18/05/2024
***गोरखामा अलपत्र विकास***
१२ करोड लाग्ने पुलको लागि ३० लाख बजेट ।
विकास कसरी अलपत्र पर्छ त्यो हेर्न प्रधानमन्त्री प्रचण्डको निर्वाचन क्षेत्र गोरखाको पालुंटार न.पा. वडा नं. १ र वडा नं. ९ र १० जोड्ने धौखोला दोभान भुत्याहा सिमलमा ६० मिटर लम्बाई हुने पुल निर्माणको लागि गरेको काम हेर्दा हुन्छ ।
त्यो पुल निर्माण सम्पन्न गर्नको लागि लाग्ने लागत अनुमान छ रु. १२ करोड । तर बजेट विनियोजन गरिएको छ मात्र रु. ३० लाख ।
यो लागत अनुमानको जम्मा २.५ प्रतिशत हो । विनियोजन रकमको ५ गुणा सम्मको ठेक्का गर्न सकिने खरिद ऐनको प्रावधान छ भन्ने सुनेको हुँ, त्यसो गर्दा जम्मा १ करोड ५० लाख भयो, त्यसले त पुल बन्दैन । श्रोत सुनिश्चितता नभए सम्म काम अगाडी बढाउन ठेक्का गर्न नसकिने रहेछ । आयोजना कार्यान्वयन ईकाइले श्रोत सुनिश्चितताको लागि प्रदेश सरकारलाई पत्र लेखेको छ । तर जवाफ आएको छैन । केही ढिलो हुने वित्तिकै यस्तो योजनामा छुट्टाएको रकम फ्रिज हुन्छ । यस्ता फ्रिज हुने खुद्रे अलपत्र बजेट बनाउने की ड्याम ड्याम काम हुने गरी बजेट बनाउने? कार्यकर्ता रिझाउने होइन, जनता रिझाउने काम गरौं न, अनिपो देश बन्छ प्रधानमन्त्री ज्यू ।
यस्ता अलपत्र योजना कता कता छन्, खबरदारी गरौं है ।
