11/10/2025
सडक डिभिजन खाल्टे, सिन्धुलीद्वारा जारी सुचना:-
अत्यधिक वर्षा भई आएको बाढीको कारण मिति २०८२/०६/१८ गतेदेखि बन्द रहेको बी.पी. राजमार्गको सिन्धुली जिल्लाभित्रको नेपालथोक खण्ड, बालुवा खण्ड, तथा आपघारी (देविथान फाँट) मा अस्थायी सडक (Diversion) निर्माणको कार्य यस अघि नै सम्पन्न भैसकेको र बाँकी रहेको स्थानमा समेत अस्थायी सडक (Diversion) निर्माण निर्माणको काम सम्पन्न भई हाल बी. पी. राजमार्ग पूर्ण रूपमा (केही स्थानमा एकतर्फी) सुचारु भएको व्यहोरा जानकारी गराइन्छ। साथै दुईतर्फी सुचारु हुन नसकेको स्थानमा पनि निरन्तर कार्य भइरहेको छ।
बी. पी. राजमार्ग सफलतापूर्वक सुचारु गर्न सहयोग पुर्याउनु हुने निर्माण व्यवसायी, यान्त्रिक कार्यालय मुलकोट, सवारी चालक साथीहरू, जनप्रतिनिधिहरू, स्थानिय बासिन्दा तथा सुरक्षाकर्मीहरू लगायत सम्पूर्ण सरोकारवालाहरू प्रति सडक डिभिजन खाल्टे हार्दिक धन्यवाद व्यक्त गर्दछ।
— सडक डिभिजन खाल्टे, सिन्धुली।
