काठमाडौँ महानगरपालिका-Kathmandu Metropolitan City Office

02/09/2026

रसुवा भोटेकोशी बाढीमा १६ जना महानगरबासी वेपत्ता भएको प्रारम्भिक सूचना : विपद सूचना केन्द्रमा विवरण टिपाउन अनुरोध

विपद व्यवस्थापन हेल्प डेक्स र विपद सूचना केन्द्रमार्फत विवरण संकलन हुँदै

भदौ १० गते रसुवा भोटेकोशीमा गएको अप्रत्याशित बाढीमा काठमाडौँ महानगरपालिका भित्रका १६ जना नागरिक वेपत्ता हुनुभएको प्रारम्भिक विवरण प्राप्त भएको छ । यस्तै एक जनाको घर बगाएको छ ।

वेपत्ता हुनेमा वडा नं. १ बाट १ जना हुनुहुन्छ । उहाँ रसुवाको घट्टे खोलाबाट वेपत्ता हुनुभएको हो । वडा नं. ६ बाट २ परिवारका ५ जना वेपत्ता हुनुहुन्छ । वडा नं. ३१ बाट ४ जना, वडा नं. २९ बाट १ जना, वडा नं. २६ बाट ५ जना वेपत्ता हुनुहुन्छ ।

वडा नं. २३ का उमा श्रेष्ठको देवीघाटमा भएको घर बगाएको छ ।

काठमाडौँ महानगरपालिकाको विपद व्यवस्थापन हेल्प डेक्स तथा विपद सूचना केन्द्रबाट यो विवरण संकलन गरिएको हो ।

काठमाडौँ । भदौ १० गते रसुवा भोटेकोशीमा गएको अप्रत्याशित बाढीमा काठमाडौँ महानगरपालिका भित्रका १६ जना नागरिक वे...

02/09/2026

सामुदायिक विद्यालयको प्रधानाध्यापक पदमा दरखास्त आह्वानको म्याद थप सम्बन्धी सूचना

काठमाडौँ महानगरपालिका अन्तर्गत सञ्चालित २२ वटा माध्यमिक र १४ वटा आधारभूत सामुदायिक विद्यालयहरूमा रिक्त रहेका प्रधानाध्यापक पदमा पदपूर्ति गर्नुपर्ने भएकाले मिति २०८३/०५/०२ गते दरखास्त आह्वान सम्बन्धी सूचना प्रकाशित गरिएकामा हालै आएको प्राकृतिक विपत्तिका कारण सडक सञ्जाल र जनजीवनमा प्रतिकूल प्रभाव परेको हुँदा, दरखास्त पेश गर्ने म्याद मिति २०८३/०५/२३ गतेसम्म थप गर्ने निर्णय भएकाले शिक्षा नियमावली, २०५९ (दशौँ संशोधन सहित) को नियम ९३ बमोजिम योग्य उम्मेदवारहरूले थपिएको म्यादभित्र आवश्यक कागजात र विद्यालय विकास प्रस्ताव सहित सम्बन्धित विद्यालयमा रीतपूर्वकको दरखास्त पेश गर्नुहुन सूचित गरिन्छ ।

01/09/2026

डुवानबाट नागरिक जीवन सहज बनाउँदै महानगर प्रहरी

01/09/2026

गौरीघाट गुह्येश्वरी सडक खण्ड मौलिक स्वरुपमा पुनःस्थापना हुँदै : ढुङ्गा छाप्ने काम सुरु

'प्राचीन महत्वका क्षेत्रमा रहेका कालोपत्र हटाएर ढुङ्गा छाप्न थालेका हौँ '- वडाध्यक्ष, संगत

काठमाडौँको गौरीघाट पुलदेखि गुह्येश्वरीसम्म करिब १ हजार ७ सय वर्गमिटर सडकमा ढुङ्गा छाप्ने काम थालिएको छ ।

महानगरपालिकाको वडा नं. ८ ले करिब ८७ लाख लागतमा पहिलो चरणको काम थालेको हो । दोस्रो चरणमा करिब १ हजार १ सय वर्गमिटर क्षेत्रफलमा ढुङ्गा छाप्न करिब ९० लाख रुपियाँको खरिद प्रक्रिया अगाडि बढेको छ ।

निर्माण कार्यको थालनी गर्दै वडा नं. ८ का अध्यक्ष एवं महानगरपालिकाको सम्पदा तथा पर्यटन समितिका संयोजक आशामान संगतले, पुरातात्विक महत्वका सम्पदा भएका क्षेत्रमा यस अघि कालोपत्रे गरिएका सडकलाई परम्परागत निर्माण शैली र विधि अनुसार पुनःस्थापना थालेको बताउनुभयो । ‘पशुपति क्षेत्र, जयवागेश्वरी, नवाली टोल, गुह्येश्वरी जस्ता प्राचीन महत्वका स्थानहरु हाम्रो वडाका प्रचलित ठाउँ हुन् । यी क्षेत्रको ऐतिहासिकता र पुरातात्विक महत्वका स्थानहरुमा विकास गरिएका आधुनिक संरचनाको साटो मौलिक स्वरुप पुनःस्थापना अभियानलाई गन्तव्यमा लैजाँदैछौँ ।’ संगतले भन्नुभयो, ‘सेतोढोकादेखि जयबागेश्वरीसम्म, जय बागेश्वरीदेखि पशुपतिको ढोकासम्म, नवाली टोलका सहायक गल्लीहरु, तिलगंगा देउला टोलभित्रका सबै सडक र गल्लीमा ढुङ्गा छाप्ने काम सकेका छौँ ।’ उहाँले भन्नुभयो, ‘जय बागेश्वरीदेखि उमाकुण्ड र आसपासका गल्लीहरुमा काम सुरु हुँदैछ । दशैँ लगत्तै जयबागेश्वरीदेखि भुवनेश्वरीसम्मको सडकमा ढुङ्गा छाप्ने काम गरिनेछ ।’

https://metronews.kathmandu.gov.np/news/detail/0109685902

01/09/2026

अवरोध छिचोल्दै गन्तव्यतिर जाँदैछ महानगर प्रहरी बल

बाढीग्रस्त क्षेत्रमा जाने सडक खुलाउने क्रममा नुवाकोट काफल डाँडाको पहिरो पन्छाउदै अगाडि बढ्दै महानगर प्रहरी लगायतसहितको टीम

31/08/2026

नदीको वहाव र खतरा तहप्रति सचेत महानगर प्रहरी

31/08/2026

भदौ १५ राति १०:०० बजे

काठमाडौँस्थित बागमती नदी गौरीघाट जल मापन केन्द्रमा जल सतह सतर्कता तह पार गरेको र बढ्दो क्रममा रहेकोले नदीको तल्लो तटीय क्षेत्रका बासिन्दा बिहान सम्मै उच्च सतर्क रहनुहोला ।

31/08/2026

31/08/2026

विष्णुमती नदीमा बाढीको सतह बढ्यो : गोंगबु आसपास र तटीय क्षेत्रका बासिन्दालाई उच्च सतर्क रहन आग्रह

31/08/2026

विष्णुमती नदीमा बाढीको सतह बढ्यो : गोंगबु आसपास र तटीय क्षेत्रका बासिन्दालाई उच्च सतर्क रहन आग्रह

आधिकारिक सूचना लिनु । नआत्तिनु । संयम र सजग रहनु ।