माडी गाउँपालिका, रोल्पा

23/05/2026

अनुरोध l

जनहितका लागी सूचना l
अत्यधिक गर्मी तथा तातो लहर (Heat Wave) चल्ने सम्बन्धमा गृह मन्त्रालय
राष्ट्रिय विपद् जोखिम न्यूनीकरण तथा व्यवस्थापन प्राधिकरणबाट सतर्कता सम्बन्धी सूचना प्राप्त भएको हुँदा लुम्बिनी प्रदेश, कर्णाली प्रदेश तथा सुदूरपश्चिम प्रदेश का तराई जिल्लाहरू उच्च जोखिममा रहेका छन् भने रोल्पा मध्यम जोखिममा रहेको जानकारी गराइन्छ।

यस अवस्थामा दिन सम्म दिउँसो चर्को घाम लाग्ने समयमा अत्यावश्यक काम बाहेक बाहिर ननिस्कन, प्रशस्त पानी पिउन तथा स्वास्थ्य सुरक्षामा विशेष ध्यान दिन सम्पूर्ण नागरिकहरूमा अनुरोध गरिन्छ।

जनहितका लागि यो सूचना जानकारीसहित जारी गरिएको छ।

18/05/2026

📢 बाटो बन्द हुने बारे अत्यन्त जरुरी सूचना 📢

माडी गाउँपालिका क्षेत्र अन्तर्गत सडक स्तरोन्नति, मर्मत सम्भार तथा आवश्यक निर्माण कार्य सञ्चालन भइरहेकाले केही समयका लागि मुख्य सडक मार्ग अवरुद्ध हुने जानकारी सम्पूर्ण आम नागरिक, यात्रु तथा सवारी चालक महानुभावहरूमा गराइन्छ ।

यस अवधिमा आवतजावतमा सहजता कायम राख्नका लागि वैकल्पिक मार्गको रूपमा गोरबोट गहिरादेखि बसपार्क निस्कने बाटो प्रयोग गर्न हुन अनुरोध गरिन्छ । सम्बन्धित निकायबाट सडक सुधार तथा व्यवस्थापन कार्य तीव्र गतिमा भइरहेको हुँदा केही समय असहजता हुन सक्ने भए पनि दीर्घकालीन रूपमा सहज, सुरक्षित तथा व्यवस्थित यातायात सञ्चालनका लागि यो कार्य आवश्यक रहेको व्यहोरा समेत जानकारी गराइन्छ ।

यात्राका क्रममा सवारी साधन सावधानीपूर्वक सञ्चालन गर्न, ट्राफिक नियमको पूर्ण पालना गर्न तथा अनावश्यक भीडभाड नगर्न सम्पूर्णमा हार्दिक अनुरोध छ । विशेष गरी रातिको समयमा यात्रा गर्दा थप सतर्कता अपनाइ सुरक्षित यात्रा गर्न आग्रह गरिन्छ ।

निर्माण कार्य सम्पन्न नहुँदासम्म सम्बन्धित निकायबाट जारी गरिने सूचनाहरूलाई ध्यानपूर्वक पालना गरिदिनुहुन तथा सहयोग गरिदिनुहुन सम्पूर्ण नागरिक महानुभावहरूमा हार्दिक अपिल गर्दछौं ।

सहयोग, संयमता र समझदारीका लागि धन्यवाद । 🙏

16/05/2026

माडी गाउँपालिका वडा नं. २ लाई पूर्ण सरसफाइ उन्मुख वडा घोषणा गरिएको छ । सम्पूर्ण वडावासीले सरसफाइका सूचकहरू बमोजिम आ–आफ्नो घर, टोल तथा सार्वजनिक स्थान सफा र व्यवस्थित राखी यस अभियानलाई सफल बनाउन सहयोग गरौँ । पालिका भर सबैले घर समाज वातावरण सफा राखौ जनचेतनाका लागी जारी l २०८३/०२/०२

15/05/2026

यस महत्वपूर्ण पहलका लागि तीनै तहका सरकार अनि जनप्रतिनिधि, तथा प्रत्यक्ष–अप्रत्यक्ष रूपमा सहयोग गर्नुहुने सम्पूर्ण महानुभावप्रति हार्दिक आभार तथा धन्यवाद व्यक्त गर्दछौँ। Barsha Man Pun 'Ananta' kumar punMitramani Gm

माडी गाउँपालिकाको वडा नं. ५ जोड्ने बहुचर्चित तार्केबाङ मोटरेबल पक्की पुलको बजेट सुनिश्चित भएको खबर प्राप्त भएको छ। केही दिनभित्र टेण्डर प्रक्रिया सुरु हुने निश्चित भएको छ।

माडी गाउँपालिका, प्रदेश सरकार र संघीय सरकारको व्यापक पहलपछि संघीय सरकारबाट रोल्पाका बहुवर्षीय मोटरेबल पुलहरू स्वीकृत भएका छन्। सोही क्रममा तार्केबाङ मोटरेबल पुल निर्माणका लागि रु. १,१९७०००००/- बजेट स्वीकृत भएको छ।

यस महत्वपूर्ण पहलका लागि तीनै तहका जनप्रतिनिधि, राजनीतिक दल, नागरिक समाज तथा प्रत्यक्ष–अप्रत्यक्ष रूपमा सहयोग गर्नुहुने सम्पूर्ण महानुभावप्रति हार्दिक आभार तथा धन्यवाद व्यक्त गर्दछौँ।
नमुना तस्विर

14/05/2026

पछिल्लो समय धेरै युवायुवतीहरू लागुऔषधको दुव्र्यसनतर्फ आकर्षित भइरहेको अवस्थालाई मध्यनजर गर्दै माडी गाउँपालिकामा लागुऔषध नियन्त्रण तथा न्यूनीकरण सम्बन्धी जनचेतनामूलक कार्यक्रम सम्पन्न गरिएको छ। कार्यक्रममा लागुऔषध दुव्र्यसनले व्यक्ति, परिवार तथा समाजमा पार्ने नकारात्मक प्रभावबारे जानकारी गराउनुका साथै युवाहरूलाई सचेत र जिम्मेवार बन्न आग्रह गरिएको थियो। साथै, समाजलाई लागुऔषधमुक्त बनाउन सबै पक्षको सहकार्य आवश्यक रहेको कुरामा जोड दिइएको थियो।

13/05/2026

राष्ट्रिय सरसफाइ सप्ताह सम्बन्धी सूचना ll

12/05/2026

२०८२ सालको एस.ई.ई. परीक्षा अन्तर्गत माडी गाउँपालिका को नतिजा विवरण ।

07/05/2026

सुरक्षित नागरिक आवास (खरको छानो हटाई टिनको छानो हाल्ने) कार्यक्रममा पहिले नै सूचीकृत भइसकेका लाभान्वित व्यक्तिहरूमध्ये कुनै पनि किस्ता नपाएका वा पहिलो किस्ता प्राप्त गरी दोस्रो किस्ता पाउन बाँकी रहेका लाभान्वित घरधुरी सेवाग्राहीहरूले तल नाम हेरी तुरुन्त वडा कार्यालयको सिफारिस लिई गाउँपालिकाको कार्यालयस्थित सुरक्षित नागरिक आवास हेर्ने कक्षमा सम्पर्क गर्नुहुन अनुरोध गरिन्छ।

07/05/2026

स्वीकृत बजेट अनुसार उपभोक्ता समितिमार्फत सञ्चालन हुने योजना तथा कार्यक्रमहरू यथाशीघ्र वि।स्। २०८३ बैशाख ३० भित्र सम्झौता गरी समयमै सम्पन्न गर्न हुन अनुरोध गरिन्छ ।

07/05/2026

ऐतिहासिक थबाङ मा हुन गइरहेको जिल्लास्तरीय राष्ट्रपति रनिङ शिल्ड प्रतियोगिताका लागि सहभागी हुन माडी गाउँपालिका ले प्रतियोगी विद्यार्थी छनोट गरिरहेको र प्रतियोगी लाई हौसला प्रदान गरिरहेको तस्बिर।