KF Nepal

04/12/2025

एम्बुलेन्स सेवा पुन: सञ्चालनमा आएको सूचना

कालीगण्डकी वेशी क्षेत्रमा लामो समय देखि यस क्षेत्रमा सेवा दिदै आएको कालीगण्डकी फाउन्डेसन नेपालद्वारा संचालित एम्बुलेन्स मर्मत पश्चात पुन: सञ्चालनमा आएको जानकारी गराउँदछौं । मर्मतको क्रममा सेवा स्थगित भई हुन गएको असुविधा प्रति क्षमा प्रार्थी छौं । थप सुविधा सहित सेवा सुचारु भएको जानकारी गराउँदै एम्बुलेन्स सेवा आवश्यक परेमा निम्न नम्बरमा सम्पर्क गर्न सक्नु हुनेछ ।

थप जानकारीको लागि सम्पर्क नम्बर
९८५७०६५००२
०७५-५९०१९२

कालीगण्डकी फाउन्डेसन नेपाल
परिवार

27/11/2025

कालीगण्डकी फाउण्डेशन नेपाल र रामतुलसी नमूना मा. वि. बाली विज्ञान समूहको संयुक्त आयोजनामा “कालीगण्डकी क्षेत्रमा रैथानेबाली सरंक्षण तथा प्राङ्गारिक खेती प्रवर्द्धन"सम्बन्धी अन्तरक्रिया कार्यक्रम जीवाणु खाद्यमल अनुसन्धानकर्ता डा. प्रदिप घिमिरे ज्यूको सहजिकरणमा प्रांगरिक खेती र जीवाणु मल उत्पादन बारे सैद्धान्ति र प्रयोगात्मक प्रशिक्षण सम्पन्न भएको छ । स्थानीय सरकारको प्रतिबद्धता सहित भएको यस कार्यक्रममा बाली विज्ञान विद्यार्थी, पशु विज्ञानका विद्यार्थी र स्थानीय अगुवा कृषकहरूको उत्साहजनक सहभागिता रहेको थिय‍ो ।

29/07/2024

आम महानुभावमा जानकारी !!!
लामो समय देखि यस क्षेत्रमा सेवा दिदै आएको यस कालीगण्डकी फाउन्डेसन नेपालद्वारा संचालित एम्बुलेन्स मर्मत गर्नुपर्ने भएकोले केही समयको लागी सेवा स्थगन गरिएको सम्पुर्णमा सुचित गरिन्छ ।
साथै एम्बुलेन्स मर्मत पछि पुन संचालनमा आउने जानकारी गराउदछौ ।।

थप जानकारीको लागि सम्पर्क नम्बर
०७५-५९०१९२
९८५७०६५००२

कालीगण्डकी फाउन्डेसन नेपाल
परिवार

09/04/2024

कालीगण्डकी फाउण्डेशन नेपाल पाल्पाले रामपुरको उज्यालो गाउँ अभियान अन्तर्गत रामपुर ३ गण्डकीढिक, बोटेगाउँमा सहयोग रकम हस्तान्तरण गर्दै, अभियानको शुरुवातमा सस्थाले केही रकम सहयोग गरेको थियो । बिदेशमा रहेका नेपालीले गाउँ उज्यालो बनाउने संकल्प लिएर चालेको अभियान, जनज्योति युवा क्लबको पहलले गाउँ उज्यालो भएको छ । त्यही उज्यालोमा बसेर सन्ध्याकालिन समयमा यसको दिगो व्यबस्थापनको लागि फाउण्डेशनले थप सहयोग हस्तान्तरण गरेको हो ।

29/02/2024

काठमाडौं मेडिकल कलेजका सञ्चालक तथा प्रतिनिधि सभा सदस्य डा.सुनिल शर्मा, नेपाली काङ्ग्रेस लुम्बिनी प्रदेश सभापति अमरसिं पुन, पुर्व मन्त्री तथा प्रदेश सभा सदस्य वीर बहादुर राना, प्रदेश सभा सदस्य निमा गिरी सहित, काङ्ग्रेस महाधिवेशन प्रतिनिधि देवराज ढकाल, काङ्ग्रेस क्षेत्रिय सभापति झमनराज राजमगर, गुल्मी समन्वय समिति सदस्य सुनिता जिसि, रामपुर उद्योग वाणिज्य संघ अध्यक्ष भोजेन्द्र प्रकाश ढकाल कालीगण्डकी फाउण्डेशन नेपालद्दारा संचालित विद्यामन्दिर सार्वजनिक पुस्तकालय अबलोकन गर्नुभएकोमा हार्दिक धन्यवाद व्यक्त गर्दछौं ।

-विद्यामन्दिर सार्वजनिक पुस्तकालय परिवार🙏🙏

29/02/2024

कालीगण्डकी फाउण्डेशन नेपालको समन्वयमा सुशील कोइराला स्मृति प्रतिष्ठानको आयोजना, रामपुर नगरपालिकाको सह आयोजना, काठमाडौं मेडिकल कलेज KMC को प्राबिधिक सहयोगमा रामपुर आयुर्वेदिक अस्पतालमा १ दिने चलेको निशुल्क स्वास्थ्य शिबिरबाट ९५३ जनाले सेवा लिएका छन् । जहाँ एक बिरामीले धेरै सेवा पनि लिनुभएको छ । यसरी सेवा लिनेको संख्याले २५ सय बढीले सेवा लिने अबसर मिलेको छ । जटिल भेटिएका र काठमाडौं जानुपर्ने बिरामीलाई KMC ले अस्पताल सेवाको चार्ज निशुल्क गर्ने सञ्चालक डा. सुनिल शर्माले जानकारी दिनुभयो ।
यो शिबिर सफल पार्न भुमिका निर्वाह गर्नुहुने सुशील कोइराला स्मृति प्रतिष्ठान, KMC सहित रामपुर नगरपालिका KF Nepal का सल्लाहकार ज्यु, खट्नुहुने सम्पुर्ण सरोकारवाला तथा डा. साब, स्वास्थ्यकर्मीहरुको टोली एवं सबै सेवाग्राही प्रति आभार व्यक्त गर्दछौं ।
- कालीगण्डकी फाउण्डेशन नेपाल परिवार

12/02/2024

11/01/2024

"प्युठानमा पुस्तक"
पाल्पामा सार्वजनिक पुस्तकालय सञ्चालन गरिरहेको कालीगण्डकी फाउण्डेशन नेपाल (kf nepal) ले स्थापित पुस्तकालयको अबधारणा अनुरुप प्युठान कारागारमा पुस्तक हस्तान्तरण गरेको छ । लुम्बिनी प्रदेश सभा सदस्य निमा गिरी ज्युले कारागारमा पुस्तक दिने अभियानमा लाग्नुभएको र पुस्तक आवश्यकता महशुश गरि KF Nepal ले प्युठान सदरमुकाम खलंगा पुगी लुम्बिनी प्रदेशका उद्योग तथा यातायात मन्त्री सरोज थापाको उपस्थितिमा २०० थान बढी पुस्तक कालीगण्डकी फाउण्डेशन नेपालका सल्लाहकार सन्दिप राना ज्यु सहित सस्थाका सबै पदाधिकारीको सहभागिता एवं प्युठानका प्रमुख जिल्ला अधिकारी, राजनीतिक दल, जिल्लाका अगुवाहरुको उपस्थितिमा हस्तान्तरण गरेका छौ ।

30/12/2023

नेपाल सरकार आदिवासी जनजाति उत्थान राष्ट्रिय प्रतिष्ठान सानेपा ,ललितपुरले यस कालीगण्डकी फाउण्डेशन नेपालद्वारा संचालित विधा मन्दिर सार्वजनिक पुस्तकालयको लागि १५६ वटा पुस्तक उपलब्ध गराउनुभएकोमा हार्दिक आभार व्यक्त गदर्छौ।।

कालीगण्डकी फाउन्डेसन परिवार

02/12/2023

कालीगण्डकी फाउण्डेशन नेपालमा चारवेदका संहिता तथा नेपालीमा समेत
KF Nepal रामपुर ५ नहरअफिस

21/04/2023

कालीगण्डकी फाउण्डेशनको आयोजना र ट्राभल डेन्टिस्ट्री नेपालको प्राविधिक सहयोगमा सम्पन्न निःशुल्क कृतिम दन्त शिविर मार्फत कृतिम दाँत राखेपछि खुशी साट्दै जेष्ठ नागरिकहरु । शिविर मार्फत पाल्पाको रामपुर नगरपालिका, निस्दी, पूर्वखोला, रम्भा, बगनासकाली गाउँपालिका र स्याङ्जाको चापाकोट नगरपालिकाका ६० जनाले सेवा लिनु भएको छ । शिविर सञ्चालनमा सहयोग गर्नु हुने सम्पूर्ण सरोकारवाला निकाय, हामीलाई विश्वास गरेर सेवा लिन आउनुहुने आमा बुवा तथा अहोरात्र खटेर शिविर सम्पन्न गर्न सहयोग गर्नु हुने ट्राभल डेन्टिस्ट्री नेपालका संयोजक डाक्टर शंकर श्रेष्ठ, दन्त रोग विशेषज्ञ डाक्टर तथा सम्पूर्ण स्वास्थ्यकर्मी टिम प्रति हार्दिक आभार व्यक्त गर्दछौं ।

16/04/2023

कालीगण्डकी फाउण्डेशन नेपाल रामपुर पाल्पाको आयोजना र ट्राभल डेन्टिस्ट्री नेपालको प्राविधिक सहयोग आज आइतबार बाट रामपुरमा सुरु भएको निःशुल्क कृतिम दाँत शिविर शुभारम्भ कार्यक्रमका झलकहरु ।