25/08/2024
ममता काफ्ले भट्टको केशले अहिले धेरैको मनमा विवाहलाई लिएर धेरै कुरा खेलिरहेको छ ।
पहिलो कुरा आफ्नो छोराछोरीलाई पढाएर आफ्नो खुट्टामा उभिने बाताबरण सृजना गरिदिनु पर्यो ।
विहे गर्न उमेर पुगेका केटाकेटीको धेरै जनासँग कुरा चलेको हुन्छ । समाजमा धेरै जनासँग कुरा चल्दा नराम्रो सोच्छन् भनेर चित्त नवुझेको, राम्रो जान पहिचान नभएको मान्छसँग विवाह गराइदिन हतार गर्नुभएन ।
धन सम्पत्ति,PR, Greencard, Citizenship भन्दा पनि सकारात्मक तथा नकारात्मक वानी, व्यवहार, माया, रिस, घृणा सबैकुरा वुझेर मात्र विवाहको लागि अगाडी वढ्नु पर्यो ।
छोराछोरीलई विहेको लागि एक अर्कालाई वुझ्न धेरै समय दिनुपर्यो वरु डिभोर्सड वा आफ्नो सन्तान गुमाउनु भन्दा राम्रोसँग वुझेर मात्र उनीहरुको विवाह गराइदिदा सम्बन्ध राम्रो हुन्छ।
छोराछोरीको बिहे पछि पनि उनीहरु खुशी छन् की छैनन्, उनीहरुको सम्बन्ध कस्तो छ? डिभोर्सड भयो भने छोरीलाई यो समाजले के भन्छ छोरी बोझ हुन्छे भन्ने सामाजिक डरले अगाडि वढाउन नसकिने सम्बन्धमा जवरजस्ती छोरीलाई धकेल्नु भएन । यसरी धकेल्दा कतिपयले त आत्महत्या समेत गर्न सक्ने हुन्छ छोरी गुमाउनु भन्दा त वरु छुट्टीएर वस्दा राम्रो हो । आफ्नो खुट्टामा उभिएपछि उनीहरुले कही न केही त अवश्य गर्न सक्छन् ।
बिहे पछि हाम्रो कर्तव्य सकियो होइन , बाचुञ्जेल सन्तानको सुरक्षा हाम्रो हातमा छ भनेर बा आमाले सोच्नु पर्यो ।
