16/05/2025
अनेरास्ववियू सदैव विद्यार्थीहरुको हक हित , राष्ट्रिय , राष्ट्रियता को पक्षमा ,शैक्षिक क्षेत्रका बिकृती र बिसङ्गती विरुद्ध लड्दै अइरहेको विरासतपुर्ण ईतिहास बोकेको संगठन रहेको कुरा सबैलाइ अवगत नै छ।
पृथ्वी नारायण क्याम्पस जस्तो देशको ठुलो प्राज्ञिक संस्था का जिम्मेवार उप-प्राध्यापक देविलाल शर्मा बाट MBA को भ्रमणको क्रममा आफ्नै बिद्यार्थी माथि गरिएको बिभेदपुर्ण अभिब्यक्ति अत्यन्तै खेदपुर्ण छ र सोहि बमोजिम उहालाई अनुसन्धान प्रमुख बाट हटाई थप कारवाहिका लागी अगाडी बढाईएको छ । यसरी शैक्षिक जगत भित्रबाटै बिभेद ल्याउन खोज्ने जो कोहिलाई कडा भन्दा कडा कानुनी कारवाहिको जोडदार माग गर्दछौ ।
साथै हामी कानुनी राज्यमा छौ, त्यसकारण हरेक अपराधको निराकरणको लागी कानुनी बाटो रोज्ने हो खुनको बदला खुन भन्दै हिड्ने हो भने एकदिन यो संसारनै रित्तिन्छ, क्याम्पस प्रमुखकै कार्यकक्षमा नवनिर्वाचित स्ववियुका सचिव र सदस्य हरूद्वारा उप प्राध्यापक माथि गरिएको मुक्का र लात्ती प्रहार जस्तो अभद्र ब्यबहार बाट स्ववियुले दिन खोजेको सन्देश के हो ? आम बिद्यार्थीहरूले स्ववियु संग के अपेक्षा गर्ने ? यस्तो अपरिपक्कता कहिले सम्म यसको स्पष्टिकरण स्ववियु संग माग गर्दै दोषीलाई कारवाहीको दायरामा ल्याउन जोडदार माग गर्दछौ ।
शैक्षिक संस्था अत्यन्तै मर्यादित थलो हो । हजारौ बिद्यार्थीहरुको भाग्य र भविष्य जोडिएको छ । यहाको शैक्षिक वातावरण बिगार्न खोज्ने जुकसुकै तत्वलाई पनि निस्तेज पार्ने चेतावनी दिदै पृथ्वीनारायण क्याम्पसलाई शान्तिपुर्ण ,भयरहित र मर्यादित बाताबरणको शैक्षिक ज्योतीपुन्जको रुपमा बिकास गर्न सम्बन्धित सबैमा हार्दिक अपिल गर्दछौ ।
