01/06/2026
सन् २०२१ देखि २०२६ सम्म मोलुङ गाउँपालिकामा सञ्चालित "लैङ्गिक हिंसा रोकथाम तथा प्रतिकार्य परियोजना–२" अन्तर्गत मानसिक स्वास्थ्य तथा परामर्श केन्द्र नेपाल (CMC Project) को Phase-out कार्यक्रम आज सफलतापूर्वक सम्पन्न भएको छ।
यस अवसरमा गाउँपालिका अध्यक्षज्यूले परियोजनामार्फत समुदायमा लैङ्गिक हिंसा न्यूनीकरण, मानसिक स्वास्थ्य प्रवर्द्धन, मनोसामाजिक परामर्श सेवा विस्तार तथा आवश्यकता भएका नागरिकसम्म सेवा पुर्याउन खेलिएको महत्वपूर्ण भूमिकाको उच्च प्रशंसा गर्नुभयो। साथै, परियोजनाको सफल कार्यान्वयनमा योगदान पुर्याउनुहुने सम्पूर्ण कर्मचारी, सहजकर्ता तथा सरोकारवालाहरूलाई हार्दिक धन्यवाद ज्ञापन गर्दै समुदायको हितका लागि पुर्याइएको यो योगदान सदैव स्मरणीय रहने विश्वास सहित मोलुङ गाउँपालिकाको समग्र सामाजिक विकास, लैङ्गिक समानता तथा मानसिक स्वास्थ्य प्रवर्द्धनमा पुर्याएको उल्लेखनीय योगदानका लागि सम्पूर्ण CMC Project परिवारप्रति हार्दिक आभार व्यक्त गर्दै आगामी यात्राको सफलताको शुभकामना व्यक्त गर्दछौं। 💐
