गोलन्जोर गाउँपालिका/Golanjor Rural Municipality Sindhuli

27/05/2026

समुदायमा आधारित पुनर्स्थापना कार्यक्रम सञ्चालन सम्बन्धि सूचना

27/05/2026

वार्षिक नीति तथा कार्यक्रमका लागि राय सुझाव उपलब्ध गराउने सम्बन्धी सूचना

26/05/2026

अन्तिम नतिजा प्रकाशन सम्वन्धी सूचना ।

25/05/2026

सिन्धुली जिल्ला सरकारी वकिल कार्यालयको आयोजनामा जनप्रतिनिधि तथा समुदायसँग "सरकार वादी फौजदारी मुद्दाको कानूनी कार्यविधि" सम्बन्धमा छलफल तथा जनचेतना अभिवृद्धि गर्ने उद्देश्यले "समुदायमा सरकारी वकिल" कार्यक्रम गोलन्जोर गाउँपालिकामा सम्पन्न भएको छ ।

जनप्रतिनिधि तथा सहभागी समुदायले स्थानीय स्तरमा देखिने विभिन्न आपराधिक घटनाहरू, न्यायिक पहुँच, कानूनी प्रक्रियामा हुने ढिलाइ तथा सचेतनाको कमीका विषयमा आफ्ना जिज्ञासा र सुझावहरू प्रस्तुत गरेका थिए। कार्यक्रममा उठेका प्रश्नहरूको जवाफ जिल्ला सरकारी वकिल कार्यालय प्रमुख एवम् जिल्ला न्यायाधिवक्ता श्री निमा घिमिरे ज्यूले स्पष्ट कानूनी व्याख्या गर्दै व्यवहारिक समाधानसमेत प्रस्तुत गर्नुभएको थियो।

कार्यक्रमले स्थानीय सरकार, सुरक्षा निकाय र न्याय प्रणालीबीचको सहकार्यलाई अझ मजबुत बनाउन सहयोग पुग्ने अपेक्षा गरिएको छ। साथै, समुदायमा कानूनी सचेतना बढ्दै जाँदा अपराध नियन्त्रण, न्यायमा पहुँच र सुशासन प्रवर्द्धनमा सकारात्मक प्रभाव पर्ने विश्वास व्यक्त गरिएको छ।

कार्यक्रममा गोलन्जोर गाउँपालिकाका जनप्रतिनिधि, विभिन्न शाखाका कर्मचारी, सुरक्षा निकायका प्रतिनिधि, समाजसेवी तथा स्थानीय समुदायका अगुवाहरूको उल्लेखनीय उपस्थिति रहेको थियो।

22/05/2026

शिक्षक आवश्यकता सम्वन्धी सूचना ।

22/05/2026

22/05/2026

भूमि, व्यवस्था, सहकारी तथा गरिबी निवारण मन्त्रालयको आर्थिक सहयोग तथा गोलन्जोर गाउँपालिकाको सहजीकरणमा दलित समुदायका लागि सञ्चालित "आयआर्जन तथा जीविकोपार्जन कार्यक्रम" अन्तर्गतको बाख्रा पालन तथा बङ्गुर पालन सम्बन्धी सीप विकास तालिम आज एक विशेष समारोहका बीच सफलतापूर्वक समापन भएको छ।
तालिम समापन सत्रका केही अविस्मरणीय झलकहरू:
🔹उत्साहजनक सहभागिता: दलित समुदायका लक्षित वर्गहरूको उत्साहजनक उपस्थिति, जहाँ सहभागीहरूले व्यवसायिक बन्ने दृढता व्यक्त गरे।
🔹प्रमाणपत्र वितरण: तालिम सफलतापूर्वक पूरा गरेका सहभागीहरूलाई हौसला स्वरूप प्रमाणपत्र तथा आवश्यक प्रोत्साहन सामग्री वितरण गरियो।
🔹अनुभव आदानप्रदान: सहभागीहरूले तालिमबाट सिकेका सीपलाई व्यवहारमा उतार्दै आत्मनिर्भर बन्ने प्रतिबद्धता जनाए।
मुख्य उद्देश्य: दलित समुदायको आर्थिक जीवनस्तरमा सुधार ल्याई उनीहरूलाई परम्परागत पेशाबाट आधुनिक र व्यावसायिकतातर्फ उन्मुख गराउनु यस तालिमको मुख्य लक्ष्य रहेको थियो।

21/05/2026

गोलन्जोर गाउँपालिका पूर्ण खोप सुनिश्चितता तथा दिगोपना घोषणा कार्यक्रम .

“स्थानीय स्रोत उपयोग, स्वामित्व र सहभागिता: पूर्ण खोप सुनिश्चितता हाम्रो प्रतिबद्धता” भन्ने नाराका साथ यस गाउँपालिका भित्रका १६ देखि ५९ महिनासम्मका सम्पूर्ण (जम्मा ७२७ जना) बालबालिकाहरूले राष्ट्रिय खोप तालिका बमोजिम लगाउनुपर्ने सम्पूर्ण खोपहरू प्राप्त गरिसकेको सुनिश्चित भएपछि, आज मिति २०८३-०२-०७ गते बिहीबारका दिन गाउँपालिका सभाहलमा सरोकारवालाहरूको सक्रिय सहभागितामा एक विशेष समारोहको आयोजना गरियो।

उक्त कार्यक्रममा स्वास्थ्य शाखा प्रमुख तथा सदस्य–सचिवको प्रस्ताव र गाउँपालिका उपाध्यक्ष ज्वाला प्रसाद न्यौपानेज्यूको समर्थनमा, गाउँपालिका अध्यक्ष एवं पालिका खोप समन्वय समितिका संयोजक श्री शंकरराज बरालज्यूले “पूर्ण खोप सुनिश्चितता तथा दिगोपना गाउँपालिका” घोषणा गर्नुभएको हो।

साथै, पूर्ण खोप घोषणा तथा दिगोपना सुनिश्चिततामा सहयोग पुर्‍याउनुहुने व्यक्तित्व, स्वास्थ्य संस्था, वडा खोप समन्वय समिति तथा जिल्ला जनस्वास्थ्य कार्यालयलाई पूर्ण खोप सुनिश्चितताको प्रमाणपत्र प्रदान गरी सम्मान गरिएको थियो।

21/05/2026

परिक्षा सञ्चालन सम्वन्धी सूचना ।