Ministry of Information and Communication- Nepal

02/10/2026

पश्चिम नेपालमा गएको अविरल वर्षा, बाढी र पहिरोबाट सञ्चार क्षेत्रमा निकै गम्भीर असर परेको छ। सेवा प्रदायक र सरकारको अथक प्रयास वावजूत अझै सञ्चार सेवा पूनर्स्थापित हुन बाँकि क्षेत्र धेरै छन्। विद्युतको आपूर्तिमा परेको असर र सडक सञ्जालमा पुगेको ठूलो क्षतिले चुनौति थपेको छ। सम्भव भएसम्म निश्चित ठाउँहरूमा हेलिकप्टरबाट जेनेरेटर र फ्यूल बोकेर पनि साइट अन गरिएको छ। सरकार सक्दो चाँडो सञ्चार सेवा पूर्ण सुचारू गर्न लागि परेको छ। धन्यवाद।

02/10/2026

भोटेकोशी बाढी तथा हालै पश्चिम नेपालमा भएको अविरल वर्षा, बाढी र पहिरोका कारण धेरै स्थानमा सञ्चार सम्पर्क विच्छेद भएको छ/थियो। सडक सम्पर्क र विद्युत् आपूर्ति अवरुद्ध हुनुका साथै अन्य पूर्वाधारमा समेत गम्भीर क्षति पुगेको कठिन परिस्थितिका बीच Nepal Telecom र Ncell निरन्तर खटिएर प्रभावित क्षेत्रमा सञ्चार सेवा शीघ्र पुनःस्थापना गर्न सफल भए।

विपद्को घडीमा नागरिकलाई सञ्चार सेवासँग पुनः जोड्न तथा उद्धार र राहत कार्यलाई सहज बनाउन अथक रूपमा खटिनुभएका सम्पूर्ण कर्मचारी तथा व्यवस्थापन टोलीप्रति सूचना तथा सञ्चार मन्त्रालय हार्दिक धन्यवाद व्यक्त गर्दछ।

पछिल्लो वर्षा, बाढी र पहिरोको कारण अवरूद्ध सेवा सुचारूका लागि थप सक्रियता उस्तै रहोस्। धन्यवाद!

01/10/2026

नेपाली चलचित्रको गौरवमय ऐतिहासिक यात्राको सम्मान, चलचित्र क्षेत्रको सिर्जनशीलता र योगदानको कदर तथा यसको उज्ज्वल भविष्यको कामनासहित सम्पूर्ण चलचित्रकर्मी, कलाकार, प्राविधिक, निर्माता, निर्देशक, लेखक तथा चलचित्रप्रेमी दर्शक महानुभावहरूमा राष्ट्रिय चलचित्र दिवसको हार्दिक शुभकामना!

30/09/2026

प्रतिनिधि सभा बैठक, २०८३ असोज १४ गते, बुधबार माननीय सूचना तथा सञ्चार मन्त्री डा. विक्रम तिमिल्सिनाले सदनमा उठेका प्रश्नहरूको जवाफ दिनुहुँदै।

29/09/2026

असोज ८ देखि ११ गतेसम्मको बाढी–पहिरो र विद्युत् अवरोधका कारण नेपाल टेलिकमका १,१३२ टेलिफोन साइट प्रभावित भएकोमा हालसम्म १,००२ साइट पुनः सञ्चालनमा आइसकेका छन्।

बाँकी १३० साइटमा सेवा पुनःस्थापनाको काम जारी छ।
नेपाल टेलिकमको उच्च व्यवस्थापनसँग हालसम्मको प्रगति र बाँकी चुनौतीबारे समीक्षा गर्दै प्रभावित क्षेत्रमा आवश्यक विद्युत्, जेनेरेटर, उपकरण, ढुवानी र प्राविधिक जनशक्ति तत्काल परिचालन गरी सेवा शीघ्र सञ्चालनमा ल्याउन निर्देशन दिइएको छ।

सडक र विद्युत् पहुँच तत्काल सम्भव नभएका स्थानमा हेलिकप्टरमार्फत उपकरण तथा प्राविधिक टोली पुर्‍याउने र वैकल्पिक ऊर्जा प्रयोग गर्ने लगायतका उपाय अपनाएर भए पनि सञ्चार सेवा पुनःस्थापित गर्न जोड दिइएको छ।

लक्ष्य स्पष्ट छ: बाँकी प्रभावित क्षेत्रमा सकेसम्म छिटो सञ्चार सम्पर्क पुनःस्थापित गर्ने।

28/09/2026

नेपाल टेलिकमले रसुवाको टिमुरेमा टिमुरे, खैदी (CDR 466) सोलार सिस्टम सञ्चालनमा ल्याएको छ। विद्युत लामो समय सम्म अवरुद्ध हुने भएकोले नेटवर्क सुचारु राख्नका लागि सो स्थानमा हेलिकप्टरबाट सामान ढुवानी गरी १२ किलोवाट क्षमताको सिस्टम सञ्चालन गरिएको हो।

अब देखि विद्युत सेवा उपलब्ध नभए पनि टिमुरे क्षेत्रमा नेपाल टेलिकमको टुजी तथा फोरजी सेवा सहज रुपमा उपलब्ध हुनेछ। गत भाद्र १० गते आएको बाढीका कारण सो क्षेत्र लगायत रसुवा र अन्य जिल्लाका धेरै स्थानका सेवा प्रभावित बनेका थिए।

25/09/2026

25/09/2026

25/09/2026

संयुक्त राष्ट्रसंघको ८१ औं महासभामा सम्माननीय प्रधानमन्त्री वालेन्द्र शाहको सम्बोधन।