31/03/2015
स्याङ्जामा भष्ट्रचार विरोधी संस्था गठन
अमृत पौडेल
वालिङ—१७ चैत्र
जिल्लालाई भष्ट्रचार मुक्त जिल्ला बनाउने उदेश्यका साथ वागेश्वरी असल शासन क्लव (वास) स्याङ्जा शाखा गठन गरिएको छ । नेपाल प्रेस युनियन स्याङ्जा शाखाका अध्यक्ष श्रीकृष्ण सिग्देलको प्रमुख आथित्यतामा भष्ट्रचार विरोधी संस्था वास गठन गरिएको हो । बाँकेमा प्रधान कार्यालय रहेको वागेश्वरी असल शासन क्लवको सञ्जाल स्याङ्जा सम्म आइपुगेको छ ।
आज भएको भेलाले चुत्रबहादुर महत (एसिव)को अध्यक्षतामा सात सदस्यीय कार्यसमिति गठन भएको छ । जसको उपाध्यक्षमा हेमप्रकास गुरुङ्, सचिवमा चण्डी पौडेल (अमृत), सह—सचिवमा रुक्मागत भण्डारी र कोषाध्यक्षमा धनकुमारी थापा रहेका छन् । सदस्यहरुमा तोलाकान्त वगाले र भिमबहादुर खत्री रहेका छन् । भष्ट्रचार विरुद्धको सञ्जाललाई शशक्त बनाउने उदेश्यका साथ गठन गरिएको भष्ट्रचार विरुद्धको यो संस्थाले जिल्लालाई भष्ट्रचार मुक्त जिल्ला बनाउनेमा प्रेणा मिल्ने प्रेस युनियनका अध्यक्ष सिग्देलले बताए । संस्थाले भष्ट्रचार विरुद्धको जनमत श्रृजना गरी जनचेतना अभिवृद्धि गरी भष्ट्रचारलाई जरै देखि उखेल्नुपर्ने धारणा अध्यक्ष सिग्देलले राखे ।
वागेश्वरी असल शासन क्लव स्याङ्जा शाखाका नव अध्यक्ष चुत्रबहादुर महत ( एसिव) ले जिल्लालाई भष्ट्रचार विरुद्धको शुन्य सहनशिलताको विकासमा यो संस्थाले काम गर्ने प्रतिवद्धता व्यक्त गरे । भष्ट्रचार विरुद्धको समाजिक आन्दोलनलाई ग्रामिण क्षेत्र सम्म पु¥याई शशक्त आन्दोलन अगाडी बढाउने महतको भनाई थियो । कार्यक्रमको संचालन सचिव चण्डी पौडेल (अमृत) ले गरेका थिए । भेलामा जिल्लाका अगुवा युवाहरुको सहभागिता रहेको थियो ।
