04/04/2026
उर्लाबारी-३ मंगलबारेबाट ठूलो परिमाणमा लागूऔषध बरामद, दुई जना पक्राउ
२१ चैत / उर्लाबारी
इलाका प्रहरी कार्यालय उर्लाबारीले ठूलो परिमाणमा लागूऔषध तथा प्रतिबन्धित औषधिसहित दुई जनालाई पक्राउ गरेको छ।
शुक्रबार प्रहरी निरीक्षक नविन ओलीको कमाण्डमा खटिएको प्रहरी टोलीले उर्लाबारी नगरपालिका–३ केर्खाली चोकस्थित ललिता तामाङको घरमा डेरा गरी बस्दै आएका मोरङको पथरी शनिश्चरे नगरपालिका–८ बस्ने ४३ वर्षीय योगेन्द्र तुङहाङ र पथरी शनिश्चरे–४ बस्ने ४४ वर्षीय कमल बहादुर दाहाललाई पक्राउ गरेको हो। विषेश सूचनाका आधारमा उक्त स्थानमा छापा हानिएको प्रहरीले जनाएको छ ।
प्रहरीकाअनुसार उनीहरूबाट ब्राउन सुगर जस्तो देखिने पदार्थ, गाँजा जस्तो देखिने वस्तु तथा विभिन्न प्रकारका प्रतिबन्धित औषधि बरामद गरिएको छ।
बरामद गरिएको लागूऔषधमध्ये कालो प्लास्टिकमा पोका पारिएको ब्राउन सुगर जस्तो देखिने ३ पोका पदार्थ प्लास्टिकसहित ४ ग्राम ३ सय ४० मिलिग्राम र प्लास्टिक बाहेक २ ग्राम ७ सय मिलिग्राम खैरो लिसाइलो पदार्थ फेला परेको प्रहरीले जनाएको छ। त्यस्तै कालो प्लास्टिकमा पोका पारिएको १ पोका पदार्थ प्लास्टिकसहित ५ ग्राम ८ सय मिलिग्राम र प्लास्टिक बाहेक ५ ग्राम १ सय ९० मिलिग्राम सेतो लिसाइलो पदार्थ बरामद गरिएको छ।
यस्तै सेतो र पहेंलो प्लास्टिकमा पोका पारिएको २ पोका गाँजा जस्तो देखिने पदार्थ प्लास्टिकसहित २ केजी २७५ ग्राम र प्लास्टिक बाहेक २ केजी २३० ग्राम बरामद गरिएको उर्लाबारी प्रहरीले जनाएको छ।
त्यसैगरी विभिन्न प्रकारका प्रतिबन्धित औषधि पनि बरामद गरिएको छ। डाइसाइक्लोमिन हाइड्रोक्लोराइड (स्पासरेस्ट) लेखिएको २३५ पत्तामा २३५० गोटी, डाइसाइक्लोमिन हाइड्रोक्लोराइड (स्पासपेन फ्रि) लेखिएको २५२ पत्तामा २५२० गोटी, प्रोमेथाजिन हाइड्रोक्लोराइड (भोमिन–२५) लेखिएको ३५ पत्तामा ३५० गोटी तथा ट्रामाडोल हाइड्रोक्लोराइड (ट्रामोल–५०) लेखिएको ९५७ पत्तामा ९५७० क्याप्सुल बरामद गरिएको प्रहरीले जनाएको छ।
त्यस्तै डाइसाइक्लोमिन हाइड्रोक्लोराइड (रेरिस्पास–२०) लेखिएको ९३८ पत्तामा ९३८० गोटी, डाइसाइक्लोमिन हाइड्रोक्लोराइड (बरालमुन) लेखिएको ९४ पत्तामा ९४० गोटी, नाइट्राजेपाम (निट्जासेन–१०) लेखिएको ५९ पत्तामा ५८५ गोटी तथा एन्टिकोफ नामक ट्याब्लेट ३७ पत्तामा ३७० गोटी बरामद भएको प्रहरीले जनाएको छ।
यस्तै रेडमी र भिभो कम्पनीका २ थान मोबाइल, सामसुङ
