosto 10, 2026 (Lunes)
Lahat ng Antas | Bayan ng Abra de Ilog

Batay sa PAGASA Weather Advisory No. 32, na inilabas noong 5:00 PM, Agosto 9, 2026, inaasahan ang 100–200 mm na pag-ulan sa Occidental Mindoro dulot ng Southwest Monsoon (Habagat).

Dahil dito, at ayon sa rekomendasyon ng Municipal Disaster Risk Reduction and Management Office (MDRRMO), suspendido ang klase sa lahat ng antas sa buong Bayan ng Abra de Ilog bukas, Agosto 10, 2026, bilang pag-iingat at upang matiyak ang kaligtasan ng mga mag-aaral, g**o, magulang, at buong komunidad.

Pinapayuhan ang lahat na manatiling alerto, subaybayan ang mga opisyal na abiso ng PAGASA at Pamahalaang Bayan ng Abra de Ilog, at iwasan ang mga lugar na maaaring bahain o magkaroon ng pagguho ng lupa.

Manatiling ligtas at alerto, Abra de Ilog!

MARIA GLORIA M. CONSTANTINO
Punong Bayan / Tagapangulo, MDRRMC

29/07/2026

Patuloy po tayong titindig para ang isang ligtas at matatag na bayan na handang humarap sa kahit anumang sakuna.

Arya Abra!

29/07/2026

Bukas na po ito mga minamahal na Abreno! Magpunta na lang po tayo sa itinakdang petsa at venue.

29/07/2026

July 28, 2026
Kasabay ng pagpapasinaya ng 𝐌𝐃𝐑𝐑𝐌𝐎 𝐖𝐚𝐫𝐞𝐡𝐨𝐮𝐬𝐞 noong 𝐢𝐤𝐚-𝟐𝟕 𝐧𝐠 𝐇𝐮𝐥𝐲𝐨 𝟐𝟎𝟐𝟔, pinasinayaan rin ang 𝐒𝐞𝐚 𝐀𝐦𝐛𝐮𝐥𝐚𝐧𝐜𝐞 na ipinagkaloob ng 𝐃𝐞𝐩𝐚𝐫𝐭𝐦𝐞𝐧𝐭 𝐨𝐟 𝐇𝐞𝐚𝐥𝐭𝐡 (𝐃𝐎𝐇) sa 𝐋𝐨𝐤𝐚𝐥 𝐧𝐚 𝐏𝐚𝐦𝐚𝐡𝐚𝐥𝐚𝐚𝐧 𝐧𝐠 𝐀𝐛𝐫𝐚 𝐝𝐞 𝐈𝐥𝐨𝐠.
Ang naturang 𝐒𝐞𝐚 𝐀𝐦𝐛𝐮𝐥𝐚𝐧𝐜𝐞 ay magsisilbing mahalagang karagdagang kagamitan sa ating bayan upang mapalakas pa ang kakayahan sa pagtugon sa mga emerhensiyang medikal, search and rescue operations, at agarang pagdadala ng mga pasyente, lalo na sa mga naninirahan sa mga coastal areas.
Ang pagkakaloob ng 𝐒𝐞𝐚 𝐀𝐦𝐛𝐮𝐥𝐚𝐧𝐜𝐞 ay patunay ng patuloy na pakikipagtulungan ng pambansang pamahalaan at ng 𝐋𝐨𝐤𝐚𝐥 𝐧𝐚 𝐏𝐚𝐦𝐚𝐡𝐚𝐥𝐚𝐚𝐧 𝐧𝐠 𝐀𝐛𝐫𝐚 𝐝𝐞 𝐈𝐥𝐨𝐠 sa pangunguna ni 𝐌𝐚𝐲𝐨𝐫 𝐌𝐞𝐠 𝐂𝐨𝐧𝐬𝐭𝐚𝐧𝐭𝐢𝐧𝐨 sa layuning mapalawak at mapabuti ang paghahatid ng mga pangunahing serbisyong pangkalusugan at pangkaligtasan para sa kapakanan ng bawat mamamayang Abreño.
Patuloy po tayong titindig at magbibigay ng dekalidad na serbisyo sa bawat mamamayang Abreño, tungo sa isang ligtas, matatag, at handang Abra de Ilog.

13/05/2026

Isang taon makalipas ang nakaraang midterm election, nananatiling sariwa ang tamis ng inyong nag-uumapaw na pagmamahal at pagsuporta sa ating pamamahala.

Tulad ng aming mga binitiwang mga salita, patuloy namin itong pinagsusumikapang tupdin at gampanan. Maraming naging mga pagsubok na dumating subalit nananatili tayong matikas at nakatindig.

Sa gitna ng mga nangyayari ngayon sa ating bansa, mga krisis at kaguluhan sa liderato, manatili nawa tayong nakatanaw sa mas maliwanag na bukas. Huwag nawa tayong matinag sa mga negatibong nangyayari sa ating bansa. Hindi ito ang panahon para panghinaan ng loob at pag-asa, bagkus ay lalo nating pag-alabin ang ating apoy ng paglilingkod para sa ating mamamayan at bawat pamilyang Abreño.

Patuloy po tayong titindig at magbibigay ng de kalidad na serbisyo para sa bawat mamamayang Abreño upang makamit natin ang inaasam-asam nating payapa, ligtas, tahimik, at maunlad na Bayan ng Abra de Ilog.

Arya Abra!