03/08/2026
अनुगमन, निरीक्षण तथा निर्देशन सम्बोधन कार्यक्रम
⸻
मिति २०८३।०४।१८ गते त्रिभुवन अन्तर्राष्ट्रिय विमानस्थल (TIA) सुरक्षा कार्यालयको निरीक्षण भ्रमण तथा आवश्यक निर्देशन सम्बोधन कार्यक्रममा पाल्नु भएका काठमाडौं उपत्यका प्रहरी कार्यालय, रानीपोखरी, काठमाडौंका प्रमुख प्रहरी अतिरिक्त महानिरीक्षक श्री सुशील सिंह राठौरज्यूलाई त्रिभुवन अन्तर्राष्ट्रिय विमानस्थल सुरक्षा कार्यालयका प्रमुख प्रहरी वरिष्ठ उपरीक्षक श्री बसन्त रजौरेले स्वागत गर्नु भएको । उक्त कार्यक्रममा तालुक कार्यालयका प्र.व.उ. सोमेन्द्र सिंह राठौरज्यू लगायतका प्रहरी अधिकृतको टोली समेतको उपस्थिति रहेको ।
भ्रमणका क्रममा त्रिभुवन अन्तर्राष्ट्रिय विमानस्थल सुरक्षा कार्यालयमा कार्यरत प्रहरी कर्मचारीलाई विमानस्थल सुरक्षा, वर्तमान राष्ट्रिय तथा अन्तर्राष्ट्रिय सुरक्षा चुनौती, आतंकवाद तथा संगठित अपराध नियन्त्रण, लागूऔषध तथा सुन तस्करी नियन्त्रण, मानव बेचबिखन रोकथाम, ICAO मापदण्डअनुसारको सुरक्षा व्यवस्था, प्रहरी व्यवसायिकता, अनुशासन, इमान्दारिता, यात्रुमैत्री व्यवहार तथा संगठनको हितमा प्रभावकारी कार्यसम्पादन सम्बन्धमा विस्तृत ब्रीफिङ तथा आवश्यक निर्देशन दिनु भई कार्यक्रम सफलतापूर्वक सम्पन्न भएको।
