11/09/2025
यतिबेला को प्रधानमन्त्री बन्ने वा कसलाई प्रधानमन्त्री बनाउने भन्ने होडबाजी आ–आफ्नो ठाउँबाट जोडतोडले चलेको देखिन्छ । यसमा स्वतः स्फूर्त ढंगबाट सुशासनको पक्षमा, भ्रष्टाचारको विरोध गर्दै अवस्था परिवर्तन गरी आम सर्वसाधारणले पनि सामान्य रुपमा गरीखाने वातावरणका लागि समाजमा शान्ति, सुव्यवस्था र अमनचैन कायम गर्न सडकमा ओर्लिएका युवाहरु जसलाई जेनजी (Gen-Z) पुस्ता भनेर चिनिन्छ, तीनिहरुलाई पनि अहिले टुटाउने फुटाउने र आफ्नो अभिष्ट पुरा गर्ने गरी देशी विदेशी शक्तिकेन्द्रहरु मरिहत्ते गरेर लागि परेका छन् । त्यसतर्फ होसियार भई अबका दिनमा राजनीति विशुद्ध रुपमा राष्ट्र निर्माणका लागि हुनुपर्दछ । सुशासन र विधिको शासन कायम गर्न केन्द्रीत हुनुपर्दछ र समतामुलक समाज निर्माणको खातिर हुनुपर्दछ । नेपाली हौँ भनेर गर्व गर्ने ठाउँमा पुग्न सबै इमान्दार भएर लाग्नु जरुरी छ । ढिलो नगरौँ ।
Send a message to learn more