01/06/2026
सिन्धुलीमा सांसदको झुटो परिचय दिई प्रभाव पार्न खोजेको आरोपमा एक व्यक्ति पक्राउ
सिन्धुली, जेठ १९ — जिल्ला प्रहरी कार्यालय सिन्धुलीले प्रतिनिधिसभा सदस्यको झुटो परिचय दिई विभिन्न व्यक्तिमाथि अनुचित दबाब र प्रभाव पार्न खोजेको आरोपमा एक व्यक्तिलाई पक्राउ गरेको जनाएको छ।
प्रहरीका अनुसार कमलामाई नगरपालिका–७ माझिटार निवासी ३६ वर्षीय लोकबहादुर तामाङले आफूलाई सिन्धुली क्षेत्र नं. १ का प्रतिनिधिसभा सदस्य धनेन्द्र काकीको भनी झुटो परिचय दिँदै ट्राफिक प्रहरीसहित विभिन्न व्यक्तिलाई फोनमार्फत दबाब दिने, काम कारबाहीमा अनुचित प्रभाव पार्न खोज्ने तथा अभद्र व्यवहार गरेको भन्ने सूचनाका आधारमा पक्राउ गरिएको हो।
तामाङलाई २०८३ जेठ १९ गते पक्राउ गरिएको जिल्ला प्रहरी कार्यालय सिन्धुलीले जनाएको छ। उनीविरुद्ध अभद्र व्यवहार सम्बन्धी कसुरमा जिल्ला प्रशासन कार्यालय सिन्धुलीबाट सात दिनको म्याद थप गरी अनुसन्धान भइरहेको प्रहरीको प्रेस विज्ञप्तिमा उल्लेख छ।
प्रहरी निरीक्षक उज्वल कार्कीले जारी गरेको प्रेस विज्ञप्तिमा घटनाबारे थप अनुसन्धान जारी रहेको जानकारी दिइएको छ।
